ទំនើប​ទើប​លែង​ឆេះ ?


ប្រទេស​មាន​សន្តិភាព​បរិបូ​រណ៍ និង​កំពុង​អភិវឌ្ឍ​…​សំណង់​ទំនើប​ទាំងឡាយ​ត្រូវ​តែ​រីក​ស្គុសស្គាយ​…​។ រីឯ​សេដ្ឋកិច្ចជាតិ និង​សេដ្ឋកិច្ច​ឯកជន​ក៏​រីក​ចំរើន​…​សេដ្ឋកិច្ច​ទីផ្សារសេរី​ក៏​បោះពួយ​គ្មាន​ទីប​ញ្ជ​ប់​ដែរ​…​។

ទីក្រុង​នៃ​សង្គម​កំពុង​អភិវឌ្ឍ​ក៏​ត្រូវការ​ឱ្យ​វា​ទំនើប​…​ឱ្យ​គេ​មើលឃើញ​ជាទី​ក្រុង​ស្អាត​…​ទីក្រុង​មាន​សំណង់​ទំនើប​ខ្ពស់ត្រដែត​ត្រដឹម​…​ខ្ពស់​កប់​អាកាស​…​នោះ​ហើយ​ជា​សង្គម​រីកចំរើន​…​។

បើ​នៅ​ក្នុង​ទីក្រុង​មាន​តែ​សំណង់​គ្មាន​រៀបរយ​…​រកេតរកូត រយីក​រយាក​…​ពពាក់ពពូន​ដូច​សំបុកចាប​…​រក​អួត​ប្រាប់​គេ​ថា សេដ្ឋកិច្ច​រីក​ចំរើន​ម៉េច​កើត​ទៅ ?​…​ជា​សំណង់​ងាយ​ឆេះ​…​។

នៅ​លើ​សកលលោក​នេះ​…​ប្រទេស​ណា​ក៏​ដូច​ប្រទេស​ណា​ដែរ​…​ជនជាតិ​ណា ជាតិ​សាសន៍​ណា​ក៏​ដូច​គ្នា​ដែរ​…​បើ​មាន​សំណង់​កម្ពស់​ដប់​ម្ភៃ​ជាន់​…​ឬ​វីឡា​ស្កឹមស្កៃ​…​អ្នក​ដែល​មាន​សំណង់​តូច​ឬ​ខ្ទម​មិន​អាច​រស់នៅ​ជាប់​…​រស់នៅ​ក្បែរ​បាន​ឡើយ​…​។ ដំណោះស្រាយ​ល្អ​មាន​តែ​ដោះ​ដូរ​ចេញ​ទៅ​រស់នៅ​ទីណា​មួយ​សម​ស្រប​…​ទុក​ទីនោះ​ឱ្យ​សង្គម​ធ្វើការ​អភិវឌ្ឍ ដើម្បី​មុខមាត់​សង្គម​…​ដែល​ខ្មែរ​យើង​ប្រើ​ពាក្យ​ថា ចិន​ដេញ​ខ្មែរ​…​ខ្មែរ​ដេញ​ខ្មោច​…​វា​ជា​ក្រឹត្យក្រម​នៃ​ប្រទេស​កំពុង​អភិវឌ្ឍ​…

ប្រសិនបើ​មិន​ចាកចេញ​…​ថ្ងៃ​ណាមួយ​…​ខែ​ណា ឆ្នាំ​ណាមួយ វា​នឹង​ឆេះ​ក្លាយជា​ផេះ​ផង់​…​ព្រោះ​ការ​រស់នៅ​គ្មាន​រៀបរយ​…​សំណង់​ស្លឹក សំណង់​ឈើ​រយីក​រយាក​របស់​អ្នក​ក្រីក្រ​…​ងាយ​នឹង​ឆេះ​…​ដែល​គ្រាន់តែ​អុជ​ទៀន​ធូប​ចោល​ក៏​ឆេះ​ផ្ទះ​ដែរ​…​។​ល​។

ដល់​ពេល​ឆេះ​…​លេចឮ​ភ្លាម​នូវ​ពាក្យ​ថា​…​បើ​ដេញ​មិន​ចេញ​មាន​តែ​ដុត​ចោល​…​ព្រោះ​សំណង់​បែប​នេះ​ឆេះ​ច្រើន​តំបន់​មក​ហើយ​…​ដោយ​ចោទ​ថា មាន​គេ​លួច
ដុត​…ប៉ុន្តែ​តាម​ពិត​ទៅ​…​ឆេះ​ដោយ​ខ្លួនឯង​ក៏​មាន​…​ឆេះ​ដោយ​គេ​លួច​ដុត​ក៏​មាន​…​រក​ចោទប្រកាន់​មិនកើត​…​រក​ថា​មិន​ត្រូវ​…​។

នៅ​ផ្សារ​ចាស់​កណ្តាល​ក្រុងភ្នំពេញ​…​ប៉ុន្មាន​ឆ្នាំ​មុន​មាន​សេដ្ឋី​ចង់​អភិវឌ្ឍ​ឱ្យ​វា​ក្លាយជា​ផ្សារ​ទំនើប​នឹង​គេ​…​ម្ចាស់​តូប​មិន​ព្រម​…​ភ្លេច​ៗ​ខ្លួន​ឆេះ​អស់​ពាក់កណ្តាល​…​។
នៅ​ផ្សារ​កណ្តាល​ដែល​ជា​ផ្សារ​ពី​បូរាណ​…​មុន​នេះ​ក៏​មាន​សេដ្ឋី​ចង់​អភិវឌ្ឍ​ដែរ​…​ប៉ុន្តែ​អ្នកផ្សារ​មិន​ព្រម​…​ប៉ុន្មាន​ថ្ងៃមុន​រំលង​អធ្រាត្រ​ឆេះ​អស់​មិន​តិច​…

លេច​ពាក្យ​ថ្កោល​ថា​…​មាន​គេ​លួច​ដុត​…​ប៉ុន្តែ​តាម​ពិត​ទៅ​ឆេះ​ដោយសារ​តែ​ការ​ធ្វេសប្រហែស​…​សំណង់​ចាស់​ងាយ​ឆេះ​…​គេ​ថា​ទាល់តែ​ទំនើប ទើប​លែង​ឆេះ​…​ហេ ! ហេ !

              អា​ឡេវ

បរិយាយថ្ងៃនេះ

អត្រាប្តូរប្រាក់

  • ប្រាក់រៀល (1USD)
  • KHR 4,048.00
អត្រាប្តូរប្រាក់ផ្សេងទៀត

Live

To Top

ការស្ទង់មតិគេហទំព័រថ្មី




Please leave this field empty.

សូម​អរគុណ