អស់សង្ឃឹម ! មិនឃើញប្រពន្ធមករួមរស់ជាមួយវិញ ស្រាប់តែ…
ខេត្តកណ្ដាល ៖ បុរសម្នាក់បន្ទាប់ទំនាក់ទំនងជាមួយប្រពន្ធដែលចុះចោលជាច្រើនខែបាន នឹងសង្ឃឹមថានាងនឹងមករស់នៅជួបជុំគ្នាវិញ លុះនៅថ្ងៃចូលឆ្នាំចិនមិនឃើញនាងមក …
ខេត្តកណ្ដាល ៖ បុរសម្នាក់បន្ទាប់ទំនាក់ទំនងជាមួយប្រពន្ធដែលចុះចោលជាច្រើនខែបាន នឹងសង្ឃឹមថានាងនឹងមករស់នៅជួបជុំគ្នាវិញ លុះនៅថ្ងៃចូលឆ្នាំចិនមិនឃើញនាងមក …
ខេត្តកណ្ដាល ៖ បុរសម្នាក់បន្ទាប់ទំនាក់ទំនងជាមួយប្រពន្ធដែលចុះចោលជាច្រើនខែបាន នឹងសង្ឃឹមថានាងនឹងមករស់នៅជួបជុំគ្នាវិញ លុះនៅថ្ងៃចូលឆ្នាំចិនមិនឃើញនាងមកវិញ ប្រហែលជាអស់សង្ឃឹមថាមិនអាចរស់នៅជាមួយគ្នាទៀតបាន ស្រាប់តែដាច់ចិត្តគិតខ្លីចង.កសម្លាប់ខ្លួននៅក្នុងបន្ទប់ទឹកបង្កឲ្យមានការភ្ញាក់ផ្អើលកាលពីវេលាម៉ោង១ និង១៥នាទីរសៀល ថ្ងៃទី៣០ ខែមករា ឆ្នាំ២០១៧ នៅភូមិផ្លូវបំបែក ឃុំទឹកវិល ស្រុកស្អាង ។
សមត្ថកិច្ចបានឱ្យដឹងថា មុនពេលកើតហេតុជនរងគ្រាះបានយកក្រមាចូលទៅក្នុងបន្ទប់ទឹក ពេលនោះម្ដាយជនរងគ្រោះស្មានថា កូនចូលទៅងូតទឹកដូចធម្មតា ក៏រៀបចំម្ហូបអាហារដើម្បីហូបបាយ តែដោយរង់ចាំកូនយូរពេក ម្តាយក៏ដើរទៅមើលក្នុងបន្ទប់ទឹកស្រាប់តែឃើញកូនប្រុសយកក្រមាចងកភ្ជាប់នឹងធ្នឹមបន្ទប់ទឹក ក៏ស្រែកហៅប្តី និងអ្នកជិតខាងឲ្យមកជួយស្រាយចំណងដាក់កូនចុះក្រោម តែជាអកុសលកូនប្រុសបានស្លាប់បាត់ទៅហើយ ក៏រាយការណ៍ប្រាប់នគរបាលប៉ុស្តិ៍រដ្ឋបាលទឹកវិលឲ្យដឹង ដើម្បីចុះមកពិនិត្យ ។
នគរបាលប៉ុស្តិ៍ទឹកវិលបានឲ្យដឹងថា ជនរងគ្រោះឈ្មោះ អៀក រដ្ឋា ភេទប្រុស អាយុ៣០ឆ្នាំ មានទីលំនៅកន្លែងកើតហេតុ ។ មានម្តាយឈ្មោះ ហេង ស្រី ឪពុកឈ្មោះ អៀក ។
នគរបាលផ្នែកបច្ចេកទេសស្រុក នគរបាលប៉ុស្តិ៍រដ្ឋបាលទឹកវិល លោកមេភូមិ ពេទ្យឃុំ បានសហការត្រួតពិនិត្យសាកសពឃើញថា ពុំមានឃើញស្លាកស្នាមអ្វីផ្សេងគួរឲ្យកត់សម្គាល់ឡើយ ហើយធ្វើការសន្និដ្ឋានថា ជនរងគ្រោះពិតជាស្លាប់ដោយចងកសំលាប់ខ្លួនពិតប្រាកដមែន និងបានប្រគល់សពទៅក្រុមគ្រួសារយកទៅរៀបចំធ្វើបុណ្យតាមប្រពៃណី ។
ប្រភពពីម្តាយជនរងគ្រោះបានឲ្យសមត្ថកិច្ចដឹងថា កូនប្រុសរបស់គាត់រូបនេះត្រូវបានប្រពន្ធចុះចោលជាច្រើនខែហើយ ដោយយកកូនមួយទៅជាមួយផង ហើយកូនរបស់គាត់ធ្លាប់បាននិយាយថា បើប្រពន្ធរបស់ខ្ញុំយកកូនមកលេង សុំឲ្យគាត់ជួយមើលផង ប៉ុន្តែគាត់មិនដឹងថាកូនរបស់គាត់មានវិបត្តិធ្ងន់ធ្ងររហូតដាច់ចិត្តធ្វើអត្តឃាតសម្លាប់ខ្លួនបែបនេះ ។
ប្រភពពត័មានពីអ្នកជិតខាងបានឲ្យដឹងថា ពេលថ្មីៗនេះ ជនរងគ្រោះមានទំនាក់ទំនងជាមួយប្រពន្ធវិញ ហើយសង្ឃឹមថា ប្រពន្ធរបស់ខ្លួននឹងមករស់នៅជុំជាមួយខ្លួនវិញ ប៉ុន្តែថ្ងៃចូលឆ្នាំចិនមិនឃើញនាងមកវិញ ប្រហែលជាអស់សង្ឃឹមមិនអាចជួបគ្នាវិញ ទើបគិតខ្លីបែបនេះតែម្ដងទៅ ៕
ចែករំលែកព័តមាននេះ