ថ្ងៃក្រោយឲ្យរាង ! មួយគ្រួសារ៥នាក់ ត្រូវសមត្ថកិច្ចចាប់ខ្លួនទាំងអស់
រាជធានីភ្នំពេញ ៖ មួយគ្រួសារមានគ្នា៥នាក់ត្រូវបានកម្លាំងនគរបាលខណ្ឌសែនសុខសហការជាមួយនគរបាលប៉ុស្តិ៍ទឹកថ្លា ធ្វើការឃាត់ខ្លួនទាំងអស់កាលពីវេលាម៉ោង …
រាជធានីភ្នំពេញ ៖ មួយគ្រួសារមានគ្នា៥នាក់ត្រូវបានកម្លាំងនគរបាលខណ្ឌសែនសុខសហការជាមួយនគរបាលប៉ុស្តិ៍ទឹកថ្លា ធ្វើការឃាត់ខ្លួនទាំងអស់កាលពីវេលាម៉ោង១ទៀបភ្លឺ ថ្ងៃទី១៥ ខែមករា ឆ្នាំ២០១៧ នៅភូមិបុរីកម្មករ សង្កាត់ទឹកថ្លា ខណ្ឌសែនសុខ ដោយជាប់ពាក់ព័ន្ធជួញដូរគ្រឿងញៀន ។
ក្នុងប្រតិបត្តិការចុះបង្ក្រាបទីតាំងខាងលើនេះដឹកនាំដោយលោកវរសេនីយ៍ឯក ម៉ក់ ហុង អធិការនគរបាលខណ្ឌ, លោកអនុសេនីយ៍ឯក សុខ សុផល នាយប៉ុស្តិ៍ទឹកថ្លា និងដោយមានការសម្របសម្រួលពីលោក កុល ប៊ុន ព្រះរាជអាជ្ញារងអមសាលាដំបូងរាជធានីភ្នំពេញ និងកម្លាំងជាច្រើនរូបទៀត ។
សមត្ថកិច្ចបានឲ្យដឹងថា ជនសង្ស័យទាំង៥នាក់ខាងលើមាន ១-ឈ្មោះ ប៊ុត បុទុម ភេទស្រី អាយុ៦១ឆ្នាំ មុខរបរជួញដូរ, ២-ឈ្មោះ ប៊ុត សុខុម ភេទស្រី អាយុ៥១ឆ្នាំ មុខរបរជួញដូរ, ៣-ឈ្មោះ សៀក ស៊ីណា ភេទស្រី អាយុ៣០ឆ្នាំ មុខរបរជួញដូរ, ៤-ឈ្មោះ នាង ចាន់មករា ភេទប្រុស អាយុ៣០ឆ្នាំ មុខរបរជួញដូរ និង ៥-ឈ្មោះ នាង លក្ខិណា ភេទស្រី អាយុ១៤ឆ្នាំ ជាសិស្ស (ទាំង៥នាក់ ស្នាក់នៅកន្លែងកើតហេតុ) ។
លោកវរសេនីយ៍ឯក ម៉ក់ ហុង អធិការនគរបាលខណ្ឌ បានឲ្យដឹងថា មុនឈានទៅបង្ក្រាបទីតាំជួញដូរគ្រឿងញៀនខាងលើ គឺកម្លាំងសមត្ថកិច្ចបានប្រើប្រាស់ជំនាញរហូតដល់ម៉ោងខាងលើក៏ដឹកនាំកម្លាំងបង្ក្រាបតែម្តងដោយធ្វើការដកហូតបានថ្នាំញៀនប្រភេទក្រាមសថ្លាចំនួន៤០កញ្ចប់ ក្នុងនោះមានធំចំនួន១៣កញ្ចប់ និងតូច២៧កញ្ចប់ ព្រមទាំងសម្ភារល្មើសមួយចំនួនធំ ។
ក្រោយពេលចាប់ខ្លួន ជនសង្ស័យទាំង៥នាក់ និងវត្ថុតាង ត្រូវបាននាំយកទៅសាកសួរ និងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌសែនសុខ ៕
ចែករំលែកព័តមាននេះ