ទីផ្សារអចលនទ្រព្យវៀតណាមសម្លឹងឃើញភាពអាប់អួ
ប្រទេសវៀតណាម ៖ អ្នកជំនាញនិយាយថា បញ្ហាគម្រោង និងគម្លាតដ៏ធំរវាងតម្លៃដីធ្លី និងប្រាក់ចំណូលប្រជាជន នឹងបង្កឲ្យមានបញ្ហាប្រឈមលើទីផ្សារអចលនទ្រព្យក្នុងរយៈពេលពីរឬបីឆ្នាំខាងមុខ ។
ប្រទេសវៀតណាម ៖ អ្នកជំនាញនិយាយថា បញ្ហាគម្រោង និងគម្លាតដ៏ធំរវាងតម្លៃដីធ្លី និងប្រាក់ចំណូលប្រជាជន នឹងបង្កឲ្យមានបញ្ហាប្រឈមលើទីផ្សារអចលនទ្រព្យក្នុងរយៈពេលពីរឬបីឆ្នាំខាងមុខ ។
ប្រទេសវៀតណាម ៖ អ្នកជំនាញនិយាយថា បញ្ហាគម្រោង និងគម្លាតដ៏ធំរវាងតម្លៃដីធ្លី និងប្រាក់ចំណូលប្រជាជន នឹងបង្កឲ្យមានបញ្ហាប្រឈមលើទីផ្សារអចលនទ្រព្យក្នុងរយៈពេលពីរឬបីឆ្នាំខាងមុខ ។
យោងតាមប្រធានសមាគមអចលនទ្រព្យវៀតណាម លោក Nguyen Tran Nam បានឲ្យដឹងថា តម្លៃផ្ទះនៅតែមានគម្លាតឆ្ងាយពីប្រាក់ចំណូលរបស់ពលរដ្ឋ ។
លោកនិយាយថា ៖ « ទីផ្សារបាននិងកំពុងផ្ដោតទៅលើតម្លៃ ដោយតំបន់ខ្លះមានតម្លៃចាប់ពី៤០លានដុង ស្មើនឹងប្រមាណ១.៧៥០ដុល្លារក្នុង១ម៉ែត្រការ៉េ និងកន្លែងខ្លះទៀតមានតម្លៃជាង១០០លានដុង ក្នុង១ម៉ែត្រការ៉េឯណោះ » ។
លោកបន្ដថា នៅទីក្រុងហាណូយ និងទីក្រុងហូជីមិញ វាមិនងាយស្រួលនោះទេក្នុងការស្វែងរកទិញផ្ទះក្នុងតម្លៃ២០លានដុងក្នុង១ម៉ែត្រការ៉េ ប៉ុន្ដែទោះបីយ៉ាងនេះក៏ដោយ ក៏តម្រូវការលំនៅឋានត្រូវបានគេប៉ាន់ប្រមាណថា មានប្រមាណ៨០% ។
យោងតាមប្រភពពី Numbeo ដែលជាមូលដ្ឋានទិន្នន័យសកលបង្ហាញថា តម្លៃអចលនទ្រព្យវៀតណាម បានជាប់ចំណាត់ថ្នាក់ទី៤ ក្នុងចំណោម៩៩ប្រទេសដែលមានតម្លៃខ្ពស់ជាងគេបំផុត បន្ទាប់ពីវ៉េណេស៊ុយអេឡា ស៊ីរី និងហុងកុង ។
កាលពីឆ្នាំមុន អ្នកជំនាញបានថ្លែងក្នុងសន្និសីទមួយ ដោយព្រមានអំពីគម្លាតរវាងតម្លៃលំនៅឋាន និងប្រាក់ចំណូលរបស់ប្រជាជន ។
អនុប្រធានក្រុមហ៊ុន Dat Lanh Land លោក Nguyen Van Duc បាននិយាយថា ប្រសិនជាគ្មានដំណោះស្រាយឲ្យប្រសើរឡើងនោះទេ ចំនួនប្រជាជនដែលមិនមានលទ្ធភាពទិញលំនៅឋាន នឹងកើនឡើងយ៉ាងឆាប់រហ័ស។ ទន្ទឹមនឹងនោះ លោកបានព្រមានថា៖ «នេះអាចនឹងមានវិបត្តិលំនៅឋាន» ។
តាមរបាយការណ៍មួយរបស់ធនាគារពិភពលោក មានចំណងជើងថា «លំនៅឋានវៀតណាម ជាមធ្យោបាយឆ្ពោះទៅមុខ»ឬ“Vietnam Affordable Housing – A Way Forward” ដែលបានចេញផ្សាយកាលពីខែធ្នូ ឆ្នាំ២០១៥ បានសរសេរថា វៀតណាមនៅតែមានឱនភាពច្រើនទៅលើលំនៅឋាន ដែលស្ទើរតែ២០% ឬប្រមាណ៤,៨លានគ្រួសារនៅតែស្ថិតក្នុងភាពក្រីក្រ ។
យោងតាមប្រធានសមាគមអចលនទ្រព្យវៀតណាម លោក Nguyen Tran Nam បានលើកឡើងថា រដ្ឋាភិបាលវៀតណាម គួរតែបង្កើតគោលនយោបាយរយៈពេលវែងដើម្បីអភិវឌ្ឍន៍លំនៅឋានតម្លៃសមរម្យ និងផ្ដល់ប្រាក់កម្ចីឲ្យប្រជាជនមានលទ្ធភាពទិញ ៕
ចែករំលែកព័តមាននេះ