ខេត្តក្រចេះ ៖ កម្លាំងអធិការដ្ឋាននគរបាលក្រុងក្រចេះ សហកាជាមួយប៉ុស្តិ៍នគរបាលរដ្ឋបាលអូរប្ញស្សី បានចុះឆែកឆេរទីតាំងបញ្ចាំម៉ូតូមួយកន្លែង នៅភូមិស្រែស្តៅ សង្កាត់អូរប្ញស្សី ក្រុងក្រចេះ កាលពីរសៀលថ្ងៃទី០៩ ខែសីហា…
ខេត្តក្រចេះ ៖ កម្លាំងអធិការដ្ឋាននគរបាលក្រុងក្រចេះ សហកាជាមួយប៉ុស្តិ៍នគរបាលរដ្ឋបាលអូរប្ញស្សី បានចុះឆែកឆេរទីតាំងបញ្ចាំម៉ូតូមួយកន្លែង នៅភូមិស្រែស្តៅ សង្កាត់អូរប្ញស្សី ក្រុងក្រចេះ កាលពីរសៀលថ្ងៃទី០៩ ខែសីហា ឆ្នាំ២០២២ ។
នៅក្នុងប្រតិបត្តិការចុះឆែកឆេរហាងបញ្ចាំម៉ូតូនៅចំណុចទីតាំងខាងលើ គឺបានធ្វើឡើងក្រោមការដឹកនាំសម្របសម្រួលនីតិវិធីពីលោក រ៉ា បូរ៉ាន់ឌី ព្រះរាជអាជ្ញារងអមសាលាដំបូងខេត្តក្រចេះ
កម្លាំងអធិការដ្ឋាននគរបាលក្រុងក្រចេះ និងកម្លាំងប៉ុស្តិ៍នគរបាលរដ្ឋបាលអូរប្ញស្សី គឺបានចុះទៅត្រួតពិនិត្យឆែកឆេរផ្ទះឈ្មោះ ភន ឡេង ភេទប្រុស អាយុ៤៦ឆ្នាំ នៅភូមិស្រែស្តៅ សង្កាត់អូរប្ញស្សី ក្រុងក្រចេះ ខេត្តក្រចេះ ក្នុងនោះ សមត្ថកិច្ចឆែកឆេររកឃើញម៉ូតូចំនួន៣៣គ្រឿង សង្ស័យការទទួលបញ្ចាំខុសច្បាប់ (គ្មានលិខិតអនុញ្ញាត) ។
យោងតាមប្រភពពីប្រជាពលរដ្ឋនៅក្បែរនោះបានឲ្យដឹងថា ទីតាំងខាងលើគឺបានធ្វើសកម្មភាពទទួលបញ្ចាំ និងលក់ម៉ូតូបែបនេះរយៈពេលយូរឆ្នាំមកហើយ រាល់ការទទួលបញ្ចាំដាច់ និងបានលក់ចេញដោយមិនមានពន្ធ និងលិខិតត្រឹមត្រូវនោះទេ ។
សមត្ថកិច្ចបញ្ជាក់ថា វត្ថុតាងដែលបានដកហូតនាំយកទៅរក្សាទុកជាបណ្តោះ អសន្ននៅអធិការដ្ឋាននគរបាលក្រុងក្រចេះ ដើម្បីស្រាវជ្រាវស្វែងរកប្រភពអោយបានច្បាស់លាស់ ។ ដោយឡែក ម្ចាស់ផ្ទះឈ្មោះ ភាន ឡេង និងប្រពន្ធ ត្រូវបានសមត្ថកិច្ចបាននាំខ្លនទៅធ្វើការសាកសួរបំភ្លឺពាក់ព័ន្ធការទទួលបញ្ចាំម៉ូតូខាងលើ និងបានបិទផ្អាកផ្ទះដែលជាកន្លែងស្តុកម៉ូតូជាបណ្តោះអាសន្ន
សិន។
ចែករំលែកព័តមាននេះ