ADផ្ទាំងផ្សព្វផ្សាយពាណិជ្ជកម្ម

Picture

បន្លាក្នុងកែវភ្នែក​ទំនាក់ទំនង​កម្ពុជា​ និង​អា​មេ​រិ​ក

1 ឆ្នាំ មុន
  • ភ្នំពេញ

នៅ​ពេល​រដ្ឋមន្ត្រី​ការ​បរទេស​អា​មេ​រិ​ក លោក Antony Blinken កំពុង​ស្ថិត​នៅ​ក្នុង​ប្រទេស​កម្ពុជា​លោក​នឹង​ជួប​ជាមួយ​សម្តេច​តេ​ជោ ហ៊ុន​សែន និង​លោក​ប្រាក់ សុ​ខុន ដែល​ជា​សម​ភាគី ដើម្បី​ពង្រឹង​ទំនាក់ទំនង​ទ្វេភាគី​រវាង​កម្ពុជា…

នៅ​ពេល​រដ្ឋមន្ត្រី​ការ​បរទេស​អា​មេ​រិ​ក លោក Antony Blinken កំពុង​ស្ថិត​នៅ​ក្នុង​ប្រទេស​កម្ពុជា​លោក​នឹង​ជួប​ជាមួយ​សម្តេច​តេ​ជោ ហ៊ុន​សែន និង​លោក​ប្រាក់ សុ​ខុន ដែល​ជា​សម​ភាគី ដើម្បី​ពង្រឹង​ទំនាក់ទំនង​ទ្វេភាគី​រវាង​កម្ពុជា និង​អា​មេ​រិ​ក ។

យោង​តាម​វេ​ប​សាយ​របស់​ក្រសួងការបរទេស​អា​មេ​រិ​ក​បានអោយ​ដឹង​ថា​លោក​នឹង​គូសបញ្ជាក់​ថា ភាពល្អ​ប្រសើរ​នៅ​ក្នុង​ទំនាក់ទំនង​ទ្វេភាគី​រវាង​អា​មេ​រិ​ក និង​កម្ពុជា គឺ​អាស្រ័យ​លើ​ថ្នាក់ដឹកនាំ​កម្ពុជា​ចាត់វិធានការ​ប្រកបដោយ​អត្ថន័យ ដើម្បី​ដោះស្រាយ​បញ្ហា​ព្រួយបារម្ភ​របស់​អា​មេ​រិ​ក​ចំពោះ​វត្តមាន​នៃ​យោធា​ចិន​នៅ​មូលដ្ឋាន សមុទ្រ​រាម បញ្ហា​ធ្លាក់​ចុះ​នៃ​ប្រជាធិបតេយ្យ ការ​គោរព​សិទ្ធិ​មនុស្ស និង​សិទ្ធ​ការងារ ។

ទំនាក់ទំនង​រវាង​កម្ពុជា និង​អា​មេ​រិ​ក​ត្រូវ​បាន​គេ​មើលឃើញ​ថា កំពុង​មានការ​ធ្លាក់​ចុះ ដោយសារ​អា​មេ​រិ​ក​ចោទប្រកាន់​ថា ប្រជាធិបតេយ្យ​នៅ​កម្ពុជា​មានការ​ធ្លាក់​ចុះ ហើយ​សំខាន់​ជាង​នេះ អា​មេ​រិ​ក​ចោទ​ថា កម្ពុជា​បាន​អនុញ្ញាត អោយ​មាន​វត្តមាន​កងទ័ព​ចិន​នៅ​មូល​ដ្នា​ន​ទ័ពជើងទឹក​នៅ​សមុទ្រ​រាម ។

