លីគអាជីពកីឡាអេឡិចត្រូនិករដូវកាលថ្មីឆ្នាំ២០២២ចាប់ផ្ដើមបើកការប្រកួតជាផ្លូវការហើយ
- ភ្នំពេញ
រាជធានីភ្នំពេញ ៖ ព្រឹត្តិការណ៍កីឡាអេឡិចត្រូនិកជើងឯកថ្នាក់ជាតិប្រចាំឆ្នាំ២០២២ បានចាប់ផ្ដើម
រាជធានីភ្នំពេញ ៖ ព្រឹត្តិការណ៍កីឡាអេឡិចត្រូនិកជើងឯកថ្នាក់ជាតិប្រចាំឆ្នាំ២០២២ បានចាប់ផ្ដើមបើកការប្រកួតជាផ្លូវការហើយដោយបានប្រមូលផ្ដុំទៅដោយក្រុមខ្លាំងៗជាច្រើន រួមបញ្ចូលជាមួយក្រុមថ្មីមួយចំនួនទៀត ដើម្បីប្រកួតប្រជែងលើវិញ្ញាសាMobile Legends: Bang Bang។
គណៈកម្មការរៀបចំការប្រកួតបានឲ្យដឹងថាព្រឹត្តិការណ៍លីគអាជីពដែលបានបើកដំណើរការប្រកួត
នៅពេលនេះគឺដើម្បីបំពេញបំណងអ្នកគាំទ្រនាពេលកន្លងមក ហើយសង្ឃឹមថា ការប្រកួតលើកនេះ
កាន់តែមានភាពអស្ចារ្យនិងត្រជាក់ភ្នែកជាងមុនជាមួយក្រុមដែលពោរពេញទៅដោយបទពិសោធន៍ច្រើនឆ្នាំ ។ ម្យ៉ាងវិញទៀត វាក៏បានចូលរួមជំរុញលើកកម្ពស់និងអភិវឌ្ឍវិស័យកីឡាអេឡិចត្រូនិកនៅកម្ពុជាឲ្យកាន់តែមានភាពល្អប្រសើរឡើង ដើម្បីឈានទៅដណ្ដើមជ័យជម្នះនៅក្នុងព្រឹត្តិការណ៍កីឡាស៊ីហ្គេមឆ្នាំ២០២៣ដែលកម្ពុជាទទួលធ្វើជាម្ចាស់ផ្ទះ។
អ្វីដែលធ្វើឲ្យការប្រកួតលីគកីឡាអេឡិចត្រូនិកប្រចាំឆ្នាំមួយនេះដំណើរការទៅបាន ដោយសារការរួម
ចំណែកពីវិស័យឯកជនផងដែរ។
ការប្រកួតធ្វើឡើងតាមរូបមន្តសន្សំពិន្ទុវិលជុំ ដើម្បីស្វែងរកក្រុមខ្លាំងដែលមានពិន្ទុច្រើនជាងគេឡើងទៅកាន់វគ្គបន្តបន្ទាប់រហូតក្លាយជាម្ចាស់ជើងឯកប្រចាំឆ្នាំ២០២២។ អ្វីដែលសំខាន់ជាងនេះទៅ
ទៀតនោះ ក្រុមម្ចាស់ជើងឯកប្រចាំឆ្នាំនឹងត្រូវតំណាងឲ្យជាតិសម្រាប់ត្រៀមទៅចូលរួមប្រកួតជ្រើសរើសជើងឯកពិភពលោកនាចុងឆ្នាំ២០២២ខាងមុខ ។
ការប្រកួតវគ្គសន្សំពិន្ទុត្រូវចាប់ផ្ដើមពីថ្ងៃទី៦ ខែសីហា រហូតដល់ថ្ងៃទី៤ ខែកញ្ញា ខណៈវគ្គប្រកួត
ខ្វែងចាប់ផ្ដើមពីថ្ងៃទី១៧ ខែកញ្ញា ដល់ថ្ងៃទី១ ខែតុលា និងវគ្គផ្ដាច់ព្រ័ត្រនឹងប្រព្រឹត្តទៅនៅថ្ងៃទី២ ខែតុលា ឆ្នាំ២០២២ ៕
ចែករំលែកព័តមាននេះ