បើយោងតាមប្រភពពីសមត្ថកិច្ចបានប្រាប់នៅរសៀលថ្ងៃទី៨ ខែសីហា ឆ្នាំ២០២២នេះថា មានករណីកម្មករសំណង់ម្នាក់បានដើរទៅដកយកទូរស័ព្ទដែលកំពុងសាកថ្ម នៅក្នុងការដ្ឋាន
ខេត្តសៀមរាប ៖ បើយោងតាមប្រភពពីសមត្ថកិច្ចបានប្រាប់នៅរសៀលថ្ងៃទី៨ ខែសីហា ឆ្នាំ២០២២នេះថា មានករណីកម្មករសំណង់ម្នាក់បានដើរទៅដកយកទូរស័ព្ទដែលកំពុងសាកថ្ម នៅក្នុងការដ្ឋានស្ថានីយលក់សាំង១កន្លែង ក្នុងក្រុងសៀមរាប ដោយមិនបានប្រុងប្រយ័ត្ន ខណៈដងខ្លួនកំពុងសើមជោក និងគ្មានពាក់ស្បែកជើងផងនោះ ក៏ត្រូវខ្សែភ្លើងឆក់ស្លា.ប់ពេលបញ្ជូនដល់មន្ទីរពេទ្យតែម្តង។ ហេតុការណ៍នេះបានកើតឡើងកាលពីវេលាម៉ោង១៧និង១៥ នាទីល្ងាច ថ្ងៃទី០៧ ខែសីហា ឆ្នាំ២០២២ ស្ថិតនៅចំណុចភូមិទក្សិណត្បូង សង្កាត់គោកចក ក្រុងសៀមរាប ។
ប្រភពពីសមត្ថកិច្ចបានឱ្យដឹងទៀតថា កម្មករសំណង់ខាងលើនេះ មានឈ្មោះ ណេប ភាណិត ភេទប្រុស អាយុ២៣ឆ្នាំ មុខរបរកម្មករសំណង់ មានទីលំនៅបច្ចុប្បន្នភូមិគោកឫស្សី ឃុំកែវពណ៌ ស្រុកពួក។
សមត្ថកិច្ចបានបញ្ជាក់ថា តាមការបំភ្លឺរបស់ឈ្មោះ ព្រះ ស្រី ភេទប្រុស អាយុ២៦ឆ្នាំ មុខរបរកម្មករសំណង់ និងឈ្មោះ ហ៊ុន ហ៊ាប ភេទប្រុស អាយុ៣៩ឆ្នាំ មុខរបរមេការសំណង់ បានរៀបរាប់ប្រហាក់ប្រហែលគ្នាថា នៅវេលាម៉ោង១៦និង០០នាទីរសៀល ថ្ងៃទី០៧ ខែសីហា ឆ្នាំ២០២២ ខ្លួន និងកម្មករផ្សេងទៀតកំពុងធ្វើការងារធម្មតា ភា្លមៗនោះមេឃចាប់ផ្តើមធ្លាក់ភ្លៀងខ្លាំង ក៏នាំគ្នាសម្រាកនៅក្នុងការរដ្ឋាននោះទៅ ក៏ស្រាប់តែមានកម្មករម្នាក់ឈ្មោះ ណេប ភាណិត (ស.ព) បានយកទូរស័ព្ទដៃរបស់គាត់ទៅសាកថ្មនៅចំណុចជាប់នឹងជញ្ជាំងរបងផ្ទះនៅក្នុងការដ្ឋាននោះ ដោយដោតសាកថ្មទុកចោលនៅទីនោះ រួចគាត់ក៏ទៅធ្វើការងាររបស់គាត់វិញធម្មតា ។
ប្រភពដដែលបន្តថា លុះមួយសន្ទុះ គាត់ (ជនរងគ្រោះ) ក៏បានដើរទៅយកទូរស័ព្ទរបស់គាត់វិញនៅកន្លែងសាកថ្មខាងលើ ដោយខ្លួនរបស់គាត់សើម និងពុំមានពាក់ស្បែកជើងនោះទេ ហើយនៅពេលដែលគាត់ចាប់យកទូរស័ព្ទរបស់គាត់នោះ ក៏ស្រាប់តែឆក់ជាប់ភ្លាមៗនោះតែម្តង ។ ពេលនោះមេជាងឈ្មោះ ហ៊ុន ហ៊ាប បានរត់ទៅទាញបិទកុងតាក់អគ្គិសនី ហើយក៏នាំគ្នាជួយសង្គ្រោះបឋម និងទាក់ទងទៅរថយន្តសង្គ្រោះបន្ទាន់ ដើម្បីដឹកយកទៅសង្គោះនៅមន្ទីរ ពេទ្យមួយកន្លែងតាមបណ្តោយផ្លូវ៣០ម៉ែត្រដែរ ប៉ុន្តែជាអកុសល ជនរងគ្រោះក៏ត្រូវបានស្លា.ប់ ខណៈពេលបញ្ជូនដល់មន្ទីរពេទ្យតែម្តង។
សមត្ថកិច្ចបញ្ជាក់ទៀតថា យោងតាមការបំភ្លឺពីសាក្សី និងតាមការពិនិត្យរបស់កម្លាំងការិយាល័យនគរបាលជំនាញ នៃស្នងការដ្ឋាននគរបាលខេត្តសៀមរាបនៅកន្លែងកើតហេតុ និងការពិនិត្យនៅលើដងខ្លួនសាកស.ពជនរងគ្រោះ បានសន្និដ្ឋានថា ស.ពជនរងគ្រោះពិតជាស្លា.ប់ដោយសារឆក់ខ្សែភ្លើងពិតប្រាកដមែន មិនមែនជាករណីឃាតក.ម្មឡើយ។ ហើយបច្ចុប្បន្ន សាកស.ពជនរងគ្រោះត្រូវបានសមត្ថកិច្ចប្រគល់ជូនក្រុមគ្រួសារ ដើម្បីធ្វើបុណ្យតាមប្រពៃណី៕
ចែករំលែកព័តមាននេះ