ប្រទេសកូរ៉េខាងត្បូង ៖ បណ្ដាមន្ត្រីកូរ៉េខាងត្បូងអះអាងនាថ្ងៃទី១១ ខែសីហា ឆ្នាំ២០២២នេះថា តុល្យការនៃភ្លៀងធ្លាក់ខ្លាំង និងទឹកជំនន់ក្នុងសប្ដាហ៍នេះ ជាពិសេសនៅក្រុងសេអ៊ូល ចំនួនអ្នកស្លា.ប់ឡើងដល់១១នាក់ហើយ ហើយមនុស្ស៨នាក់ទៀតនៅបាត់ខ្លួន។
ក្នុងចំណោមអ្នកស្លា.ប់៦នាក់នៅក្រុងសេអ៊ូល មាន៣នាក់នៅខេត្ត GYEONGGI និង២នាក់ក្នុងខេត្ត GANGWON ខណៈមនុស្ស៣នាក់ ក្នុងចំណោមមនុស្ស៨នាក់ ដែលបាត់ខ្លួន គឹនៅក្រុងសេអ៊ូល។ សរុបផ្ទះសម្បែង និងអគារ៣.៧៧៥ ត្រូវទឹកជន់លិច ភាគច្រើននៅក្រុងសេអ៊ូល។
ចំណែកសមាគមធានារ៉ាប់រងទូទៅកូរ៉េខាងត្បូង និងបណ្ដាក្រុមហ៊ុនធានារ៉ាប់រង បានឲ្យដឹងថា រថយន្តប្រមាណជាង៧០០០គ្រឿង ត្រូវទឹកលិចខូចខាត ដោយសារភ្លៀងធ្លាក់ខ្លាំងកាលពីថ្ងៃទី៨ និងទី៩ ខែសីហា ក្នុងតំបន់ក្រុងសេអ៊ូល។
តាមប្រភពទាំងនេះថា សរុបមានសំណើសុំការចេញសងដល់ទៅ៧៦៧៨ សម្រាប់រថយន្តដែលត្រូវទឹកលិចខូច ពីក្រុមហ៊ុនធានារ៉ាប់រងចំនួន១២ គិតមកត្រឹមថ្ងៃទី១០ ខែសីហា វេលាម៉ោង១៣ម៉ោងក្នុងស្រុក។ ហើយទំំហំទឹកប្រាក់ចេញសងការខូច មកដល់ពេលនេះមានដល់ជិត៩៧,៧៦ពាន់លានវ៉ុន (៧៤,៥លានដុល្លារ) ហើយ៕ ដកស្រក់ចេញពីវេបសាយ ៖ yna
ចែករំលែកព័តមាននេះ