ADផ្ទាំងផ្សព្វផ្សាយពាណិជ្ជកម្ម

Picture

ជាគ្រូពេទ្យបុរាណ ចាក់ថ្នាំអ្នកជំងឺស្លា.ប់ក្រោយ​ចា.ក់ថ្នាំ​​ម្តងជិត​១០​មុខ ​

1 ខែ មុន
  • សៀមរាប

ខេត្តសៀមរាប ​៖ ​ប្រភព​ពី​សមត្ថកិច្ច​នគរ​បាល​ស្រុក​ស្វាយ​លើ​បាន​ឱ្យដឹង​ នៅ​​ព្រឹក​ថ្ងៃ​ទី​១២​ខែ​សីហា ​ថា ​ស្ត្រី​ម្នាក់​ត្រូវបានឃាត់ខ្លួន​នាំ​យកមក​​សួរនាំ​នៅ​អធិការដ្ឋាន​នគរបាល​ស្រុក​ស្វាយ​លើ ក្រោយ​ពី​បាន​ចា.ក់​ថ្នាំ​ប្រហែល​១០​មុខ​ទៅ​លើ​អ្នកជំងឺ​ម្នាក់ ក្នុង​ពេល​តែ​មួយ​បណ្តាល​ឱ្យ​ស្លា.ប់​ភ្លាម​ៗ ​។ ហេតុការណ៍​…

ខេត្តសៀមរាប ​៖ ​ប្រភព​ពី​សមត្ថកិច្ច​នគរ​បាល​ស្រុក​ស្វាយ​លើ​បាន​ឱ្យដឹង​ នៅ​​ព្រឹក​ថ្ងៃ​ទី​១២​ខែ​សីហា ​ថា ​ស្ត្រី​ម្នាក់​ត្រូវបានឃាត់ខ្លួន​នាំ​យកមក​​សួរនាំ​នៅ​អធិការដ្ឋាន​នគរបាល​ស្រុក​ស្វាយ​លើ ក្រោយ​ពី​បាន​ចា.ក់​ថ្នាំ​ប្រហែល​១០​មុខ​ទៅ​លើ​អ្នកជំងឺ​ម្នាក់ ក្នុង​ពេល​តែ​មួយ​បណ្តាល​ឱ្យ​ស្លា.ប់​
ភ្លាម​ៗ ​។

Picture

ហេតុការណ៍​ បាន​កើតឡើង​កាលពី​វេលា​ម៉ោង០១រសៀល​ថ្ងៃ​ទី​០៩ ​សីហា ស្ថិត​ចំណុច​ភូមិ​ទឹក​លិច ឃុំ​បឹង​មាលា ស្រុក​ស្វាយ​លើ ខេត្តសៀមរាប​ ។ ប្រភព​ពី​សមត្ថកិច្ច​នគរបាល​ស្រុក​ស្វាយ​លើ ឱ្យ​ដឹង​ទៀត​​ថា ស្ត្រី​ដែល​ត្រូវ​បាន​ឃាត់ខ្លួន​​ឈ្មោះ វ៉​ន ស្រី​ ​អាយុ​៥២​ឆ្នាំ មុខរបរ​គ្រូពេទ្យ​បុរាណ​ មាន​ទីលំនៅ ស្ថិត​នៅ ភូមិ​ទឹក​លិច ឃុំ​បឹង​មាលា ស្រុក​ស្វាយ​លើ ខេត្តសៀមរាប ។

ការ​ឃាត់ខ្លួន​នេះ​ ត្រូវបានរងការ​ចោទ​ពី​បទ​ឃា.ត.ក.ម្ម​ដោយ​ចេតនា (​ព្យាបាល​គ្មាន​វិជ្ជាជីវៈ ផ្នែក​វេជ្ជសាស្ត្រ និង​បើក​ទីតាំង​ព្យាបាល​គ្មាន​អាជ្ញាប័ណ្ណ​)​។ ចំណែក​ជន​រង​គ្រោះ​ឈ្មោះ សេង ត្រេ​ត ភេទ​ស្រី ​អាយុ​៣១​ឆ្នាំ​ ជា​អ្នកជំងឺ​លើសឈាម មាន​ទីលំនៅ ស្ថិត​នៅ​ឃុំ​ដូន​ពេ​ង ស្រុក​អង្គរជុំ ខេត្ត​សៀ​បរាប​ ។

ករណី​នេះ​ សមត្ថកិច្ច​ស្រុក​ស្វាយ​លើ​មិន​ទាន់​បញ្ជាក់​លម្អិត​​ជុំវិញ​ហេតុការណ៍​នេះ​នៅឡើយ​ទេ ព្រោះទំនាក់ទំនង​ទៅលោក​វរសេនីយ៍ឯក ស៊ុន អេ​ង អធិការដ្ឋាន​នគរបាល​ស្រុក​ស្វាយ​លើ នៅ​វេលា​ម៉ោង​៨​ព្រឹក​ថ្ងៃ​ទី​១២ សីហា​ នេះ ​លោកប្រាប់​តាម​ទូរស័ព្ទ​មក​វិញ​ថា លោក​កំពុង​នៅ​ឆ្ងាយ រួច​ក៏​បិទ​ទូរស័ព្ទ​ទៅ​វិញ​ ។

