ទម្លាប់ប្រចាំថ្ងៃដែលអ្នកបានធ្វើអាចមានឥទ្ធិពលមិនគួរឱ្យជឿលើសុខភាពខួរក្បាលរបស់អ្នកដោយទម្លាប់ខ្លះវាល្អអាចជួយអ្នកបង្កើនការយល់ដឹង និងការចងចាំ ប៉ុន្តែទម្លាប់អាក្រក់ខ្លះដែលអ្នកមើល រំលងវាអាចបង្កើតភាពតានតឹងដល់ខួរក្បាល ហើយអាចឈានដល់ការបំផ្លាញកោសិកាខួរក្បាលបានដោយមិនដឹងខ្លួន ។
ពពួកទម្លាប់អាក្រក់ដែលអាចបំផ្លាញកោសិកាខួរក្បាលរបស់អ្នកអាចលុបចោលការវិវត្តន៍ល្អមិនតែប៉ុណ្ណោះ វាក៏អាចបង្រួមខួរក្បាលរបស់អ្នកបាន ដូច្នេះហើយអ្នកគួរបោះបង់ទម្លាប់ទាំងនេះ ដើម្បីសុខភាពខួរក្បាលរបស់អ្នក។
១ ឃា.តករសម្ងាត់ ៖ ការធ្វើចត្តាឡីស័ក ឫការដាក់ឱ្យនៅដាច់ពីគេជាវិធីសាស្ត្រការពារការរីករាលដាលនៃជំងឺមួយចំនួន ប៉ុន្តែប្រសិនបើយើងខ្លាចការរីករាលដាល ហើយដាក់ខ្លួនឲ្យនៅដាច់ដោយឡែក វាគឺជាទម្លាប់ឫជាអំពើមួយដែលអាចអន្តរាយដល់កោសិការខួរក្បាល ។
អ្នកវិទ្យាសាស្ត្របានអះអាងថា ទំនាក់ទំនងសង្គមមានសារៈសំខាន់ណាស់សម្រាប់សុខភាពខួរក្បាល ។ ការថប់បារម្ភ ឬការភ័យខ្លាចក្នុងសង្គមរបស់អ្នកកំពុងធ្វើឱ្យអ្នកខាតបង់សុខភាពខួរក្បាលរបស់អ្នកដោយមិនដឹងខ្លួន ។ អាកប្បកិរិយាបែបនេះ អាចផ្លាស់ប្តូរខួរក្បាលរបស់អ្នកដោយវាអាចបន្ថយ IQ របស់អ្នក និងធ្វើឱ្យអ្នកមានហានិភ័យខ្ពស់លើសុខភាព និងខួរក្បាល ហើយអាចបណ្តាលឲ្យអ្នកឈានទៅរក ការប្រើប្រាស់សារធាតុញៀ.ន។
ដើម្បីដោះស្រាយឬកែខៃបញ្ហានេះ ៖ អ្នកគួរតែសន្យាជាមួយខ្លួនឯងថា នឹងព្យាយាមទំនាក់ទំនងជាមួយគេជារៀងរាល់ថ្ងៃ ពោល គឺត្រូវព្យាយាម បញ្ចប់ភាពឯការបស់អ្នក ។ ត្រូវឧស្សាហ៍ចេញពីផ្ទះយ៉ាងហោចណាស់ ឲ្យបាន៣០នាទី ដូចជា ទៅទិញគ្រឿងទេសនៅហាង… ជាដើម។ល។
២ សូមកុំឧស្សាហ៍ធ្វើអ្វីលើសពីតម្រូវការ ៖ វប្បធម៌នៃការជំរុញឲ្យមនុស្សមានកាយវិការរហ័សរហួន និងខិតខំធ្វើការពេក គឺជាការឃោសនាបំផ្លើសទាំងអស់ ជាពិសេសនៅក្នុងសកម្មភាពសេដ្ឋកិច្ចនេះ ប៉ុន្តែការធ្វើសកម្មភាពបែបនោះវាអាចបន្ថយសុខភាពខួរក្បាលរបស់អ្នកយ៉ាងឆាប់រហ័ស ។ ភាពរហ័សរហួន និងស្មារតីទទួលខុសត្រូវខ្ពស់ គឺជាកម្លាំងជំរុញមួយរហូតទាល់តែអ្នកធ្វើការហួសកម្លាំង ។
ត្រូវចាំណា ការបំពេញការងារច្រើនពេកធ្វើឱ្យកាបូបរបស់អ្នកកាន់តែមានទំងន់ ប៉ុន្តែខួរក្បាលរបស់អ្នកកាន់តែចាស់ ។ ខួរក្បាលដែលធ្វើការលើសទម្ងន់មានថាមពលដែលវាមាន គឺមានអន្តរាយខ្លាំងណាស់ ។ដើម្បីដោះស្រាយឬកែខៃបញ្ហានេះ ៖ សូមធ្វើការសម្រេចចិត្ត ហើយព្យាយាមបិទកុំព្យូទ័ររបស់អ្នកបីម៉ោងមុន ពេលចូលគេង ហើយត្រូវចៀសវាងកុំធ្វើការនៅលើទូរស័ព្ទរបស់អ្នក ។ សូមកំណត់កាលបរិច្ឆេទសម្រាប់កិច្ចការនីមួយៗអោយច្បាស់លាស់ ។
