ADផ្ទាំងផ្សព្វផ្សាយពាណិជ្ជកម្ម

Picture

តៃវ៉ាន់​ចោទ​ចិន​ថា ​ធ្វើ​សមយុទ្ធ​ក្លែង​ឲ្យ​ដូច​ការ​វា​.​យ​ប្រហារ​លើ​តៃវ៉ាន់

1 អាទិត្យ មុន

កោះ​តៃវ៉ាន់​បាន​ចោទប្រកាន់​កងទ័ព​ចិន​ថា​បាន​ក្លែង​ឲ្យ​ដូច​ជា​ការ​វា​.​យ​ប្រហារ​លើ​តៃវ៉ាន់ ខណៈ​ទីក្រុង​ប៉េ​កាំ​ង​ចាត់វិធានការ​សងសឹក​ជុំវិញ​ដំណើរ​ទស្សនកិច្ច​របស់​ប្រធាន​សភា​អា​មេ​រិ​ក ដោយ​ធ្វើការ​ផ្អាក​កិច្ច​សហប្រតិបត្តិការ​លើ​វិស័យ​សំខាន់​ៗ​ជាមួយនឹង​ទីក្រុង​វ៉ា​ស៊ី​ន​តោន​។ ទំនាក់ទំនង​រវាង​មហា​សេដ្ឋកិច្ច និង​យោធា​ទាំង​ពីរ​បាន​ធ្លាក់​ចុះ​ខ្លាំង បន្ទាប់​ពី​ប្រធាន​សភា​អា​មេ​រិ​ក​លោកស្រី Nancy Pelosi បាន​ធ្វើ​ដំណើរ​ទៅ​កាន់​កោះ​តៃវ៉ាន់ ដែល​ចិន​ចាត់ទុកជា​ផ្នែក​មួយ​របស់​ខ្លួន​។…

កោះ​តៃវ៉ាន់​បាន​ចោទប្រកាន់​កងទ័ព​ចិន​ថា​បាន​ក្លែង​ឲ្យ​ដូច​ជា​ការ​វា​.​យ​ប្រហារ​លើ​តៃវ៉ាន់ ខណៈ​ទីក្រុង​ប៉េ​កាំ​ង​ចាត់វិធានការ​សងសឹក​ជុំវិញ​ដំណើរ​ទស្សនកិច្ច​របស់​ប្រធាន​សភា​អា​មេ​រិ​ក ដោយ​ធ្វើការ​ផ្អាក​កិច្ច​សហប្រតិបត្តិការ​លើ​វិស័យ​សំខាន់​ៗ​ជាមួយនឹង​ទីក្រុង​វ៉ា​ស៊ី​ន​តោន​។

Picture

ទំនាក់ទំនង​រវាង​មហា​សេដ្ឋកិច្ច និង​យោធា​ទាំង​ពីរ​បាន​ធ្លាក់​ចុះ​ខ្លាំង បន្ទាប់​ពី​ប្រធាន​សភា​អា​មេ​រិ​ក​លោកស្រី Nancy Pelosi បាន​ធ្វើ​ដំណើរ​ទៅ​កាន់​កោះ​តៃវ៉ាន់ ដែល​ចិន​ចាត់ទុកជា​ផ្នែក​មួយ​របស់​ខ្លួន​។ ចិន​ចាត់​ទុក​ដំណើរ​នោះ​ជា​ការ​ជ្រៀត​ជ្រែកចូល​កិច្ចការ​ផ្ទៃក្នុង​របស់​ខ្លួន​។

Picture

បន្ទាប់​ពី​លោកស្រី Pelosi ទៅ​ទស្សនកិច្ច​នោះ​កោះ​តៃវ៉ាន់ មហា​យក្ស​ចិន​បាន​ចាប់ផ្តើម​ធ្វើ​សមយុទ្ធ​យោធា​ទ្រង់ទ្រាយ​ធំ​នៅ​តំបន់​ចំនួន ៦​ដែល​ព័ទ្ធ​ជុំវិញ​កោះ​តៃវ៉ាន់ បណ្តាល​ឲ្យ​អង្គការ​សហ​ប្រជា​ជាន​អំពាវនាវ​ឲ្យ​មានការ​កាត់​បន្ថយ​ភាព​តានតឹង​ជា​បន្ទាន់​។

ទីក្រុង​តៃប៉ិ បាន​និយាយ​ថា ខ្លួន​បាន​សង្កេត​ឃើញ​យន្តហោះ និង​នាវាចម្បាំង​ជា​ច្រើន​គ្រឿង​របស់​ចិន​ប្រតិបត្តិការ​នៅ​ច្រក​សមុទ្រ​តៃវ៉ាន់ ដោយ​តៃវ៉ាន់​ជឿជាក់​ថា ចិន​កំពុង​ក្លែង​ធ្វើ​ឲ្យ​ដូច​ជា​ការ​វា​.​យ​ប្រហារ​មក​លើ​កោះ​តៃវ៉ាន់​។

Picture

ក្រសួងការពារជាតិ​តៃវ៉ាន់​និយាយ​ក្នុង​សេចក្តី​ប្រកាស​ថា «​យន្តហោះ និង​នាវា​កុ​ម្មុ​យ​និ​ស្ត​កំពុង​ធ្វើ​សកម្មភាព​ជុំវិញ​ច្រក​សមុទ្រ​តៃវ៉ាន់ ដោយ​មួយ​ចំនួន​ឆ្លងកាត់​ខ្សែបន្ទាត់​កណ្តាល​» ​។

ទីក្រុង​ប៉េ​កាំ​ង​ក៏​បាន​អះអាង​ផង​ដែរ​ថា ពួក​គេ​នឹង​ធ្វើ​សមយុទ្ធ​បា​.​ញ់​គ្រាប់​ពិត​នៅ​ភាគ​ខាងជើង​សមុទ្រ​លឿង ដែល​ស្ថិត​នៅ​ចន្លោះ​ប្រទេស​ចិន និង​ឧបទ្វីប​កូរ៉េ ចាប់ពី​ថ្ងៃ​សៅរ៍ ដល់ទី ១៥ សីហា​។

ប្រព័ន្ធ​ផ្សព្វផ្សាយ​រដ្ឋ​ចិន CCTV បាន​រាយការណ៍​ថា មី​ស៊ី​ល​ជា​ច្រើន​គ្រាប់​របស់​ចិន​បាន​ហោះ​លើ​កោះ​តៃវ៉ាន់​អំឡុង​សមយុទ្ធ​។ ប៉ុន្តែ​ទីក្រុង​តៃប៉ិ អះអាង​ថា​ខ្លួន​នឹង​មិន​អាច​អោយ​អ្នក​ជិតខាង​ដ៏​អាក្រក់​មើលងាយ​បាន​នោះ​ទេ​៕ (​យោង​តាម​ប្រភព​៖ AFP)

Picture
Picture
Picture
Picture