អង់គ្លេស ៖ តាមប្រភពពី Metro បានឲ្យដឹងថា ចោរចូលគាស់ផ្ទះមួយ តែត្រូវបានបន្លាចដោយតុក្កតាស្រីអង្គុយនៅសាឡុង ដោយត្រូវចោរលួចប្រាក់បានតែបន្តិចបន្តួចតែប៉ុណ្ណោះ ព្រោះស្មានតែមានមនុស្សកំពុងអង្គុយនៅទីនោះ ។
វិចិត្រករ Derrick Thompson ដឹងថា ហាងរបស់លោក ត្រូវបានជួយសង្គ្រោះផុតពីការលួចបានសម្រេច ដោយសារតុក្កតាសិចឈ្មោះ Shela Louise ដែលជាតុក្កតាសិចខ្ពស់ និងមានសក់ពណ៌ទង់ដែង នៅលើសាឡុង។ លោក Derrick អាយុ៤២ឆ្នាំ បានទិញ Shela កាលពីឆ្នាំមុន ហើយយកនាងមកដាក់តាំងនៅលើសាឡុងក្នុងហាងរបស់លោក ដើម្បីទាក់ទាញភ្ញៀវ។
លោកជឿថា Shela តំណាងឲ្យមិត្តស្រីដ៏ល្អឥតខ្ចោះ ដែលរូបរាងរបស់នាងដូចទៅនឹងមនុស្ស ហើយអាចធ្វើឲ្យចោរភ័យស្មានតែជាមនុស្ស ។ ពួកចោរទាំងនោះ យកលុយបានត្រឹមតែ១០០០ផោននោះទេ ។ ប្រសិនបើគ្មាន Shela នៅអង្គុយលើសាឡុងទេនោះ ចោរប្រហែលយកអស់ពីហាងតែម្តង។
ជាពិសេសទៅទៀតនោះ លោក Derrick បានបង្កើតគណនេយ្យហ្វេសប៊ុកឲ្យតុក្កតាសិច Shela ថែមទៀតផង។ លោកបានទទួលសារសុំស្នេហ៍ជាច្រើនពីបណ្តាប្រុសនៅអាមេរិក អាស៊ី និងលោកខាងកើតកណ្តាល ។ នៅពេលនេះ Shela មាន Friend ក្នុងហ្វេសប៊ុកដល់ទៅ១៥០០នាក់ ហើយ Follower ដល់ទៅ ២៥០នាក់ មកពីអង់គ្លេស អាមេរិក អាស៊ី និងលោកខាងកើតកណ្តាល។
មានមនុស្សមិនតិចទេ នៅលើហ្វេសប៊ុកដែលគិតថា នាងគឺជាមនុស្សមែនទែន ។ ពួកគេតែងតែ comment ញ៉ែសរសើរ មិនដាច់ពីមាត់ ដែលធ្វើឲ្យ លោក Derrick ឆ្លើយតបទៅវិញដោយប្រាប់ថា នាងមានប្តីហើយ។ ជួនកាលដល់ថ្នាក់ប្រាប់គេថា លោកគឺជាបងប្រុសរបស់នាង ៕
ចែករំលែកព័តមាននេះ