រាជធានីភ្នំពេញ ៖ សមត្ថកិច្ចជំនាញ នៃមន្ទីរប្រឆាំងគ្រឿងញៀន បង្ក្រាបករណីជួញដូរគ្រឿងញៀនឆ្លងដែន ចាប់ខ្លួនជនជាតិថៃ៤នាក់ និងរឹបអូសគ្រឿងញៀនជាង៤០គីឡូក្រាម ដោយអនុវត្តតាមបញ្ជានាយឧត្ដមសេនិយ៍ សន្តិបណ្ឌិត នេត…
រាជធានីភ្នំពេញ ៖ សមត្ថកិច្ចជំនាញ នៃមន្ទីរប្រឆាំងគ្រឿងញៀន បង្ក្រាបករណីជួញដូរគ្រឿងញៀនឆ្លងដែន ចាប់ខ្លួនជនជាតិថៃ៤នាក់ និងរឹបអូសគ្រឿងញៀនជាង៤០គីឡូក្រាម ដោយអនុវត្តតាមបញ្ជានាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងនាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់របស់ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន ។
ការចុះបង្ក្រាបនេះ ធ្វើឡើងកាលពីវេលាម៉ោង០៨ និង៣០នាទីថ្ងៃទី៣១ ខែសីហា ឆ្នាំ២០២២ កម្លាំងជំនាញ (ក៥) នៃមន្ទីរប្រឆាំងបទល្មើសគ្រឿងញៀន ដឹកនាំដោយលោកឧត្តមសេនីយ៍ទោ សាន សុទ្ធី, លោកឧត្តម សេនីយ៍ទោ ឆាយ ហួត, លោក ឧត្តមសេនីយ៍ត្រី គឹម តូ, លោក វរសេនីយ៍ទោ ទេព សុវណ្ណដារ៉ា នាយករងមន្ទីរ បានធ្វើការស៊ើបអង្កេតជាង១ខែ ចូលរួមសហការពីកម្លាំង នៃស្នងការដ្ឋាននគរបាលរាជធានីភ្នំពេញ ដោយមានការសម្របសម្រួលពីលោក អ៊ុ សភ្តិ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានបើកកិច្ចប្រតិបត្តិការបង្ក្រាប ក្រុមឧក្រិដ្ធជនជាជនជាតិថៃ ដឹកជញ្ជូន ជួញដូរគ្រឿងញៀននៅចំណុចផ្លូវកែវចិន្តា ស្ថិតក្នុងភូមិ៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
ក្នុងករណីនេះដែរ ជនសង្ស័យបានបើករថយន្តបំបុក និងប្រើអាវុធបាញ់មកលើសមត្ថកិច្ចចំនួន ៨គ្រាប់ ហើយសមត្ថកិច្ចប្រើសិទ្ធិការពារខ្លួន បាញ់តបតវិញ បណ្តាលឲ្យជនសង្ស័យ០១នាក់ ស្លាប់ និង០១នាក់ រងរបួស ។
កម្លាំងជំនាញ ឃាត់ខ្លួនជនសង្ស័យ ៤នាក់ រួមមាន ៖
១. ឈ្មោះ នុំ ប៉ាគុន ភេទប្រុស អាយុ ៣៤ឆ្នាំ ជនជាតិថៃ
២. ឈ្មោះ សែប ជីឡែងស៊ុក ភេទប្រុស អាយុ ២៥ឆ្នាំ ជនជាតិថៃ
៣. ឈ្មោះ ណា កូ ភេទប្រុស អាយុ ៤៤ឆ្នាំ ជនជាតិ ថៃ(រងរបួស) មេខ្លោងឧក្រិដ្ឋជន និងជាមុខសញ្ញាមានដីកាស្វែងរកចាប់ខ្លួនជាច្រើនករណី ឃាតករបា.ញ់សម្លា.ប់ប៉ូលិសថៃ និងមេខ្លោងជួញដូរគ្រឿងញៀននៅថៃទៀតផង ។
និង៤. ឈ្មោះ NATTHAPONG POLKHAN ភេទប្រុស អាយុ ២៨ឆ្នាំ ជនជាតិ ថៃ(ស្លា.ប់) ។
ក្នុងនោះដែរ សមត្ថកិច្ចចាប់យកវត្ថុតាង ៖
-គ្រឿងញៀនសរុប៤១ គីឡូ ៩៣២ ក្រាម
-សារធាតុញៀនប្រភេទ កេតាមីន(KETAMINE)ទម្ងន់១២ គីឡូ ១៨០ ក្រាម
-សារធាតុញៀនប្រភេទ អ៊ិចស្តាស៊ី(MDMA)ទម្ងន់ ២៩ គីឡូ ៧៥២ ក្រាម
-រថយន្ត ២គ្រឿង
-អាវុធខ្លី ២ដើម ។
បច្ចុប្បន្ន ជនសង្ស័យ និងវត្ថុតាង ត្រូវបានកម្លាំងសមត្តកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញ តាមនីតិវិធី ៕
ចែករំលែកព័តមាននេះ