តាមប្រភពពី Oddity Central បានឱ្យដឹងថា ក្រុមហ៊ុនអង់គ្លេសជំនាញខាងសម្អាត យីហោ «Naturist Cleaners» ដែលជាក្រុមហ៊ុននាំមុខគេ នៅចក្រភពអង់គ្លេស ខាងផ្នែកសម្អាតផ្ទះសម្បែងដោយខ្លួនទទេ បាននិងកំពុងតែប្រកាសជ្រើសរើសបុគ្គលិកស្រី ដែលមានចិត្តចង់រកប្រាក់ឈ្នួលសម្អាតផ្ទះ ជាមួយនឹងខ្លួនអាក្រាត ដោយមានតែស្បែកជើងផ្ទាត់ និងស្រោមដៃជាប់នឹងកាយតែប៉ុណ្ណោះ។
ក្រុមហ៊ុននេះ មិនប្រកាន់អាយុជាធំទេ មនុស្សស្រីគ្រប់វ័យអាចដាក់ពាក្យបាន ហើយទំហំដើមទ្រូងប៉ុនណា ក៏គេយកដែរ។ ប្រាក់កម្រៃដែលអាចរកបាន គឺ៥៧ដុល្លារក្នុងមួយម៉ោង។
ក្នុងសេចក្តីប្រកាសជ្រើសរើសបុគ្គលិកបានសរសេរថា «ពួកយើងកំពុងតែស្វែងរកបុគ្គលិកសម្អាតផ្ទះភេទស្រី ដែលអាចធ្វើការសម្អាតផ្ទះជាមួយនឹងខ្លួនទទេមិនមានខោអាវជាប់នឹងខ្លួន ។ ការងារទាំងអស់ ដែលត្រូវធ្វើ គឺជាការសម្អាតធម្មតា រួមមាន ការបោសដី រៀបចំអីវ៉ាន់ បូមធូលី ស្រោចទឹកផ្កា រៀបចំគ្រែ ប្រើប្រាស់ម៉ាស៊ីនបោកខោអាវ អ៊ុតខោអាវ និង សម្អាតកញ្ចក់» ។
មិនត្រឹមតែប៉ុណ្ណោះ ក្រុមហ៊ុនក៏បានចរចាជាមួយនឹងអ្នកជួលថា នឹងមិនឱ្យមានការប៉ះពាល់រាងកាយ និងថតរូបដាច់ខាត ខណៈពេលបុគ្គលិកកំពុងសម្អាត។
គួរបញ្ជាក់ថា ក្រុមហ៊ុននេះ មានដើមកំណើតនៅទីក្រុងឡុង កាលពី២ឆ្នាំកន្លះមុន។ ឥលូវនេះ វាកំពុងតែព្យាយាមពង្រីកសេវាកម្មឲ្យដល់កន្លែងផ្សេងៗទៀតនៅក្នុងចក្រភពអង់គ្លេសទាំងមូល។ ខាងក្រុមហ៊ុនប្រាប់ថា តម្រូវការបុគ្គលិកស្រីអាក្រាតកាយ ទៅសម្អាតផ្ទះ គឺភាគច្រើនជាតម្រូវការរបស់សហគមន៍និយមអាក្រាតកាយ ពួកគេចូលចិត្តភាពគ្មានសម្លៀកបំពាក់ជាប់នឹងខ្លួន។
ក្រុមហ៊ុនសេវាសម្អាតគេហដា្ឋន Naturist Cleaners បានបញ្ជាក់ថាការអាក្រាតកាយពេលធ្វើសេវាសម្អាត មិនមានអ្វីពាក់ព័ន្ធនឹងសកម្មភាពផ្លូវភេទនោះទេ។ លោកស្រី Laura Smith ដែលជាថៅកែក្រុមហ៊ុនបានបំភ្លឹបន្ថែមថា «វាជាសេវាកម្មសម្រាប់បំពេញតម្រូវការរបស់ សមាគមនិយមអាក្រាតកាយ។ ពួកយើងគឺជាក្រុមហ៊ុនផ្តល់សេវាសម្អាត វាគ្មានអ្វីទាក់ទងនឹងផ្លូវភេទឡើយ» ។
អ្នកប្រហែលជាឆ្ងល់ថា ហេតុអ្វីបានចាំបាច់រើសយកតែនារីមកធ្វើការ ។ តាមពិតទៅ នេះមកពីក្រុមហ៊ុនមានបុគ្គលិកប្រុសគ្រប់គ្រាន់ហើយ និងម្យ៉ាងទៀត មកពីអតិថិជនភាគច្រើនគឺជាបុរស ។
ចែករំលែកព័តមាននេះ