ប្រពន្ធយំរហូតសន្លប់ ខណៈឃើញប្តីបែបនេះ
រាជធានីភ្នំពេញ ៖ ស្ត្រីម្នាក់បានយំសោកបោកខ្លួនរហូតសន្លប់ខ្លួនឯង ខណៈឃើញប្តីរបស់ខ្លួនត្រូវរថយន្តបុក និងកិនស្លា.ប់យ៉ាងអាណោចអាធ័មបង្កឲ្យមានការភ្ញាក់ផ្អើល …
រាជធានីភ្នំពេញ ៖ ស្ត្រីម្នាក់បានយំសោកបោកខ្លួនរហូតសន្លប់ខ្លួនឯង ខណៈឃើញប្តីរបស់ខ្លួនត្រូវរថយន្តបុក និងកិនស្លា.ប់យ៉ាងអាណោចអាធ័មបង្កឲ្យមានការភ្ញាក់ផ្អើល …
រាជធានីភ្នំពេញ ៖ ស្ត្រីម្នាក់បានយំសោកបោកខ្លួនរហូតសន្លប់ខ្លួនឯង ខណៈឃើញប្តីរបស់ខ្លួនត្រូវរថយន្តបុក និងកិនស្លាប់យ៉ាងអាណោចអាធ័មបង្កឲ្យមានការភ្ញាក់ផ្អើលកាលពីវេលាម៉ោង៧យប់ ថ្ងៃទី២២ ខែមករា ឆ្នាំ២០១៧ តាមបណ្តោយផ្លូវលេខ២៧១ កែងផ្លូវលេខ៥០៨ ស្ថិតក្នុងសង្កាត់ផ្សារដើមថ្កូវ ខណ្ឌចំកាមន ។
ជនរងគ្រោះដែលស្លាប់ឈ្មោះ ផាត សុគន្ធី ភេទប្រុស អាយុ២៥ឆ្នាំ មុខរបរ សន្តិសុខឯកជន ស្នាក់នៅផ្ទះជួលជិតកន្លែងកើតហេតុ ស្ថិតនៅក្នុងសង្កាត់ចាកអង្រែលើ ខណ្ឌមានជ័យ មានស្រុកកំណើតនៅភូមិជ្រែ ឃុំព្រៃស្រឡិត ស្រុកពារាំង ខេត្តព្រៃវែង ។
ប្រភពព័ត៌មានបានឲ្យដឹងថា មុនពេលកើតហេតុគេឃើញបុរសរងគ្រោះខាងលើជិះម៉ូតូ១គ្រឿងម៉ាកហុងដាឌ្រីម ស៊េរីឆ្នាំ២០០១ ពណ៌ក្រហម ពាក់ស្លាកលេខ ប ០៧៥៨ ភព១ ជិះគ្នា២នាក់ប្អូនថ្លៃប្រុសឌុបបងថ្លៃប្រុស ចំណែកម៉ូតូ១គ្រឿងទៀត ម៉ាក ហុងដាឌ្រីម ស៊េរី១៩៩៨ ពណ៌ខ្មៅ ពាក់ស្លាកលេខ ភ្នំពេញ ១AU-៦៦៦៤ ជិះដោយស្ត្រី២នាក់ និងរ៉ឺម៉កម៉ូតូ១គ្រឿងទៀត ពាក់ស្លាក់លេខ បន្ទាយមានជ័យ ១C-៣៦៣១ បើកបរដោយបុរសម្នាក់ ក្នុងទិសដៅស្រប គ្នាពីកើតទៅលិច តាមបណ្តោយផ្លូវលេខ២៧១ ខណៈមកដល់ចំណុចកើតហេតុ ស្រាប់តែមានរថយន្ត១គ្រឿង ម៉ាកតាកូម៉ា ពណ៌ស ពាក់ស្លាកលេខ ភ្នំពេញ ២AB-៦៦២៣ ជិះដោយបុរស៤នាក់ បើកក្នុងល្បឿនលឿនដូចហោះ ទិសដៅពីជើងទៅត្បូង តាមបណ្តោយផ្លូវលេខ៥០៨ បំណងបត់ស្តាំឡើងទៅផ្លូវលេខ២៧១ តែរថយន្តបើកលឿនពេកក៏ជ្រុលទៅបុកម៉ូតូទាំង២គ្រឿងខាងលើពេញទំហឹង ហើយបន្តទៅបុករ៉ឺម៉កម៉ូតូ១គ្រឿងទៀត ប៉ុណ្ណឹងហើយរថយន្តនៅតែមិនទន់អស់ល្បឿនទៀត បានជ្រុលទៅបុករបាំងថ្មពុះចែកទ្រូងផ្លូវបណ្តាលឲ្យរថយន្តទើរកង់មួយចំហៀងនៅលើរបាំងថ្មពុះចែកទ្រូងផ្លូវ ធ្វើឲ្យម៉ូតូស្ត្រីជិះ២នាក់ខូចខាតតិចតួច ម្ចាស់ម៉ូតូរងរបួសស្រាល ចំណែកម៉ូតូដែលជិះ២នាក់បងប្អូនថ្លៃត្រូវរថយន្តកិនពីលើខូចខាតទាំងស្រុង បណ្តាលឲ្យអ្នកបើកម៉ូតូស្លាប់ ឯបងថ្លៃដែលរួមដំណើរពីក្រោយរងរបួសស្រាល ។
ក្រោយពេលកើតហេតុ ស្ត្រីជាប្រពន្ធជនរងគ្រោះមកដល់កន្លែងកើតហេតុ ឃើញបុរសជាប្តីត្រូវរថយន្តបុកហើយកិនស្លាប់បាត់បែបនេះ បានយំសោកបោកខ្លួនរហូតសន្លប់សន្លប់ ចំណែកអ្នករងរបួសស្រាលត្រូវបានដឹកយកទៅព្យាបាលនៅផ្ទះរៀងៗខ្លួន រីឯអ្នកបើករថយន្តបង្ករត់គេចខ្លួនបាត់អស់ នៅសល់តែរថយន្តបង្ក ម៉ូតូរងគ្រោះ២គ្រឿង និងរ៉ឺម៉កម៉ូតូ១គ្រឿងនៅកន្លែងកើតហេតុ ត្រូវបានសមត្ថកិច្ចធ្វើការវាស់វែង និងយកទៅរក្សាទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ ដើម្បីធ្វើការដោះស្រាយនៅពេលក្រោយ ។ ចំណែកសពជនរងគ្រោះត្រូវបានសមត្ថកិច្ចប្រគល់ឲ្យសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