សមត្ថកិច្ចឃាត់ខ្លួនមុខសញ្ញាចែកចាយគ្រឿងញៀ.ន បាន២នាក់
ខេត្តកំពត ៖ ដោយទទួលបញ្ជាពីលោកឧត្តមសេនីយទោ ម៉ៅ ចន្ទ័មធុរិទ្ធ ស្នងការខេត្ត ក្នុងការដាក់គោលដៅពិនិត្យអាវុធជាតិផ្ទុះនៅគ្រប់គោលដៅទាំងអស់នៅតាមបណ្តាស្រុក
ខេត្តកំពត ៖ ដោយទទួលបញ្ជាពីលោកឧត្តមសេនីយទោ ម៉ៅ ចន្ទ័មធុរិទ្ធ ស្នងការខេត្ត ក្នុងការដាក់គោលដៅពិនិត្យអាវុធជាតិផ្ទុះនៅគ្រប់គោលដៅទាំងអស់នៅតាមបណ្តាស្រុក ក្រុង ទាំង៨នៅក្នុងខេត្តនាបុណ្យចូលឆ្នាំប្រពៃណីចិន វៀតណាម ដើម្បីការពារសន្តិសុខសុវត្ថិភាព ជូនប្រជាពលរដ្ឋទូទាំងខេត្តក៏ដូចជាការពារសុវត្ថិភាព ជូនភ្ញៀវទេសចរណ៍ជាតិ និងអន្តរជាតិ ដែលចូលមកលេងកម្សាន្តតាមតំបន់រមណីយដ្ឋាននានាទូទាំងខេត្តផងដែរ។
អ្នកយកពត៌មានយើងបានទទួលព័ត៌មានពីស្នងការដ្ឋាននគរបាលខេត្តមកថា នៅវេលាម៉ោង៨ និង៤០នាទីយប់ ថ្ងៃទី២៩ ខែមករា ឆ្នាំ២០១៧ កម្លាំងអធិការដ្ឋាននគរបាលស្រុកបន្ទាយមាសបានដាក់គោលដៅត្រួតពិនិត្យអាវុធជាតិផ្ទុះ បានឆែកឆេរប៉ះចំមុខសញ្ញាចែកចាយគ្រឿងញៀនប្រទះឃើញ ថ្នាំញៀនប្រភេទម្សៅក្រាម១កញ្ចប់ធំ ទើបឃាត់ខ្លួនជនសង្ស័យបាន២នាក់ រួមនឹងវត្ថុតាងមួយចំនួនទៀតនាំមកកាន់ស្នងការខេត្ត។
សមត្ថកិច្ចបានឲ្យដឹងទៀតថា ជនសង្ស័យដែលឃាត់ខ្លួនទាំងពីរនាក់មាន ទី១ឈ្មោះ ជា រដ្ឋា ភេទប្រុស អាយុ៣៤ឆ្នាំ នៅភូមិកែប សង្កាត់កែប ខេត្តកែប។ ទី២- ឈ្មោះ យ៉ាង សុភគ្រ័ ភេទប្រុស អាយុ៣៤ឆ្នាំ នៅភូមិដំណាក់ចំបក់ សង្កាត់អូក្រសារ ក្រុងកែប វត្ថុតាងដែលរឹបអូសបានមាន ម៉ូតូមួយគ្រឿង ម្សៅក្រាមពណ៌សមួយកញ្ចប់ធំ ទូរសព្ទ័២គ្រឿង កាតអេអឹមខេ១សន្លឹក បារី១កញ្ចប់ ដែកកេះ១ បណ្ណ័បើកបរ១សន្លឹក។ ជនសង្ស័យរួមនឹងវត្ថុតាងត្រូវបានបញ្ជូនមកកាន់ ការិយាលយ័ប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្ត ដើម្បីកសាងសំណុំរឿងបញ្ជូនបន្តទៅតុលាការចាត់ការតាមនីតិវិធី៕
ចែករំលែកព័តមាននេះ