ADផ្ទាំងផ្សព្វផ្សាយពាណិជ្ជកម្ម

Picture

ទង់​អាស៊ាន​ប៉ា​រ៉ា​ហ្គេ​ម បាន​មក​ដល់​កម្ពុជា​ហើយ​!

1 ខែ មុន
  • ភ្នំពេញ

រាជធានី​ភ្នំពេញ ៖ ទង់​អាស៊ាន​ប៉ា​រ៉ា​ហ្គេ​ម​បាន​ដង្ហែ​មក​ដល់​កម្ពុជា​ហើយ កាលពី​ល្ងាច​ថ្ងៃ​ទី​៧ សីហា ។

រាជធានី​ភ្នំពេញ ៖ ទង់​អាស៊ាន​ប៉ា​រ៉ា​ហ្គេ​ម​បាន​ដង្ហែ​មក​ដល់​កម្ពុជា​ហើយ កាលពី​ល្ងាច​ថ្ងៃ​ទី​៧ សីហា ។ សម្ដេច​ពិជ័យ​សេនា​ទៀ បាញ់​ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ​និង​ជា​ប្រធាន​គណៈកម្មាធិការ​ជាតិ​រៀបចំ​ស៊ី​ហ្គេ​ម​និង​អាស៊ាន​ប៉ា​រ៉ា​ហ្គេ​ម បាន​ទៅ​ចូលរួម​ស្វាគមន៍​និង​ទទួល​ទង់​សម្រាប់​ព្រឹត្តិការណ៍​អាស៊ាន​ប៉ា​រ៉ា​ហ្គេ​ម​លើក​ទី​១២ ឆ្នាំ​២០២៣ ដែល​កម្ពុជា​ធ្វើ​ជា​ម្ចាស់ផ្ទះ​ពី​ឯកឧត្តម​ហ៊ុន ម៉ា​នី ដោយ​ផ្ទាល់ នៅ​ចំណត​អាកាសយានដ្ឋាន​អន្តរជាតិ​ភ្នំពេញ ។

ជាមួយ​គ្នា​នេះ ក្បួន​រថយន្ដ​ស៊ី​រ៉ែ​ន និង​ម៉ូតូ​ស បាន​អម​ជា​កិត្តិយស​ដង្ហែ​ដល់​ក្រុម​អត្ត​ព​លិ​ក​ជ័យ​លា​ភី​កម្ពុជា​កាត់​តាម​មហាវិថី​សំខាន់​ៗ​នានា​ក្នុង​រាជធានី​ភ្នំពេញ មុន​នឹង​ចូល​ទៅ​ស្ដាប់​មតិ​សំណេះសំណាល
ជាមួយ​សម្ដេច​ពិជ័យ​សេនា ទៀ បាញ់ នៅ​ទីស្នាក់​ការ​គណៈកម្មាធិការ​ជាតិ​អូ​ឡាំ​ពិ​ក​កម្ពុជា​។

សូម​បញ្ជាក់​ថា ព្រឹត្តិការណ៍​អាស៊ាន​ប៉ា​រ៉ា​ហ្គេ​មលើក​ទី​១១​នៅ​ប្រទេស​ឥណ្ឌូ​នេ​ស៊ី បាន​ចាប់ផ្ដើម​ពី​ថ្ងៃ​ទី​៣០ កក្កដា ដល់​ថ្ងៃ​ទី​៦ សីហា នៅ​ទីក្រុង​សូ​ឡូ ប្រទេស​ឥណ្ឌូ​នេ​ស៊ី ។ កម្ពុជា​បាន​បញ្ជូន​កីឡា​១១​ប្រភេទ​ក្នុង​ចំណោម​១៤​ប្រភេទ​កីឡា​ទៅ​ចូលរួម​ប្រកួត ។ ជា​លទ្ធផល កម្ពុជា​ដណ្ដើម​បាន​មេដាយ​ចំនួន​២៨​គ្រឿង​ដែល​ក្នុង​នោះ​មាន​មេដាយមាស​៧​គ្រឿង មេដាយ​ប្រាក់​១០​គ្រឿង​និង​មេដាយ​សំរឹទ្ធ​១១​គ្រឿង ។ មាន​តែ​៤​ប្រភេទ​កីឡា​ប៉ុណ្ណោះ​ដែល​មិន​ទទួល​បាន​មេដាយ ៕

Picture
Picture
Picture
Picture
Picture