ADផ្ទាំងផ្សព្វផ្សាយពាណិជ្ជកម្ម

Picture

គ្រូពេទ្យ​ស្រី​ម្នាក់​​​ចាក់​ថ្នាំ​មនុស្ស​ស្លា.ប់នោះ​ ត្រូវ​ចៅក្រម​ស៊ើបសួរ​​សម្រេចហើយ

1 ឆ្នាំ មុន
  • សៀមរាប

ករណី​ស្ត្រី​ម្នាក់​ជា​ពេទ្យគ្មាន​សញ្ញាបត្រ​ហើយ ចាក់​ថ្នាំ​អ្នកជំងឺ​ម្នាក់​ស្លា.ប់ដែល​សមត្ថកិច្ច​ចាប់ខ្លួន​បញ្ជូន​មក​សាលាដំបូង​នោះ ត្រូវ​បាន​លោក​តុ​ប ផា​ន់​ណា​រិ​ទ្ធិ ចៅក្រម​ស៊ើបសួរ​នៃ​សាលាដំបូង​ខេត្ត សម្រេច

ខេត្តសៀមរាប ៖ លោក យិ​ន ស្រាង អ្នកនាំពាក្យ​សាលាដំបូង​ខេត្ត បាន​ប្រាប់​កោះ​សន្តិភាព​តាម​តេ​ឡេ​ក្រាម កាលពី​ព្រឹក​ថ្ងៃ​ទី​១៥ ខែសីហា ឆ្នាំ​២០២២​ថា ករណី​ស្ត្រី​ម្នាក់​ជា​ពេទ្យគ្មាន​សញ្ញាបត្រ​ហើយ ចាក់​ថ្នាំ​អ្នកជំងឺ​ម្នាក់​ស្លា.ប់ដែល​សមត្ថកិច្ច​ចាប់ខ្លួន​បញ្ជូន​មក​សាលាដំបូង​នោះ ត្រូវ​បាន​លោក​តុ​ប ផា​ន់​ណា​រិ​ទ្ធិ ចៅក្រម​ស៊ើបសួរ​នៃ​សាលាដំបូង​ខេត្ត សម្រេច​ឃុំខ្លួន​ដាក់​ពន្ធនាគារ​ជា​បណ្តោះអាសន កាលពី​ថ្ងៃ​ទី​១៣ ខែ​សីហា ឆ្នាំ​២០២២ ដោយ​ចោទ​ពី​បទ​អំពើ​មនុស្ស​ឃាត​ដោយ​អ​ចេតនា ។

នគរបាល​បានឱ្យ​ដឹង​ថា សមត្ថកិច្ច​បាន​ឃាត់​ខ្លួន​ស្ត្រី​ឈ្មោះ វ៉​ន ស្រី អាយុ​៥២​ឆ្នាំ ជា​ពេទ្យ​បុរាណ មាន​ទីលំនៅ​ភូមិ​ទឹក​លិច ឃុំ​បឹង​មាលា ស្រុក​ស្វាយ​លើ ដែល​បាន​ព្យាបាល​អ្នកជំងឺ​ដោយ​គ្មាន​វិជ្ជាជីវៈ​ផ្នែក​វេជ្ជសាស្ត្រ​បណ្តាល​ឲ្យ​អ្នកជំងឺ​ស្លា.ប់ និង​បើក​ទីតាំង​ព្យាបាល​គ្មាន​អាជ្ញាប័ណ្ណ ។ ចំណែក​ជន​រង​គ្រោះ​ដែល​ស្លា.ប់​ឈ្មោះសេង ត្រេ​ត ភេទ​ស្រី អាយុ​៣១​ឆ្នាំ មាន​ជំងឺលើសឈាម និង​មាន​ទីលំនៅ​ក្នុង​ឃុំ​ដូន​ពេ​ង ស្រុក​អង្គរជុំ ។

