រងគ្រោះធ្ងន់ ព្រោះតែជក់បារីទំនើបពេក
អាមេរិក ៖ ប្រភពពី Metro បានឱ្យដឹងថា បុរសជនជាតិអាមេរិកម្នាក់បានបាក់ធ្មេញអស់៧គ្រាប់ និងរងរបួសលើមុខយ៉ាងធ្ងន់ធ្ងរ ដោយសារការផ្ទុះបារីអេឡិចត្រូនិក ពេលកំពុងជក់ ។
អាមេរិក ៖ ប្រភពពី Metro បានឱ្យដឹងថា បុរសជនជាតិអាមេរិកម្នាក់បានបាក់ធ្មេញអស់៧គ្រាប់ និងរងរបួសលើមុខយ៉ាងធ្ងន់ធ្ងរ ដោយសារការផ្ទុះបារីអេឡិចត្រូនិក ពេលកំពុងជក់ ។
Andrew Hall បានបាត់បង់ធ្មេញចំនួន៧គ្រាប់ និងរលាកមុខកម្រិតទី២ ដោយសារការផ្ទុះបារីអេឡិចត្រូនិក ។ គាត់បានបង្ហោះរូបថត និងសរសេរហេតុការណ៍ ដែលបានកើតឡើងលើខ្លួនគាត់ ពេលកំពុងជក់បារី ចូលទៅក្នុងបណ្តាញសង្គមហ្វេសប៊ុក។
នៅក្នុងរូបថតបានបង្ហាញឱ្យឃើញថា មានការខូចខាតទៅលើបន្ទប់ទឹកយ៉ាងធ្ងន់ធ្ងរ ដែលជាកន្លែង Andrew ឈរជក់បារី ។ ការខូចខាតនោះ រួមមានការបាក់បែកទៅលើឡាបូលាងដៃ ប្រឡាក់ស្នាមឈាម និងមានស្នាមផ្សែងឆេះនៅលើជញ្ជាំង ។
Andrew បានដាស់តឿនអ្នកដែលចង់ទិញបារីអេឡិចត្រូនិកទាំងអស់ ឲ្យយកចិត្តទុកដាក់លើផលិតផលដែលពួកគេទិញ ដើម្បីជៀសវាងកុំឲ្យដូចរូបគាត់ គាត់ទទួលស្គាល់ថា ការជក់បារីអេឡិចត្រូនិកអាចជួយផ្តាច់បារីបាន ។ តែពួកអ្នកជក់គួរតែប្រុងប្រយ័ត្នកុំឱ្យដូចគាត់។ នាពេលឥលូវនេះ គាត់កំពុងសម្រាកព្យាបាលនៅផ្នែកសង្គ្រោះជំងឺ នៅពេទ្យក្នុងតំបន់ ។
ចែករំលែកព័តមាននេះ