យំបណ្ដើររត់បណ្ដើរទាំងមានហូរឈាមចេញពីប្រដាប់ភេទ
រាជធានីភ្នំពេញ ៖ ខណៈម្ដាយកំពុងរៀបអីវ៉ាន់ ស្រាប់តែកូនស្រីដែលទើបតែអាយុ៦ឆ្នាំយំសស្រាក់បានរត់មក ព្រមទាំងមានហូរឈាមចេញពីប្រដាប់ភេទទៀត ហើយប្រាប់ថា …
រាជធានីភ្នំពេញ ៖ ខណៈម្ដាយកំពុងរៀបអីវ៉ាន់ ស្រាប់តែកូនស្រីដែលទើបតែអាយុ៦ឆ្នាំយំសស្រាក់បានរត់មក ព្រមទាំងមានហូរឈាមចេញពីប្រដាប់ភេទទៀត ហើយប្រាប់ថា ក្មេងប្រុសម្នាក់បានចាប់រំលោភនាង ។ ហេតុការណ៍នេះកើតឡើងកាលពីវេលាម៉ោង៧ និង១៥នាទីយប់ ថ្ងៃទី០៩ ខែកុម្ភៈ ឆ្នាំ២០១៧ នៅផ្សារតាំងកសាង ស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។
ក្មេងប្រុសសង្ស័យឈ្មោះ ណុប បញ្ញា ហៅ ធី អាយុ១៤ឆ្នាំ ជាសិស្សថ្នាក់ទី៦ មានឪពុកឈ្មោះ ណុប សារិទ្ធ អាយុ៣៦ឆ្នាំ មុខរបរលក់ស្បែកជើងនៅផ្សារតាំងកសាង ម្តាយឈ្មោះ សៅ ចិន្តា អាយុ៣៥ឆ្នាំ មុខរបរអ៊ុតសក់ក្នុងផ្សារតាំងកសាង មានទីលំនៅផ្ទះជួលក្នុងភូមិចំការឪឡឹក សង្កាត់កាកាប ខណ្ឌពោធិ៍សែនជ័យ មានស្រុកកំណើត ស្រុកស្វាយរៀង ខេត្តស្វាយរៀង ។ ចំណែកក្មេងស្រីរងគ្រោះទើបតែអាយុ៦ឆ្នាំ មានទីលំនៅសង្កាត់កាកាប ខណ្ឌពោធិ៍សែនជ័យ ។
សមត្ថកិច្ចឲ្យដឹងថា ក្រោយពីទទួលបណ្តឹងម្តាយក្មេងស្រីរងគ្រោះភ្លាម កម្លាំងនគរបាលប៉ុស្តិ៍ និងកម្លាំងជំនាញខណ្ឌ ចុះទៅឃាត់ខ្លួនក្មេងប្រុសសង្ស័យតាមការចង្អុលប្រាប់ពីក្មេងស្រីរងគ្រោះ រួចនាំមកសាកសួរនៅប៉ុស្តិ៍កាកាប ។
តាមសម្តីម្តាយក្មេងស្រីរងគ្រោះបានឲ្យដឹងថា រាល់ថ្ងៃទំនេរកូនស្រីរបស់គាត់តែងតែចូលលេងក្នុងផ្សារជាមួយក្មេងប្រុសសង្ស័យ ដោយសារចាស់ៗសុទ្ធតែជាអ្នកស្គាល់គ្នា លុះមកដល់វេលាខាងលើខណៈដែលកំពុងរៀបចំអីវ៉ាន់ ស្រាប់តែកូនស្រីរត់មកពីក្រោយផ្សារទាំងយំសស្រាក់ ព្រមទាំងមានឈាមប្រឡាក់អាវ ហើយប្រាប់ថា ក្មេងប្រុសខាងលើបាននាំទៅលេងខាងក្រោយផ្សារ ហើយចាប់រំលោភ ។
តាមសម្តីក្មេងស្រី និងកាយវិកាស របស់ក្មេងស្រីរងគ្រោះបញ្ជាក់ឲ្យដឹងថា ក្មេងប្រុសខាងលើពិតជាបានចាប់រំលោភប្រាកដមែន ។
នៅចំពោះមុខសមត្ថកិច្ច ក្មេងប្រុសសង្ស័យបានសារភាពថា ខ្លួនពិតជាបាននាំក្មេងស្រីរងគ្រោះទៅចាប់រំលោភមែន ប៉ុន្តែគ្រាន់តែញុលៗ អត់ចូលដល់ជម្រៅឡើយ ។
សមត្ថកិច្ចបញ្ជាក់ថា តាមការពិនិត្យជំហ៊ានដំបូងឃើញថា ក្មេងស្រីរងគ្រោះមានហូរឈាមតាមទ្វារមាស តែទោះជាយ៉ាងណារង់ចាំនាំក្មេងស្រីរងគ្រោះទៅធ្វើការពិនិត្យ និងកោសល្យវិច្ច័យពីសំណាក់គ្រូពេទ្យជំនាញជាមុនសិន ។ ចំណែកក្មេងប្រុសសង្ស័យត្រូវបាននគរបាលបន្តការសាកសួរ និងកសាងសំណុំរឿងបញ្ជូនទៅផ្នែកជំនាញនៃអធិការដ្ឋាននគរបាលខណ្ឌ ដើម្បីចាត់ការបន្តទៅតាមនីតិវិធី ៕
ចែករំលែកព័តមាននេះ