ក្មេងប្រុសម្នាក់បា.ត់ខ្លួនក្នុងអូរព្រំដែនអស់១យប់ រកមិនទាន់ឃើញ
- បន្ទាយមានជ័យ
ខេត្តបន្ទាយមានជ័យ ៖ ក្មេងប្រុស អាយុ៤ឆ្នាំម្នាក់ បានបា.ត់ខ្លួនក្នុងអូរព្រំដែន បង្កឱ្យមានការភ្ញាក់
ខេត្តបន្ទាយមានជ័យ ៖ ក្មេងប្រុស អាយុ៤ឆ្នាំម្នាក់ បានបា.ត់ខ្លួនក្នុងអូរព្រំដែន បង្កឱ្យមានការភ្ញាក់ផ្អើលកាលពីរសៀលថ្ងៃទី៤ កញ្ញា ឆ្នាំ២០២២ ហើយអាជ្ញាធរក្រុងប៉ោយប៉ែតបានដឹកនាំសមត្ថកិច្ចជំនាញពាក់ព័ន្ធជួយរុករក ដោយមានទាំងក្រុមការងារជួយសង្គ្រោះរបស់អាជ្ញាធរស្រុកអារញ្ញា ខេត្តស្រះកែវ ប្រទេសថៃផងដែរ ។
ក្មេងរងគ្រោះឈ្មោះឡៃ ម៉េងស៊ឺ ភេទប្រុស អាយុ៤ឆ្នាំ មានឪពុកឈ្មោះលឿន ឡៃ និងម្តាយឈ្មោះចិន សាវុន រស់នៅក្នុងភូមិសង្កាត់កើតហេតុខាងលើ។
នគរបាលការពារព្រំដែនគោកលេខ៨៩១ប្រចាំភូមិសាស្ត្រកើតហេតុ បានប្រាប់កោះសន្តិភាពតាមទូរស័ព្ទថា មុនពេលកើតហេតុ ក្មេងរងគ្រោះនិងបងប្រុសរបស់គេរួមទាំងក្មេងៗមួយចំនួនទៀតបានទៅលេងទឹកអូរព្រំដែននៅចំណុចកើតហេតុខាងលើ ដោយបងប្រុសរបស់ក្មេងរងគ្រោះរវល់ឡើងដើមឈើហក់ទឹកលេង ទុកប្អូនខ្លួនឲ្យនៅលេងមាត់អូរ ។
តាមប្រភពដដែលបានបន្តថា លុះបងប្រុសរបស់ក្មេងរងគ្រោះរកមើល និងហៅមិនឃើញប្អូន ទើបរត់ទៅផ្ទះប្រាប់ឪពុកម្តាយនិងបង្ករភ្ញាក់ផ្អើលតែម្តង ។
ទោះយ៉ាងណាក៏ដោយ ករណីបាត់ខ្លួនក្មេងប្រុសខាងលើ អាជ្ញាធរក្រុងប៉ោយប៉ែតដឹកនាំដោយលោកគាត ហ៊ុល អភិបាលនៃគណៈអភិបាលក្រុង បានដឹកនាំសមត្ថកិច្ចពាក់ព័ន្ធចុះទៅភូមិសាស្ត្រកើតហេតុជួយរុករកជាមួយក្រុមការងារជួយសង្គ្រោះរបស់អាជ្ញាធរស្រុកអារញ្ញប្រទេសថៃ១៧នាក់ រហូតដល់ម៉ោងជាង៩យប់ថ្ងៃដដែល តែនៅរកមិនទាន់ឃើញនៅឡើយ។
ក្រុមការងារជួយសង្គ្រោះរបស់អាជ្ញាធរស្រុកអារញ្ញសន្យាថានឹងវិលត្រឡប់មកសហការជួយរុករកក្មេងរងគ្រោះជាមួយអាជ្ញាធរ និងសមត្ថកិច្ចក្រុងប៉ោយប៉ែតនៅព្រឹកថ្ងៃទី៥ កញ្ញា បន្តទៀត។
នគរបាលការពារព្រំដែនគោកប្រចាំភូមិសាស្ត្រកើតហេតុនិយាយថា មូលហេតុដែលពិបាករុករកក្មេងរងគ្រោះ ព្រោះតែស្ថាភាពក្នុងអូរព្រំដែនទឹកហូរខ្លាំង បើទោះជាទឹកនៅពាក់កណ្តាលអូរមិនឡើងខ្លាំងក៏ដោយ ។
គួរបញ្ជាក់ថា ករណីក្មេងបា.ត់ខ្លួនដោយសារល.ង់ទឹកនាប៉ុន្មានថ្ងៃចុងក្រោយនេះមានចំនួន២នាក់ហើយ នៅក្នុងសង្កាត់អូរជ្រៅ ដោយករណីទី១-គឺក្មេងស្រីម្នាក់ត្រូវទឹកហូរកួចធ្លា.ក់ចូលទឹកលូបាត់កាលពីល្ងាចថ្ងៃទី៣១ សីហា ឆ្នាំ២០២២ នៅភូមិសាមគ្គីមានជ័យ សង្កាត់អូរជ្រៅ និងរកឃើញស.ពនៅព្រឹកថ្ងៃទី១ កញ្ញា និងករណីទី២-ជាក្មេងប្រុសដែលកំពុងបា.ត់ខ្លួន ដែលករណីនេះជាកាធ្វេសប្រហែសរបស់អាណាព្យាបាល ៕
ចែករំលែកព័តមាននេះ