៣ សូមកុំមើលស្រាលនូវបរិយាកាស និងបរិស្ថានជុំវិញកន្លែងអ្នករស់នៅ ៖ ខួរក្បាលរបស់អ្នកអាចស្ទក់ដោយសារតែបញ្ហាបរិយាកាស និងបរិស្ថានជុំវិញអ្នក ។ ការរស់នៅក្នុងបរិយាកាសដែលមានការ បំពុល ខ្ពស់អាចបណ្តាលឱ្យខូចខួរក្បាលរបស់អ្នកដែលមិនអាចត្រឡប់វិញបាន ។ ការបំពុលបរិយាកាស គឺវានឹងបង្កើនហានិភ័យនៃជំងឺបាត់ការចងចាំដែលគេហៅថា Alzheimer និងជំងឺវង្វេង។
ជាទូទៅអ្នកមិនអាចគ្រប់គ្រងគុណភាពខ្យល់នៅទីក្រុងរបស់អ្នកបានទេ ប៉ុន្តែអ្នកអាចធ្វើការផ្លាស់ប្តូរជាក់លាក់ដើម្បីប្រយុទ្ធប្រឆាំងនឹងផលប៉ះពាល់នៃគុណភាពខ្យល់មិនល្អ ។ ដើម្បីដោះស្រាយឫកែខៃបញ្ហានេះ ៖ បើមានសមត្ថភាពអ្នកអាចវិនិយោគលើម៉ាស៊ីនបន្សុទ្ធខ្យល់ដែលមានគុណភាពល្អ ដើម្បីរក្សាខួរក្បាលរបស់អ្នកឱ្យនៅក្មេង និងមានសុខភាពល្អ។ បិទបង្អួចរបស់ អ្នកនៅពេលថ្ងៃ ។
៤ សូមកុំខកខានការទទួលទានអាហារៈ ការតមមិនទៀងទាត់គឺជាកំហឹងរបស់សរីរាង្គកាយ ដោយរួមទាំងខួរក្បាលរបស់អ្នក។ មនុស្សមួយចំនួនជ្រើសរើសយកការតមអាហារពេលព្រឹកទាំងស្រុង ប៉ុន្តែបានទទួលអាហារថ្ងៃត្រង់ច្រើន ។ ការរំលងអាហារពេលព្រឹកអាចផ្លាស់ប្តូរការចងចាំរយៈពេលខ្លីរបស់អ្នក និងកាត់បន្ថយការយកចិត្តទុកដាក់លើសុខភាព ហើយអាចបង្កផលរំខានជាច្រើនផ្នែកអារម្មណ៍ និងសុខភាពខួរក្បាល ។
ដើម្បីដោះស្រាយ ឬកែខៃបញ្ហានេះ ៖ សូមព្យាយាមកំណត់ម៉ោងការងារត្រឹម១៤ម៉ោង ហើយត្រូវទទួលទានអាហារពេលព្រឹកដែលមានសុខភាពល្អ ។ សូមកំណត់ការទទួលទានអាហារពេលល្ងាចឲ្យលឿនបន្តិចទើបអ្នកអាចទទួលទានអាហារពេលព្រឹកបាន ។ អ្នកត្រូវតែច្បាស់ថា របបអាហារពេលព្រឹករបស់អ្នកមានប្រូតេអ៊ីន និងជាតិសរសៃខ្ពស់។
៥ ទម្លាប់ដែលបំផ្លាញសុខភាពខួរក្បាលរបស់អ្នកលឿនបំផុត ៖
ទឹកមានសារៈសំខាន់ណាស់សម្រាប់សុខភាពខួរក្បាល ប្រសិនបើអ្នកខ្វះជាតិទឹកត្រឹម១% វាអាចបណ្តាលឱ្យសមត្ថភាពយល់ដឹងរបស់អ្នកថយចុះ៥%។
កង្វះជាតិទឹកក្នុងខួរក្បាល២% អាចបណ្តាលឱ្យមានអ័ព្ទក្នុងខួរក្បាល និងកាត់បន្ថយភាពច្បាស់លាស់ខាងផ្លូវចិត្ត ។ ហើយការខះជាតិទឹកយូរអាចបង្រួមទំហំកោសិកាខួរក្បាលរបស់អ្នក។ ដើម្បីដោះស្រាយឫកែខៃបញ្ហានេះ ៖ ទុកដបទឹកនៅតុរបស់អ្នកគ្រប់ពេល ហើយប្រសិនបើអាចសូមព្យាយាមទទួលទានតែរុក្ខជាតិ។ រាល់ការធ្វើដំណើរគួរតែទៅជាមួយដបទឹកដែលអាចប្រើឡើងវិញបាន។
សេចក្តីសន្និដ្ឋាន ៖ ទម្លាប់អាក្រក់ទាំងនេះ អាចប៉ះពាល់យ៉ាងធ្ងន់ធ្ងរដល់សុខភាពខួរក្បាលរបស់អ្នក ។ ការយល់ដឹងទាបនឹងនាំឱ្យមានការផ្តោតអារម្មណ៍មិនល្អដែលនឹងប៉ះពាល់ដល់ផលិតភាពរបស់អ្នក ។ ការបែងចែកការងារដែលមិនច្បាស់លាស់ អាចនាំទៅរកភាពបរាជ័យ និងការមិនគោរពខ្លួន ។ ដូច្នេះ ចូរចៀសវាងទម្លាប់អាក្រក់ទាំងនេះ ដើម្បីពង្រឹងមុខងារខួរក្បាល និងសុខភាពខួរក្បាលរបស់អ្នក៕
ចែករំលែកព័តមាននេះ