ចាប់ខ្លួនគូស្នេហ៍វ័យក្មេង ខណៈកំពុងប្រព្រឹត្តជាក់ស្តែង
ខេត្តបាត់ដំបង ៖ គូស្នេហ៍វ័យក្មេង១គូត្រូវបានកម្លាំងកងរាជអាវុធហត្ថឃាត់ខ្លួនកាលពីវេលាម៉ោង១១ និង៥០នាទីយប់ ថ្ងៃទី១១ ខែមករា ឆ្នាំ២០១៧ នៅភូមិគារ៣ ឃុំគារ …
ខេត្តបាត់ដំបង ៖ គូស្នេហ៍វ័យក្មេង១គូត្រូវបានកម្លាំងកងរាជអាវុធហត្ថឃាត់ខ្លួនកាលពីវេលាម៉ោង១១ និង៥០នាទីយប់ ថ្ងៃទី១១ ខែមករា ឆ្នាំ២០១៧ នៅភូមិគារ៣ ឃុំគារ …
ខេត្តបាត់ដំបង ៖ គូស្នេហ៍វ័យក្មេង១គូត្រូវបានកម្លាំងកងរាជអាវុធហត្ថឃាត់ខ្លួនកាលពីវេលាម៉ោង១១ និង៥០នាទីយប់ ថ្ងៃទី១១ ខែមករា ឆ្នាំ២០១៧ នៅភូមិគារ៣ ឃុំគារ ស្រុកមោងឫស្សី ខណ:ពួកគេកំពុងជួញដូរថ្នាំញៀនដោយខុសច្បាប់ ។
មន្ត្រីកងរាជអាវុធហត្ថបានឲ្យដឹងថា ជនសង្ស័យទាំង២នាក់ ម្នាក់ឈ្មោះ សេង វណ្ណា ហៅ វិត ភេទប្រុស អាយុ២០ឆ្នាំ នៅភូមិឃុំខាងលើ និងម្នាក់ទៀតឈ្មោះ សេន សាអែម ហៅ ដាវ ភេទស្រី អាយុ១៩ឆ្នាំ នៅភូមិតាតុ២ ឃុំមោង ស្រុកមោងឫស្សី ជាអ្នកបម្រើការនៅក្លិបខារ៉ាអូខេ ដែលគេសង្ស័យថា ជាគូស្នេហ៍នឹងគ្នា ។
មន្ត្រីដដែលបញ្ជាក់ថា ជនសង្ស័យទាំង២នាក់ត្រូវបានកម្លាំងជំនាញឃាត់ខ្លួនពេលកំពុងប្រព្រឹត្តបទល្មើសជាក់ស្ដែង និងដកហូតបានថ្នាំញៀនមេតំហ្វេតាមីនម្សៅក្រាមពណ៌.ស(ម៉ាទឹកកក)ចំនួន៦កូនថង់ មានទម្ងន់១,៣០ក្រាម និងម៉ូតូ១គ្រឿង ដែលជនទាំង២នាក់ជិះធ្វើសកម្មភាព ។
ក្រោយពេលចាប់ខ្លួន ជនសង្ស័យទាំង២នាក់បានសារភាពថា ថ្នាំញៀនដែលសមត្ថកិច្ចដកហូតពិតជារបស់ខ្លួនមែន ប៉ុន្តែជនទាំង២នាក់មិនបានប្រាប់ពីប្រភពដែលខ្លួនទិញថ្នាំញៀននោះយកមកលក់បន្តនោះទេ ។ ពួកគេបានអះអាងថា ទើបតែប្រព្រឹត្តជាលើកដំបូងក៏ជាប់អន្ទាក់សមត្ថកិច្ចតែម្ដង ប៉ុន្តែមន្ត្រីកងរាជអាវុធហត្ថបាននិយាយថា ជនសង្ស័យទាំង២នាក់នេះជាមុខសញ្ញាជូញដូរថ្នាំញៀន ដែលកម្លាំងជំនាញតាមដានសកម្មភាពពួកគេនាពេលកន្លងមករហូតឈានដល់ការឃាត់ខ្លួនតែម្ដង ៕
ចែករំលែកព័តមាននេះ