ភ្ញៀវទេសចរចិន ១លាននាក់មកកម្ពុជាក្នុងរយៈពេល១០ខែ
ចំនួនភ្ញៀវទេសចរចិនមកដល់ប្រទេសកម្ពុជា ឈានដល់១លាននាក់ ក្នុងរយៈពេល១០ខែដំបូងនៃឆ្នាំ២០២៥ ។ លោក ហួត ហាក់ រដ្ឋមន្ត្រីក្រសួងទេសចរណ៍ បានមានប្រសាសន៍ កាលពីថ្ងៃទី២៧…
ចំនួនភ្ញៀវទេសចរចិនមកដល់ប្រទេសកម្ពុជា ឈានដល់១លាននាក់ ក្នុងរយៈពេល១០ខែដំបូងនៃឆ្នាំ២០២៥ ។
លោក ហួត ហាក់ រដ្ឋមន្ត្រីក្រសួងទេសចរណ៍ បានមានប្រសាសន៍ កាលពីថ្ងៃទី២៧ ខែវិច្ឆិកា ឆ្នាំ២០២៥ថា កម្ពុជាបានទាក់ទាញភ្ញៀវទេសចរចិនប្រមាណ១លាននាក់ ក្នុងអំឡុងពេលខែមករា ដល់ខែតុលា ឆ្នាំ២០២៥ ។
លោកបានថ្លែងសុន្ទរកថា នៅក្នុងវេទិកាទេសចរណ៍កម្ពុជា-ចិន ឆ្នាំ២០២៥ ថា ក្នុងរយៈពេល ១០ខែដំបូង នៃឆ្នាំ២០២៥ ប្រទេសកម្ពុជា បានទទួលភ្ញៀវទេសចរអន្តរជាតិ សរុបប្រមាណ៤,៨ លាននាក់ ដែលក្នុងនោះប្រហែល ១លាននាក់ជាភ្ញៀវទេសចរចិន ។
លោកបានមានប្រសាសន៍ថា វិស័យទេសចរណ៍ នៅតែបន្តដើរតួនាទីយ៉ាងសំខាន់ក្នុងការគាំទ្រកំណើនសេដ្ឋកិច្ចជាតិឆ្ពោះទៅរកចក្ខុវិស័យរបស់កម្ពុជា ក្នុងការក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ ២០៥០ ។
លោកបានថ្លែងថា វិស័យទេសចរណ៍របស់កម្ពុជា គឺមិនអាចកាត់ផ្តាច់ចេញពីលំហូរចូលនៃភ្ញៀវទេសចរ និងវិនិយោគិនចិនបានទេ ។
កាលពីមុនកូវីដ១៩ កម្ពុជាបានទទួលភ្ញៀវទេសចរចិន រហូតដល់២,៣ លាននាក់ ពោល គឺមានចំនួនប្រហែលមួយភាគបីនៃការមកដល់នៃភ្ញៀវទេសចរអន្តរជាតិសរុបមកកាន់កម្ពុជា ៕
ចែករំលែកព័តមាននេះ