ADផ្ទាំងផ្សព្វផ្សាយពាណិជ្ជកម្ម

Picture

ចិន​នឹង​បញ្ជូន​កងទ័ព​ទៅ​​ធ្វើ​​សមយុទ្ធ​យោធា​រួម​គ្នា​ជាមួយ​រុ​ស្ស៊ី​ចុងខែ​​នេះ

1 ខែ មុន

ចិន-រុស្ស៊ី ៖ ក្រសួងការពារជាតិ​ចិន​បាន​និយាយ​កាលពី​ថ្ងៃ​ពុធ ទី ១៧​ សីហា ម្សិលមិញនេះ​​ថា កងទ័ព​

ចិន-រុស្ស៊ី ៖ ក្រសួងការពារជាតិ​ចិន​បាន​និយាយ​កាលពី​ថ្ងៃ​ពុធ ទី ១៧​ សីហា ម្សិលមិញនេះ​​ថា កងទ័ព​ចិន​នឹង​ធ្វើ​ដំណើរ​ទៅ​កាន់​ប្រទេស​រុ​ស្ស៊ី​ដើម្បី​ចូលរួម​ក្នុង​សមយុទ្ធ​យោធា​រួម​គ្នា​ដែល​ដឹកនាំ​ដោយ​ម្ចាស់ផ្ទះ និង​រួម​ទាំង​ឥណ្ឌា បេឡា​រុស្ស ម៉ោង​ហ្គោ​លី តាជី​គី​ស្ថាន និង​ប្រទេស​ដទៃ​ទៀត​។

ក្រសួង​បញ្ជាក់​ក្នុង​សេចក្តី​ប្រកាស​ថា ការ​ចូលរួម​របស់​ចិន​នៅ​ក្នុង​សមយុទ្ធ​រួម​គ្នា​នេះ​គឺ «​មិន​ទាក់ទង​ទៅ​នឹង​ស្ថានភាព​អន្តរជាតិ និង​តំបន់​បច្ចុប្បន្ន​ទេ​»។

កាលពី​ខែ​មុន ទីក្រុង​ម៉ូ​ស្កូ​បាន​ប្រកាស​ពី​ផែនការ​ដើម្បី​ធ្វើ​សមយុទ្ធ Vostok ចាប់ពី​ថ្ងៃ​ទី ៣០ ខែសីហា ដល់​ថ្ងៃ​ទី ៥ ខែកញ្ញា ទោះបី​ខ្លួន​កំពុង​ធ្វើសង្គ្រាម​នៅ​អ៊ុយ​ក្រែ​ន​ក្តី​។ រុ​ស្ស៊ី​និយាយ​ថា​កងទ័ព​បរទេស​មួយ​ចំនួន​នឹង​ចូលរួម​ក្នុង​សមយុទ្ធ​នោះ ប៉ុន្តែ​មិន​បាន​បញ្ជាក់​ពី​ប្រទេស​ណា​នោះ​ទេ​។

ក្រសួងការពារជាតិ​ចិន​បញ្ជាក់​ថា ការ​ចូលរួម​នោះ​គឺជា​ផ្នែក​មួយ​នៃ​កិច្ចព្រមព្រៀង​កិច្ច​សហប្រតិបត្តិការ​ទ្វេភាគី​ប្រចាំឆ្នាំ​ជាមួយនឹង​រុ​ស្ស៊ី​។

សូម​បញ្ជាក់​ថា ក្រោម​ការ​ដឹកនាំ​របស់​ប្រធានាធិបតី​ចិន Xi Jinping និង​ប្រធានាធិបតី Vladimir Putin ទីក្រុង​ប៉េ​កាំ​ង និង​ម៉ូ​ស្កូ​មាន​ទំនាក់ទំនង​កាន់តែ​ជិត​ស្និទ្ធ​ជាមួយ​គ្នា​។

កាលពី​ពេល​ថ្មី​ៗ​នេះ ចិន ដែល​ជា​មហាអំណាច​សេដ្ឋកិច្ច​ធំ​បំផុត​ទី ២​ក្នុង​ពិភពលោក និង​ជា​មហាអំណាច​យោធា​ទី ៣​ក្នុង​លោក បាន​ធ្វើ​សមយុទ្ធ​ទ្រង់ទ្រាយ​ធំ​នៅ​ដែនទឹក​ជុំវិញ​កោះ​តៃវ៉ាន់ ដើម្បី​ឆ្លើយ​តប​ទៅ​នឹង​ដំណើរ​ទស្សនកិច្ច​របស់​ប្រធាន​សភា​អា​មេ​រិ​ក​លោកស្រី Nancy Pelosi (​យោង​តាម​ប្រភព​៖ Reuters)

Picture
Picture
Picture
Picture
Picture
Picture
Picture