កូរ៉េខាងជើងបា.ញ់មីស៊ីល២គ្រាប់ នាថ្ងៃនេះ
កូរ៉េខាងជើង ៖ ប្រភពពីយោធាកូរ៉េខាងត្បូងបាននិយាយថា កូរ៉េខាងជើងបានបា.ញ់មីស៊ីល ២គ្រាប់
កូរ៉េខាងជើង ៖ ប្រភពពីយោធាកូរ៉េខាងត្បូងបាននិយាយថា កូរ៉េខាងជើងបានបា.ញ់មីស៊ីល ២គ្រាប់ពីឆ្នេរសមុទ្រភាគខាងលិចទីក្រុង Onchon កាលពីព្រឹកថ្ងៃពុធ ទី ១៧ សីហា។
ប្រភពបន្ថែមថា អាជ្ញាធរយោធាកូរ៉េខាងត្បូង និងអាមេរិកកំពុងវិភាគព័ត៌មានលម្អិតនៃការហោះរបស់មីស៊ីលកូរ៉េខាងជើង រួមទាំងរយៈចម្ងាយរបស់វា។
ការបា.ញ់មីស៊ីលរបស់របបព្យុងយ៉ាងនេះកើតឡើងតែមួយថ្ងៃប៉ុណ្ណោះ បន្ទាប់ពីទីក្រុងសេអ៊ូល និងវ៉ាស៊ីនតោនចាប់ផ្តើមធ្វើសមយុទ្ធរួមគ្នារយៈពេល ៤ថ្ងៃដើម្បីរៀបចំសម្រាប់សមយុទ្ធហ្វឹកហាត់ Ulchi Freedom Shield ដែលនឹងចាប់ផ្តើមពីថ្ងៃទី ២២ សីហាដល់ ១កញ្ញា។
សម្ព័ន្ធមិត្តទាំងពីរបានកាត់បន្ថយការធ្វើសមយុទ្ធយោធារួមគ្នាក្នុងរយៈពេលប៉ុន្មានឆ្នាំចុងក្រោយនេះដោយសារតែវិបត្តិកូវីដ ១៩ និងដើម្បីបន្ថយភាពតានតឹងជាមួយនឹងកូរ៉េខាងជើង ដែលបានចោទថាសមយុទ្ធយោធារួមរវាងអាមេរិក និងកូរ៉េខាងត្បូងជាការហ្វឹកហាត់សម្រាប់ត្រៀមឈ្លានពានកូរ៉េខាងជើង។
សូមបញ្ជាក់ថា ទីក្រុងព្យុងយ៉ាងមិនបានធ្វើការបា.ញ់សាកល្បងមីស៊ីលឡើយក្នុងរយៈពេល ២ខែចុងក្រោយនេះ ខណៈដែលរបបផ្តាច់ការនេះប្រយុទ្ធប្រឆាំងនឹងការផ្ទុះកូវីដ ១៩អស់រយៈពេលជាច្រើនខែ មុនពេលប្រកាសជ័យជន្នះលើវីរុសនេះកាលពីសប្តាហ៍មុន។
កូរ៉េខាងជើងត្រូវបានគេព្យាករណ៍ថា កំពុងរៀបចំបា.ញ់សាកល្បងអាវុ.ធនុយក្លេអ៊ែរជាលើកដំបូងតាំងពីឆ្នាំ ២០១៧មក៕ (យោងតាមប្រភព៖ Reuters)
ចែករំលែកព័តមាននេះ