ADផ្ទាំងផ្សព្វផ្សាយពាណិជ្ជកម្ម

Picture

រថយន្ត​សង្គ្រោះ​គ្លីនិក​ឯកជន បង្ក​ភាព​អនាធិបតេយ្យ រដ្ឋមន្ត្រី​សុខាភិបាល ស្នើ​អភិបាល​រាជធានី​ភ្នំពេញ ឲ្យ​បង្ក្រាប​តឹងរ៉ឹង​បំផុត

1 ខែ មុន

រាជធានី​ភ្នំពេញ ៖ ឯកឧត្តម​សាស្ត្រាចារ្យ ម៉​ម ប៊ុ​ន​ហេង រដ្ឋមន្ត្រី​ក្រសួងសុខាភិបាល នៅ​ថ្ងៃ​ទី​១៥ ខែសីហា ឆ្នាំ​២០២២​នេះ បាន​ប្រាប់​ដល់​លោក…

រាជធានី​ភ្នំពេញ ៖ ឯកឧត្តម​សាស្ត្រាចារ្យ ម៉​ម ប៊ុ​ន​ហេង រដ្ឋមន្ត្រី​ក្រសួងសុខាភិបាល នៅ​ថ្ងៃ​ទី​១៥ ខែសីហា ឆ្នាំ​២០២២​នេះ បាន​ប្រាប់​ដល់​លោក ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ ឲ្យ​ពង្រឹង និង​ចាត់វិធានការ ចំពោះ​ការ​ប្រើប្រាស់​រថយន្ត​គិលានសង្គ្រោះ ខុស​ពី​ការ​ណែនាំ​របស់​ក្រសួងសុខាភិបាល របស់​ម្ចាស់​គ្លីនិក​ឯកជន ដែល​តែងតែ​យក​រថយន្តគិលាន​សង្គ្រោះ​​របស់​ខ្លួន​ទៅ​ដឹក​អ្នក​រង​របួស ដោយ​គ្រោះថ្នាក់​ចរាចរ​នៅ​តាម​ដងផ្លូវ មក​ព្យាបាល​នៅ​ក្នុង​គ្លីនិក​របស់​ខ្លួន និង​បុគ្គល​ដែល​យក​ឡានពេទ្យ​មិន​មាន​សញ្ញា​សម្គាល់ និង​មិន​មានឈ្មោះ​គ្លីនិក​ត្រឹមត្រូវ​ច្បាស់​លាស់​ ទៅ​ដឹក​អ្នក​រង​របួស​ដោយ​គ្រោះថ្នាក់​ចរាចរ ឬ​សាកសព​នៅ​តាម​ដងផ្លូវ ។

ក្រសួងសុខាភិបាល បាន​ជម្រាប​ជូនលោក​អភិបាល​នៃ​គណៈ​អភិបាល​រាជធានី​ភ្នំពេញ បាន​ឲ្យ​បាន​ជ្រាប​ថា រយៈកាល​កន្លង​មក​ក្រសួងសុខាភិបាល បាន​ធ្វើ​សារាចរ​ណែនាំ​ជា​ច្រើន​លើក ច្រើន​សារ​រួច​មក​ហើយ អំពី​ការ​ហាមឃាត់​មិន​អនុញ្ញាត ឲ្យ​គ្លីនិក​ឯកជន យក​រថយន្ត​គិលានសង្គ្រោះ​របស់​ខ្លួន ទៅ​ដឹក​អ្នក​រង​របួស​ដោយ​គ្រោះថ្នាក់​ចរាចរ​តាម​ដងផ្លូវ មក​ព្យាបាល​នៅ​ក្នុង​គ្លីនិក​របស់​ខ្លួន​ជា​ដាច់ខាត ។

