អ្នកណាមិនលស់ព្រលឹង ! បុករះបង្គោលភ្លើងហើយបុកទម្លាយចូលផ្ទះទៀត
ខេត្តកណ្ដាល ៖ រថយន្តឡិចស៊ីសRX300មួយគ្រឿងបានបើកបុករះបង្គោលភ្លើងបាក់អស់២ដើម និងបន្តបុកចូលផ្ទះប្រជាពលរដ្ឋទាំងកំរោល បណ្ដាលឲ្យម្ចាស់ផ្ទះដែលកំពុង …
ខេត្តកណ្ដាល ៖ រថយន្តឡិចស៊ីសRX300មួយគ្រឿងបានបើកបុករះបង្គោលភ្លើងបាក់អស់២ដើម និងបន្តបុកចូលផ្ទះប្រជាពលរដ្ឋទាំងកំរោល បណ្ដាលឲ្យម្ចាស់ផ្ទះដែលកំពុង …
ខេត្តកណ្ដាល ៖ រថយន្តឡិចស៊ីសRX300មួយគ្រឿងបានបើកបុករះបង្គោលភ្លើងបាក់អស់២ដើម និងបន្តបុកចូលផ្ទះប្រជាពលរដ្ឋទាំងកំរោល បណ្ដាលឲ្យម្ចាស់ផ្ទះដែលកំពុងលង់លក់ក្នុងដំណេកភ័យឡើងព្រលឹងចុងសក់ ។ ហេតុការណ៍នេះកើតឡើងកាលពីវេលាម៉ោង១ និង៣០នាទីរំលងអាធ្រាតឈានចូលថ្ងៃទី១៥ ខែមករា ឆ្នាំ២០១៧ ត្រង់ចំណុចខាងលិចសាលាខេត្តកណ្តាល តាមបណ្ដោយផ្លូវជាតិលេខ២ ស្ថិតក្នុងភូមិដើមគរ សង្កាត់ដើមមៀន ក្រុងតាខ្មៅ ។
មន្ត្រីនគរបាលចរាចរណ៍ក្រុងតាខ្មៅបានឱ្យដឹងថា មុនពេលកើតហេតុ រថយន្តម៉ាក LEXUS RX300 ពណ៌ខ្មៅ ពាក់ស្លាកលេខ ភ្នំពេញ 2K-4625 បានបើកក្នុងទិសដៅពីជើងទៅត្បូងក្នុងល្បឿនយ៉ាងលឿន លុះដល់ចំណុចកើតហេតុសង្ស័យអ្នកបើកបរស្រវឹងខ្លាំង បានជារេចង្កូតទៅខាងស្ដាំដៃបុករះបង្គោលភ្លើង២ដើមបណ្ដាលឱ្យបាក់ដួល រួចបន្តទៅបុកបង្គោលស្លាកយីហោ ង៉ូវ ងួនហេង និងរានដាក់តាំងឥដ្ឋការ៉ូចំនួន មិនត្រឹមតែប៉ុណ្ណោះដោយសាររថយន្តមានល្បឿនក៏ជ្រុលទៅបុកទម្លាយទ្វារខាងមុខផ្ទះរបស់ឈ្មោះ តាន់ មួយហេង ភេទប្រុស អាយុ៤៩ឆ្នាំ បណ្តាលឲ្យម្ចាស់ផ្ទះរងរបួសស្រាលត្រូវបានបងប្អូនដឹកទៅមន្ទីរពេទ្យដោយខ្លួនឯង ។
មន្ត្រីនគរបាលចរាចរណ៍ក្រុងតាខ្មៅបានឱ្យដឹងទៀតថា ក្រោយពេលកើតហេតុអ្នកបើកបររថយន្តបានរត់គេចខ្លួនបាត់ភ្លាមៗ ចំណែករថយន្តបានខូចផ្នែកខាងមុខយ៉ាងដំណំត្រូវបានយកទៅរក្សាទុកនៅអធិការដ្ឋាននគរបាលបណ្តោះអាសន្ន ដើម្បីបន្តចាត់ការតាមនីតិវិធី ៕
ចែករំលែកព័តមាននេះ