ប្រទេសជប៉ុនមានទីតាំងទេសចរណ៍ជាច្រើនដោយទីក្រុង នីមួយៗមានទេសភាពគួរឱ្យចង់ទស្សនា ។ ជាក់ស្តែងក្រុងអូគីណាវ៉ា ជាកោះមួយនៅភាគត្បូងប្រទេសជប៉ុន ជាដែនដីនៅមាត់សមុទ្រអាចហៅថា«ឋានសួគ៌»របស់អ្នកដែលនិយមចូលចិត្តសមុទ្រ ។
១-សារមន្ទីរសត្វទឹក«Okinawa Churaumi Aquarium»
Okinawa Churaumi Aquarium ជាសារមន្ទីរសត្វទឹកដ៏ល្បីបំផុតមួយរបស់ជប៉ុនមានតាំងបង្ហាញសត្វសមុទ្រជាច្រើនប្រភេទ សាងសង់ពីប្លាស្ទិកថ្លា រាងជាល្អាងដ៏ធំឈ្មោះថា«Kuroshio Sea»មានកម្ពស់ប្រហែល៨,២ម៉ែត្រ ទំហំ២២,៥ម៉ែត្រ និងមានកម្រាស់៦០សង្ទីម៉ែត្រ ។
២-ប្រាសាទស៊ូរី
«Shuri»ជាប្រាសាទមានប្រវត្តិដ៏យូរលង់ បានសាងសង់តាំងពីសតវត្សទី១៤ ក្នុងយុគសម័យ«King Satto»ដោយតួប្រាសាទស្ថិតនៅលើកំពូលភ្នំ ។
៣-ប្រាសាទ«Nakagusuku Castle Ruins»
ប្រាសាទ«Nakagusuku Castle Ruins»ជាទីតាំងប្រវត្តិសាស្ត្រដ៏សំខាន់របស់ខេត្តអូគីណាវ៉ាបានសាងសង់តាំងពីរាជវង្ស«Ryukyu»បច្ចុប្បន្ននៅសេសសល់ជាគ្រោងប្រាសាទសម្រាប់ទស្សនា ។
នៅលើប្រាសាទអាចមើលឃើញភាពស្រស់ស្អាតនៃឈូងសមុទ្រNakagusuku ។
៤-ឆកសមុទ្រ«ហេដូ»
«Cape Hedo»មានទីតាំងនៅភាគខាងជើងកោះអូគីណាវ៉ា ជាបរិវេណមានទេសភាពធម្មជាតិព្រៃព្រឹក្សា និងភ្នំដ៏ស្រស់ស្អាត រួមទាំងឆ្នេរសមុទ្រ ។
៥-ផ្ទះរបស់ពលរដ្ឋនៅអូគីណាវ៉ា
បើនរណាម្នាក់ចង់ឃើញទម្រង់ម៉ូដផ្ទះសម័យដើមរបស់ជនជាតិអូគីណាវ៉ា គួរទៅទស្សនាផ្ទះ«Nakamurake Residence»ជាផ្ទះចំណាស់របស់ត្រកូល«Nakamura» ។ សាងសង់នៅសតវត្សទី១៨ ។ គ្រោងផ្ទះសង់ពីឈើ និងមានដំបូលក្បឿងពណ៌ក្រហម ហើយនៅជុំវិញផ្ទះមានដើមឈើ ប្រកបដោយម្លប់ត្រឈឹងត្រឈៃ ។
៦-ល្អាង«Gyokusendo»
«Gyokusendo»ស្ថិតនៅភាគខាងត្បូងកោះអូគីណាវ៉ាជាល្អាងដ៏ធំ មានថ្មដុះសំយងច្រើន និងស្ថិតនៅក្នុងដីប្រហែល៣០ម៉ែត្រ មានប្រវែង៥គីឡូម៉ែត្រ ។ ល្អាងមានអាយុកាលពី៣០០.០០០ឆ្នាំមុន ។
៧-ផ្សារត្រី«Awase»
ផ្សារត្រីដ៏ធំមួយនៅលើកោះអូគីណាវ៉ា បើពលរដ្ឋណាម្នាក់ចង់ពិសាអាហារសមុទ្រស្រស់ គួរតែទៅកម្សាន្តនៅទីនោះ ។
៨-កោះ«Keramas»
«Keramas»ជាកោះដ៏ល្បីឈ្មោះរបស់ខេត្តអូគីណាវ៉ាស្ថិតនៅឆ្ងាយពីកោះទៅភាគខាងលិចឆៀងខាងត្បូងប្រហែល៣២គីឡូម៉ែត្រ វាមានលក្ខណៈជាកោះតូច និងមានឆ្នេរខ្សាច់ដ៏ស្រស់ស្អាត រួមទាំងមានប្រជុំផ្កាថ្ម គួរឱ្យគយគន់ ។
៩-ត្រីបាឡែនខ្នងគម
អ្នកទេសចរអាចទិញសំបុត្រទស្សនាបាឡែនខ្នងគម និងរដូវកាលដែលសមស្របបំផុតស្ថិតក្នុងអំឡុងខែមករា ដល់មេសា រៀងរាល់ឆ្នាំ ។
១០-កោះ«Ishigaki»
កោះ«Ishigaki»នៅឆ្ងាយពីកោះអូគីណាវ៉ានៅភាគខាងលិចឆៀងខាងត្បូងប្រហែល៤២០គីឡូម៉ែត្រ ជាកោះមួយមានលក្ខណៈស្រស់ស្អាត និងមានឆ្នេរខ្សាច់លាតសន្ធឹងយ៉ាងវែងអន្លាយ ។
១១-កោះ«មីយ៉ាកូ»
«Miyako»ជាកោះតូច ប៉ុន្តែមានប្រភពទេសចរណ៍គួរឱ្យចាប់អារម្មណ៍ មានទេសភាពស្រស់ស្អាត និងគ្មានភ្នំខ្ពស់បិទបាំងទេសភាពទេ ។
១២-តំបន់ឆ្នេរ«Hatenohama»
«Hatenohama»ស្ថិតនៅឆ្ងាយពីកោះKume ប្រហែល៥គីឡូម៉ែត្រ ជាឆ្នេរខ្សាច់ដ៏ស្រស់ស្អាតនៅលើពិភពលោកផុសនៅកណ្តាលសមុទ្រ មានចម្ងាយប្រហែល៧គីឡូម៉ែត្រ គ្មានដុំថ្ម និងសម្បូរដោយខ្សាច់សុទ្ធ ហើយនៅជុំវិញឡោមព័ទ្ធដោយសមុទ្រពណ៌ខៀវស្រងាត់ ៕
ចែករំលែកព័តមាននេះ