ដឹកសង្សារដើរលេងថ្ងៃបុណ្យនៃក្តីស្រឡាញ់ ជិះម៉ូតូលឿនពេកទៅបុករថយន្ត
រាជធានីភ្នំពេញ ៖ យុវជនម្នាក់ស្រវឹងស្រាដឹកសង្សារដើរលេងថ្ងៃបុណ្យនៃក្តីស្រឡាញ់
រាជធានីភ្នំពេញ ៖ យុវជនម្នាក់ស្រវឹងស្រាដឹកសង្សារដើរលេងថ្ងៃបុណ្យនៃក្តីស្រឡាញ់
រាជធានីភ្នំពេញ ៖ យុវជនម្នាក់ស្រវឹងស្រាដឹកសង្សារដើរលេងថ្ងៃបុណ្យនៃក្តីស្រឡាញ់បានជិះម៉ូតូយ៉ាងលឿន ក៏ជ្រុលទៅបុករថយន្តមួយគ្រឿងបណ្តាលឱ្យដួលសន្លប់រងរបួសធ្ងន់ ដែលហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១និង៥០នាទីរំលងអធ្រាត្រឈានចូលថ្ងៃទី១៥ កុម្ភៈ តាមបណ្តោយផ្លូវព្រះនរោត្តម ស្ថិតនៅចំណុចរង្វង់មូលវិមានឯករាជ្យ ក្នុងសង្កាត់ទន្លេបាសាក់ ខណ្ឌចំការមន ។
បើតាមសាក្សីដែលឃើញហេតុការណ៍បានឱ្យដឹងថា មុនពេលហេតុគេបានឃើញរថយន្តមួយគ្រឿងម៉ាកម៉ែរសឺដែស ពណ៌ខ្មៅ ពាក់ស្លាកលេខ ភ្នំពេញ2AE-6448 ជិះជាមួយគូសង្សារ បើកបរតាមបណ្តោយផ្លូវព្រះនរោត្តមក្នុងទិសដៅពីជើងទៅត្បូង ខណៈពេលមកដល់ចំណុចកើតហេតុ ស្រាប់តែមានយុវជនម្នាក់ជិះម៉ូតូម៉ាកស៊ុយសុគីNex ពណ៌ខ្មៅ ពាក់ស្លាកលេខ ភ្នំពេញ1CO-4068 ធ្វើដំណើរតាមបណ្តោយផ្លូវព្រះស៊ីសុវត្ថិក្នុងទិសដៅពីលិចទៅកើតក្នុងល្បឿនយ៉ាងលឿន ក៏បានអកហ្សើជាមួយរថយន្ត ចាប់ហ្វ្រាំងអត់ទាន់ក៏ជ្រុលទៅបុកចំក្បាលរថយន្តចំហៀងខាងស្តាំ បណ្តាលឱ្យយុវជនដែលបើកបរម៉ូតូដោយស្ថានភាពស្រវឹងដួលបោកក្បាលទៅនឹងក្បាលរថយន្តសន្លប់ស្តូកស្តឹងនៅកន្លែងកើតហេតុភ្លាមៗនោះដែររថយន្តសង្គ្រោះបានមកដល់ដឹកយកជនរងគ្រោះយកទៅព្យាបាលនៅមន្ទីរពេទ្យកាល់ម៉ែត ។
ក្រោយពេលកើតហេតុ ដោយសារភាគីខាងរថយន្តមិនចង់មានរឿងរ៉ាវវែងឆ្ងាយក៏បានព្រមសងសំណងដល់ជនរងគ្រោះចំនួន១៥០ដុល្លារដើម្បីបញ្ចប់រឿងនៅកន្លែងកើតហេតុ ៕
ចែករំលែកព័តមាននេះ