Picture

ទោះជា​យ៉ាងណា ផេ​ក​ហ្វេ​ស​ប៊ុ​ក AngKor Chom OD ការិយាល័យ​ស្រុក​អង្គរជុំ បាន​បង្ហោះ​សារ​មួយ​ថា​៖ អ្នកជំងឺ​​ម្នាក់​រស់នៅ​ភូមិ​មួយ ក្នុង​ឃុំ​ដូន​ពេ​ង ស្រុក​អង្គរជុំ ខេត្តសៀមរាប បាន​ស្លា.ប់​ដោយ សារ​ពេទ្យ​គ្មាន​អាជ្ញាប័ណ្ណ​ ។ អ្នកជំងឺ​​មាន​អាកា​រៈស្លា.ប់​១​ចំហៀង​ខ្លួន ដោយសារ​ជំងឺ​លើសឈាម និង​បាន​ចេញពី​មន្ទីរពេទ្យ​បង្អែក​ខេត្តសៀមរាប​។

ទោះបីជា​គ្រូពេទ្យ​ប្រាប់​ថា អ្នកជំងឺ​​មិន​អាច​ធូរស្រាល​បាន​ទេ និង​ត្រូវ​ត្រឡប់​មក​ថែទាំ​នៅផ្ទះ​វិញ ប៉ុន្តែ​បងប្អូន​សម្រេច​ស្វែងរក​ការ​ព្យាបាល​តាម​មធ្យោបាយ​ផ្សេង​វិញ​។ បងប្អូន​អ្នកជំងឺ​បាន​សម្រេច​ចិត្ត​ឱ្យ​អ្នក​គ្រូពេទ្យ​ម្នាក់​រស់នៅ បេង​មាលា ស្រុក​ស្វាយ​លើ ស្ថិត​ក្នុង​តំបន់​គ្របដណ្ដប់​របស់​ស្រុក​ប្រតិបត្តិ​សូទ្រនិគម​ព្យាបាល​ដោយ​ធានា​ថា មើល​១​ជា (​យក​៣​លាន​រៀល​)​។

ក្រោយ​ការ​ព្យាបាល​មិន​បាន​មួយ​ថ្ងៃ អ្នកជំងឺ​បាន​ទទួលមរណភាព​ហើយ​។ តែ​អ្វី​ដែល​យើង​ហួស​ចិត្ត​នោះ​ គឺ​ពេទ្យ​ប្រើ​ថ្នាំ​ជិត​១០​មុខចាក់​ទៅ​លើ​អ្នកជំងឺ​ក្នុង​ពេល​១​ថ្ងៃ​។ នេះ​ជា​ការ​លំបាក​មួយ​ក្នុង​ការ​គ្រប់គ្រង​សេវា​សុខាភិបាល​ខុសច្បាប់​។

Picture

ពិត​ហើយ​ថា អ្នកជំងឺរស់នៅ​ក្នុង​តំបន់​គ្របដណ្តប់​របស់​ស្រុក​ប្រតិបត្តិ​អង្គរជុំ តែ​បងប្អូន​អ្នកជំងឺបាន​ដឹក​ទៅ​ព្យាបាល​នៅ បេង​មាលា ស្រុក​ស្វាយ​លើ​។ ក្នុង​ករណី​ខាងលើ​នោះ លោក ម៉ក់ សំ​អឿ​ន ប្រធាន​ការិយាល័យ សុខាភិបាល​ស្រុក​អង្គរជុំ បាន​សរសេរ​នៅ​លើ​គ​ណី ហ្វេ​ស​ប៊ុ​ក​ផ្ទាល់​ខ្លូ​ន​របស់​លោក​ថា​« គ្មាន​អ្នក​ណា​ឆោត​ជាង​អ្នក​ឈឺនោះ​ទេ ព្រោះ​គាត់​ចង់​ជា ​។

និទណ្ឌភាព​ក្នុង​វិស័យ​សុខាភិបាល​! ពេទ្យ​គ្មាន​អាជ្ញាប័ណ្ណ​គួរ​ត្រូវ​បាន​ផ្តន្ទាទោស តែ​ជាក់ស្តែង​ពួក​គេ​នៅ​តែ​គេច​ផុត​ពី​សំណាញ់​ច្បាប់ និង​បន្ត​រកស៊ី​ដោយ​ខុសច្បាប់​ដដែល តើ​ច្បាប់​នៅ ឯណា​។​បច្ចុប្បន្ន សាកសព ជន​រងគ្រោះ ត្រូវ​បាន​សមត្ថកិច្ច​ជំនាញ​ប្រគល់​ឱ្យ​ក្រុម​គ្រួសារ​ដឹក​យក​ទៅ​ធ្វើបុណ្យ​តាម​ប្រពៃណី​នៅ​ស្រុក​កំណើត ស្រុក​អង្គរជុំ រួចរាល់​ហើយ​៕​​