ប៉ុន្តែ​បច្ចុប្បន្ន​នេះ សង្កេត​ឃើញ​មាន​គ្លីនិក​ឯកជន​មួយ​ចំនួន មិន​បាន​អនុវត្ត​ទៅ​តាម​សារាចរ​ណែនាំ​របស់ក្រសួង​សុខាភិ​បាល​ឡើយ ដោយនៅ​តែ​បន្ត​ធ្វើ​សកម្មភាព យក​រថយន្ត​គិលានសង្គ្រោះ​គ្លីនិក​ឯកជន​របស់​ខ្លួន ទៅ​ដឹក​អ្នក​រង​របួស​ដោយ​គ្រោះថ្នាក់​ចរាចរ​តាម​ដងផ្លូវ យក​មក​ព្យាបាល​នៅ​ក្នុង​គ្លីនិក​ទៀត និង​ឃើញ​មាន​ឡានពេទ្យ​ឯកជន​មួយ​ចំនួន​ទៀត ដែល​ពុំ​មានឈ្មោះ​គ្លីនិក ទៅ​ដឹក​អ្នក​គ្រោះថ្នាក់​ចរាចរ និង​សាកសព​គ្រោះថ្នាក់​ចរាចរ​នៅ​តាម​ដងផ្លូវ រហូត​ដល់​មានការ​ឈ្លោះប្រកែក​ដណ្ដើម​គ្នា ដឹក​យ៉ាង​អនាធិបតេយ្យ ដែល​ជា​កត្តា​មួយ​ជះ​ឥទ្ធិពល​មិនល្អ ដល់​វិស័យ​សុខាភិបាល​ទាំងមូល និង​សេចក្ដី​ថ្លៃថ្នូ​របស់​គ្រូពេទ្យ ដទៃ​ទៀត ហើយ​ក៏​មាន​រថយន្ត​គិលានសង្គ្រោះ​មួយ​ចំនួន​ទៀត ដែល​ពុំ​មាន​អាជ្ញា​បណ្ណ​ពី​ក្រសួងសុខាភិបាល និង​ពុំ​មានឈ្មោះ​គ្លីនិក​ច្បាស់លាស់ ដែល​កំពុង​ធ្វើ​ចរ​រាចរ​តាម​ដងផ្លូវ ។

អាស្រ័យ​ហេតុ​ដូច​ខាងលើ​នេះ សូម​លោក​អភិបាល នៃ​គណៈ​អភិបាល​រាជធានី​ភ្នំពេញ ជួយ​ចាត់​វិធា​នការយ៉ាង​តឹងរ៉ឹង និង​ម៉ឺងម៉ាត់​បំផុត ចំពោះ​គ្រប់​ម្ចាស់​គ្លីនិក​ឯកជន ដែល​បាន​យក​រថយន្ត​គិលានសង្គ្រោះ ឫ​ឡានពេទ្យ​របស់​ខ្លួន​ទៅ​ដឹង​អ្នក​រង​របួស​ដោយ​គ្រោះថ្នាក់​បរាចរ ឫ​សាកសព​តាម​ដងផ្លូវ​ខុសច្បាប់ ដែល​ក្រសួង​បាន​ហាមឃាត់ និង​រថយន្ត​គិលានសង្គ្រោះ​ដទៃ​ទៀត ដែល​ពុំ​មាន​អាជ្ញា​បណ្ណ​ពី​ក្រសួងសុខាភិបាល តាម​ការ​គួរ ។

សូម​បញ្ជាក់​ថា ជម្លោះ​ឈ្លោះ​ដណ្តើម​គ្នា​ដឹក​អ្នក​រង​របួស ឫ​សាកស​.​ព កើត​មាន​ឡើង​សឹងតែ​រាល់​យប់ ជាក់ស្ដែង​មាន​ជន​រង​គ្រោះ​ម្នាក់ បាន​ស្លា​.​ប់​ដោយសារ​គ្រោះថ្នាក់​ចរាចរណ៍ នៅ​វេលា​ម៉ោង​០៩​និង​៥០​នាទី​យប់ ថ្ងៃ​ទី​១២ ខែសីហា ឆ្នាំ​២០២២ ស្ថិត​នៅ​បណ្តោយ​ផ្លូវ​៦០​ម៉ែត្រ សង្កាត់​ចាក់​អង្រែ​ក្រោម ខណ្ឌមានជ័យ រាជធានី​ភ្នំពេញ ប៉ុន្តែ​អ្នក​បើករថយន្ត​គិលានសង្គ្រោះ​របស់​គ្លីនិក​ឯកជន​ផ្សេង​គ្នា នៅ​តាម​ទៅ​ទាមទារ​តថ្លៃ​ដឹក​ស​.​ព​ទៀត រហូត​ឈ្លោះប្រកែក​គ្នា ផ្អើល​ពេញ​ដងផ្លូវ ៕

Picture
Picture
Picture
Picture
Picture
Picture