លោក សម រង្ស៊ី ប្រកាសចូលប្រទេសវិញ
លោក សម រង្ស៊ី អ្នកនយោបាយប្រឆាំងបាននិយាយថា លោកនឹងវិលត្រឡប់មកកាន់ប្រទេសកម្ពុជា តាមការកោះហៅរបស់តុលាការ ។ ប៉ុន្តែទន្ទឹមនោះ លោកក៏បានដាក់លក្ខខណ្ឌផងដែរ សម្រាប់ការវិលត្រឡប់មកកម្ពុជាវិញនោះ…
លោក សម រង្ស៊ី អ្នកនយោបាយប្រឆាំងបាននិយាយថា លោកនឹងវិលត្រឡប់មកកាន់ប្រទេសកម្ពុជា តាមការកោះហៅរបស់តុលាការ ។ ប៉ុន្តែទន្ទឹមនោះ លោកក៏បានដាក់លក្ខខណ្ឌផងដែរ សម្រាប់ការវិលត្រឡប់មកកម្ពុជាវិញនោះ…
លោក សម រង្ស៊ី អ្នកនយោបាយប្រឆាំងបាននិយាយថា លោកនឹងវិលត្រឡប់មកកាន់ប្រទេសកម្ពុជា តាមការកោះហៅរបស់តុលាការ ។ ប៉ុន្តែទន្ទឹមនោះ លោកក៏បានដាក់លក្ខខណ្ឌផងដែរ សម្រាប់ការវិលត្រឡប់មកកម្ពុជាវិញនោះ ។
តាមរយ:ហ្វេសប៊ុកផេករបស់លោកនោះ លោក សម រង្ស៊ី បាននិយាយ នៅថ្ងៃទី២៣ ខែសីហាថា« ខ្ញុំសូមជម្រាបដល់សាធារណមតិជាតិ និងអន្តរជាតិ ម្តងទៀតថាខ្ញុំនឹងធ្វើដំណើរទៅចូលរួមក្នុងសវនាការ តុលាការទីក្រុងភ្នំពេញ ស្របតាមដីកានានារបស់តុលាការនេះ… »។
លោក សម រង្ស៊ី បាននិយាយបែបនេះ បន្ទាប់ពីតុលាការបានចេញដីការកោះហៅរូបលោក និងអ្នកនយោបាយចំនួន៣៣នាក់ផ្សេងទៀតចូលតុលាការ នៅថ្ងៃទី១៥ ខែកញ្ញា ក្នុងសំណុំរឿងនៃបទចោទប្រកាន់ក្បត់ជាតិ ។
ទោះបីជាលោក សម រង្ស៊ីបានប្រកាសអំពីការវិលត្រឡប់របស់លោកក្តី ប៉ុន្តែ រូបលោកបានដាក់លក្ខខណ្ឌចំនួនបីសម្រាប់ការវិលត្រឡប់របស់លោកនោះ ។ លក្ខខណ្ឌទាំងបីនោះរួមមាន ទីមួយ គឺដកបម្រាមដែលហាមឃាត់ មិនអោយក្រុមហ៊ុនអាកាសចរណ៍នានាមិនអោយដឹករូបលោកចូលប្រទេស ។ ទីពីរ ដកបម្រាមដែលធ្វើអោយរដ្ឋាភិបាលថៃ មិនអនុញ្ញាតអោយលោកធ្វើដំណើរចូលប្រទេសកម្ពុជាតាមផ្លូវគោកដោយឆ្លងកាត់ដែនដីប្រទេសថៃ ។ និងទីបី ដកបម្រាមហាមឃាត់ប្រជាពលរដ្ឋមិនមកទទួលរូបលោកពេលលោកវិលត្រឡប់ចូលកម្ពុជា។
ប៉ុន្តែទោះបីជាយ៉ាងណាក្តី មន្ត្រីរដ្ឋាភិបាលកម្ពុជានិយាយថា លោក សម រង្ស៊ី មិនហ៊ានចូលស្រុកមិនមែនមកពីការហាមឃាត់ណាមួយឡើយ ប៉ុន្តែលោក សម រង្ស៊ី ខ្លួនឯងខ្វះភាពក្លាហាននឹងប្រឈមមុខចំពោះមុខច្បាប់ ។
ចំណែកអ្នកតាមដានសភាពការណ៍នយោបាយនៅកម្ពុជាកត់សម្គាល់ថា លោក សម រង្ស៊ីបានប្រកាសវិលត្រឡប់ចូលប្រទេសកម្ពុជាជាច្រើនដងកន្លងមក ប៉ុន្តែនៅទីបំផុត លោកមិនបានវិលត្រឡប់ចូលប្រទេស វិញដូចការអះអាងរបស់លោកឡើយ។
ដូច្នេះ ការអះអាងលើកនេះក៏នឹងដូចលើកមុនៗដែរ ។ ពោល គឺលោក សម រង្ស៊ី នឹងមិនហ៊ានវិលចូលប្រទេសវិញដូចសម្តីរបស់គាត់ឡើយ ៕
ចែករំលែកព័តមាននេះ