ខេត្តសៀមរាប ៖ ប្រសិនបើគ្រាន់តែឮឈ្មោះ អ្នកខ្លះអាចនឹងមានអារម្មណ៍ព្រឺព្រួច ឬភ័យខ្លាចបន្តិច ចំពោះទីតាំងប្រវត្តិសាស្ត្រមួយនេះ ប៉ុន្តែប្រសិនបើបានទៅដល់ និងបានឃើញផ្ទាល់នឹងភ្នែក «ខ្លោងទ្វារខ្មោច» គឺជាកន្លែង…
ខេត្តសៀមរាប ៖ ប្រសិនបើគ្រាន់តែឮឈ្មោះ អ្នកខ្លះអាចនឹងមានអារម្មណ៍ព្រឺព្រួច ឬភ័យខ្លាចបន្តិច ចំពោះទីតាំងប្រវត្តិសាស្ត្រមួយនេះ ប៉ុន្តែប្រសិនបើបានទៅដល់ និងបានឃើញផ្ទាល់នឹងភ្នែក «ខ្លោងទ្វារខ្មោច» គឺជាកន្លែង ដែលមានសម្រស់ស្ថាបត្យកម្មបុរាណដ៏អស្ចារ្យ និងមានភាពស្ងប់ស្ងាត់គួរឱ្យចង់គយគន់បំផុត ។
ជាក់ស្តែង អាជ្ញាធរជាតិអប្សរា បានប្រកាស នាថ្ងៃទី២៩ ខែវិច្ឆិកា ឆ្នាំ២០២៥នេះថា ៖ ឈ្មោះហាក់បីដូចជា គួរឱ្យខ្លាច តែសម្រស់វិញពិតជាអស្ចារ្យ! «ខ្លោងទ្វារខ្មោច» នៅតែជាទីតាំងដ៏ពេញនិយមដែលភ្ញៀវទេសចរជិតឆ្ងាយ មិនអាចមើលរំលង ក្នុងការចូលមកផ្តិតយករូបភាពដ៏ស្រស់ស្អាត នៃសំណង់ប្រវត្តិសាស្ត្រមួយនេះ។
សូមរំលឹកថា អាជ្ញាធរជាតិអប្សរា បានសម្តែងនូវក្តីរីករាយដែលឃើញភ្ញៀវទេសចរ ងាកមកចាប់អារម្មណ៍ និងឱ្យតម្លៃលើសំណង់ប្រវត្តិសាស្ត្រមួយនេះ។ នេះ គឺជាការចូលរួមចំណែកមួយក្នុងការផ្សព្វផ្សាយពីសក្តានុពលទេសចរណ៍ក្នុងតំបន់អង្គរ ឱ្យកាន់តែសម្បូរបែប មិនមែនមានតែប្រាសាទអង្គរវត្ត ឬប្រាសាទបាយ័ននោះទេ ។
ដូច្នេះ ប្រសិនបើលោកអ្នកបានទៅដល់ខេត្តសៀមរាប កុំភ្លេចឆ្លៀតពេលទៅទស្សនា «ខ្លោងទ្វារខ្មោច» នោះលោកអ្នកនឹងដឹងថា «ឈ្មោះគ្រាន់តែជាឈ្មោះ តែសម្រស់ គឺជាការពិតដែលមិនអាចបំភ្លេចបាន» ៕
ចែករំលែកព័តមាននេះ