តាម​ផេ​ក​ហ្វេ​ស​ប៊ុ​ក AngKor Chom OD ការិយាល័យ​ស្រុក​អង្គរជុំ បាន​បង្ហោះ​សារ​មួយ​ថា អ្នកជំងឺ​ម្នាក់​រស់នៅ​ភូមិ​មួយ ក្នុង​ឃុំ​ដូន​ពេ​ង​ ស្រុក​អង្គរជុំ បាន​ស្លាប់​ដោយសារ​ពេទ្យ​គ្មាន​អាជ្ញាប័ណ្ណ ។ អ្នក​ជំងឺ​មាន​អាកា​រៈ​ស្លា.ប់​១​ចំហៀង​ខ្លួន ដោយ​សារ​ជំងឺលើសឈា.ម និង​បាន​ចេញពី​មន្ទីរពេទ្យ​បង្អែក​ខេត្ត ។ ទោះបីជា​គ្រូពេទ្យ​ប្រាប់​ថា អ្នក​ជំងឺ​មិន​អាច​ធូរស្រាល​បាន​ទេ និង​ត្រូវ​ត្រឡប់​មក​ថែទាំ​នៅផ្ទះ​វិញ ប៉ុន្តែ​បងប្អូន​សម្រេច​ស្វែងរក​ការ​ព្យាបាល​តាម​មធ្យោបាយ​ផ្សេង​វិញ ។ បងប្អូន​អ្នកជំងឺ​បាន​សម្រេច​​ចិត្ត​ឱ្យ​អ្នកគ្រូ​ពេទ្យ​ម្នាក់​រស់នៅ​ឃុំ​បឹង​មាលា ស្រុក​ស្វាយ​លើ ស្ថិត​ក្នុង​តំបន់គ្របដណ្ដប់​របស់​ស្រុក​ប្រតិបត្តិ​សូទ្រនិគម​ព្យា​បាល​ដោយ​ធានា​ថា មើល​ជា​យក​៣​លាន​រៀល​។

ប៉ុន្តែ​ក្រោយ​ពី​ព្យាបាល​មិន​បាន​មួយ​ថ្ងៃ​ផង អ្នកជំងឺ​ក៏​ទទួលមរណភាព ។ អ្វី​ដែល​យើង​ហួសចិត្ត​នោះ គឺ​ពេទ្យ​ប្រើ​ថ្នាំ​ប្រហែល​១០​មុខ ចាក់លើ​អ្នកជំងឺ​ក្នុង​ពេល​១​ថ្ងៃ ។ នេះ​ជា​ការ​លំបាកមួយ​ក្នុង​ការ​គ្រប់គ្រង​សេវា​សុខាភិបាល​ខុស​ច្បាប់ ។ ពិត​ហើយ​ថា អ្នកជំងឺ​រស់នៅ​ក្នុង​តំបន់​គ្របដណ្តប់​របស់​ស្រុក​ប្រតិបត្តិ​អង្គរជុំ តែ​បង​ប្អូន​អ្នកជំងឺ​បាន​ដឹក​ទៅ​ព្យាបាល​នៅ​ឃុំ​បឹង​មាលា ស្រុក​ស្វាយ​លើ ។

ស្ត្រី​ជាប់ចោទ កន្លង​មក​ខ្លួន​ធ្លាប់​ត្រូវ​បាន​ប្រធាន​មណ្ឌល​សុខភាព​ស្រុក​ស្វាយ​លើ​ប្រាប់​ឱ្យ​បញ្ឈប់​សកម្ម​ភាព​ព្យាបាល​អ្នកជំងឺ​គ្រប់​រូបភាព​ប្រហែល​៤​លើក ប៉ុន្តែ​មិន​បាន​ឈប់​ទេ ហើយ​ជនសង្ស័យ​ទទួលស្គាល់​ថា សកម្មភាព​របស់​ខ្លួន​ជា​អំពើ​ខុសច្បាប់​មែន ។

ជុំវិញ​ករណី​ខាងលើ​នេះ មហាជន​ស្នើ​ឱ្យ​សមត្ថកិច្ច​ពាក់ព័ន្ធ​មេត្តា​បង្កើន​ការ​ចុះ​ពិនិត្យ​កន្លែង​លក់​ថ្នាំពេទ្យ និង​គ្រូពេទ្យ​តាម​ភូមិ​មួយ​ចំនួន​ដែល​គ្មាន​អាជ្ញាប័ណ្ណ​ត្រឹមត្រូវ ហើយ​បាន​និង​កំពុង​លក់​ថ្នាំពេទ្យ ​និង​ព្យាបាល​អ្នក​ភូមិ​យក​លុយ​ដោយ​គ្មាន​ខ្លាចញញើត​ផ្លូវច្បាប់​សោះឡើយ ៕

អត្ថបទសរសេរ ដោយ

កែសម្រួលដោយ