រាជធានីភ្នំពេញ ៖ រ៉ឺម៉កម៉ូតូ១គ្រឿងបានបើកបញ្ច្រាសទិសដៅចរាចរណ៍ទៅប៉ះរថយន្តស៊េរីទំនើបម៉ាក ម៉ាក Roll Royce បើកបរដោយលោកឧកញ៉ា ឌួង ឆាយ បង្កឲ្យមានការ …
រាជធានីភ្នំពេញ ៖ រ៉ឺម៉កម៉ូតូ១គ្រឿងបានបើកបញ្ច្រាសទិសដៅចរាចរណ៍ទៅប៉ះរថយន្តស៊េរីទំនើបម៉ាក ម៉ាក Roll Royce បើកបរដោយលោកឧកញ៉ា ឌួង ឆាយ បង្កឲ្យមានការភ្ញាក់ផ្អើលកាលពីវេលាម៉ោង១២ និង៤០នាទីរំលងអធ្រាត្រឈានចូល ថ្ងៃទី២៨ ខែមករា ឆ្នាំ២០១៧ ចំណុចមុខខារ៉ាអូខេឌីយ៉ាម៉ង់ តាមបណ្តោយផ្លូវលេខ២៧១ ស្ថិតក្នុងសង្កាត់បឹងសាឡាង ខណ្ឌទួលគោក ។
តាមប្រភពព័ត៌មានបានឲ្យដឹងថា មុនពេលកើតហេតុគេឃើញរថយន្តស៊េរីទំនើប១គ្រឿងម៉ាក Roll Royce ពណ៌ស អត់ស្លាក់លេខ បើកបរដោយលោកឧកញ៉ា ឌួង ឆាយ និងភរិយា បើកក្នុងទិសដៅពីត្បូងទៅជើង តាមបណ្តោយផ្លូវលេខ២៧១ ខណៈមកដល់ចំណុចកើតហេតុស្រាប់តែមានរ៉ឺម៉កម៉ូតូ១គ្រឿងបើកដោយបុរសម្នាក់ឈ្មោះ ហង មឹង អាយុ៣៥ឆ្នាំ ស្នាក់នៅផ្ទះជួលនៅម្តុំសឡា ស្ថិតក្នុងសង្កាត់ស្ទឹងមានជ័យ ខណ្ឌមានជ័យ ក្នុងស្ថានភាពស្រវឹង តាមបណ្តោយផ្លូវលេខ២៧១ ទិសដៅពីជើងទៅត្បូង (បើកបញ្ច្រាសទិសដៅចរាចរណ៍)គោលបំណងទៅក្លឹបវើលដាន់ បានបើកទៅប៉ះជាមួយរថយន្ត ម៉ាក Roll Royce បណ្តាលឲ្យរថយន្តរលាត់ថ្នាំចំហៀងខាងឆ្វេង ផ្នែកខាងក្រោយតិចតួច ។
បើតាមសម្តីបុរសជាអ្នកបើករ៉ឺម៉កម៉ូតូ បានឲ្យដឹងថា គាត់បានបើករ៉ឺម៉កម៉ូតូគោលបំណងទៅក្លិបវើលដាន់ ហើយខណៈពេលមកដល់ចំណុចកើតហេតុស្រាប់តែរថយន្តម៉ាក Roll Royce ខាងលើបានបើកចេញពីខារ៉ាអូខេ ឌីយ៉ាម៉ង់ បណ្តាលឲ្យទៅប៉ះជាមួយរ៉ឺម៉កម៉ូតូរបស់គាត់តែម្តង ។
ចំណែកលោកឧកញ៉ា ឌួង ឆាយ បានឲ្យដឹងថា រូបលោក និងភរិយា មិនមែនទើបតែចេញពីខារ៉ាអូខេ ឌីយ៉ាម៉ង់ នោះទេ គឺរូបលោកបានបើករថយន្តក្នុងទិសដៅត្បូងទៅជើងតាមបណ្តោយផ្លូវលេខ២៧១ ខណៈពេលមកដល់ចំណុចកើតហេតុស្រាប់តែរ៉ឺម៉កម៉ូតូខាងលើបើកបរបញ្ច្រាសទិសដៅចរាចរណ៍ ហើយបើកមកកណ្តាលផ្លូវមកប៉ះរថយន្តរបស់លោកបណ្តាលឲ្យរលាត់ថ្នាំតិចតួចចំហៀខាងឆ្វេងផ្នែកខាងក្រោយ ហើយអ្នកបើករ៉ឺម៉កម៉ូតូមិនត្រឹមតែមិនសុំទោសលោកទេ ថែមទាំងបញ្ចេញអាកប្បកិរិយាមិនសមរម្យ និងស្ទុះមកប្រុងវាយលោកថែមទៀត ។
ក្រោយពេលកើតហេតុ បុរសអ្នកបើករ៉ឺម៉កម៉ូតូ រួមទាំងរ៉ឺម៉កម៉ូតូ និងរថយន្តម៉ាក Roll Royce ត្រូវបានសមត្ថកិច្ចធ្វើការវាស់វែង រួចយកទៅរក្សាទុកនៅអធិការដ្ឋាននគរបាលខណ្ឌទួលគោកដើម្បីរងចាំការដោះស្រាយនៅពេលក្រោយ ចំណែកលោកឧកញ៉ា ឌួង ឆាយ និង ភរិយា បានឡើងជិះរថយន្តស៊េរីទំនើប១គ្រឿងផ្សេងទៀតទៅបាត់ ៕
ចែករំលែកព័តមាននេះ