រដ្ឋាភិបាល​កម្ពុជា​វិញ​អះអាង​ហើយ​អះអាង​ទៀត​ថា ខ្លួន​កំពុង​ធ្វើ​ដំណើរ​លើ​ផ្លូវ​ប្រជាធិបតេយ្យ​ដូចដែល​អ្វី​បាន​ចែង​នៅ​ក្នុង​រដ្ឋធម្មនុញ្ញ​។ ចំពោះ​បញ្ហា​មូលដ្ឋាន​សមុទ្រ​រាម សម្តេច​តេ​ជោ ហ៊ុន​សែន និង​សម្តេច​ពិជ័យ​សេនា ទៀ បាញ់ បាន​ឆ្លើយ​តប​ជា​ច្រើន​ដង​ថា កម្ពុជា​មិន​អនុញ្ញាត​អោយ​មាន​វត្តមាន​កងទ័ព​បរទេស​រួម​ទាំង កង​ទ័​ប​ចិន​នៅ​កម្ពុជា​ឡើយ ។ ដោយ​ផ្អែក​លើ​អំណះអំណាង​ទាំង​អស់នេះ គេ​យល់​ថា ប្រទេស​អា​មេ​រិ​ក និង​ប្រទេស​កម្ពុជា​កំពុងនិយាយ​ភាសា​ពីរ​ផ្ទុយ​គ្នា ។ ភាព​ផ្ទុយ​គ្នា​នេះ​នឹង​ធ្វើ​អោយ​មានការ​លំបាក​ដល់​ប្រទេស​ទាំង​ពីរ នៅ​ក្នុង​ការ​ធ្វើ​អោយ​ប្រសើរ​ឡើង​ទំនាក់ទំនង​រវាង​ប្រទេស​កម្ពុជា​ជាមួយ​ប្រទេស​អា​មេ​រិ​ក ។

កម្ពុជា​បាន​ព្យាយាម​ជា​ច្រើន ដើម្បី​លាង​ជម្រះ​ការ​សង្ស័យ​របស់​អា​មេ​រិ​ក​ដែល​ព្រួយ​បា​ម្ភ​ថា​មាន​វត្តមាន​កងទ័ព​ចិន​នៅ​មូលដ្ឋាន​រាម ។ ក្នុង​ចំណោម​កិច្ច​ប្រឹងប្រែង​ទាំង​អស់នោះ​ក៏​មានការ​អនុញ្ញាត​អោយ​សេនានុព័ន្ធ យោធា​ស្ថានទូត​អា​មេ​រិ​ក​នៅ​កម្ពុជា​ធ្វើ​ទស្សនកិច្ច​ទៅ​កាន់​មូលដ្ឋាន​សមុទ្រ​រៀម​ផង​ដែរ ។ ការ​អនុញ្ញាត អោយ​មានដំណើរ​ទស្សនកិច្ច​នោះ​គឺជា​កិច្ច​ប្រឹងប្រែង​របស់​កម្ពុជា ដើម្បី​លាង​ជម្រះ​ការ​សង្ស័យ​របស់​អា​មេ​រិ​ក ។

ប៉ុន្តែ​ទោះបីជា​យ៉ាងណា​ក៏​ដោយ​ចុះ​អា​មេ​រិ​ក​នៅ​តែ​មិន​អស់ចិត្ត​ដោយ​និយាយ​ថា ខ្លួន​ត្រូវការ​អោយ​មានការ​អនុញ្ញាត​ទស្ស​កិច្ច​ពេញលេញ​ទាំងអស់​នៅ​មូលដ្ឋាន​រាម ។ ដូច្នេះ​ការ​មិន​ទុកចិត្ត​គ្នា​រវាង​ប្រទេស​កម្ពុជា និង​ប្រទេស​អា​មេ​រិ​ក បាន​ក្លាយជា​ឧបសគ្គ​ដល់​កិច្ច​ប្រឹងប្រែង ដើម្បី​ធ្វើ​អោយ​ប្រសើរ​ឡើង​វិញ​នូវ​ទំនាក់ទំនង​ទ្វេភាគី​រវាង​ប្រទេស​ទាំង​ពីរ ។ ឥឡូវនេះ រដ្ឋមន្ត្រី​ការ​បរទេស​អា​មេ​រិ​កមក​ចូលរួម​កិច្ចប្រជុំ​រដ្ឋមន្ត្រី​ការ​បរទេស​អាស៊ាន និង​កិច្ចប្រជុំ​ពាក់ព័ន្ធ​ពី​ថ្ងៃ​ទី​៣ ដល់ទី​៥ ខែសីហា​នេះ ។ ក្រៅពី​នេះ លោក​នឹង​ជួប​សម្តេច​តេ​ជោ​ហ៊ុន សែន និង​លោក​ប្រាក់ សុ​ខុន​ផង​ដែរ ។

បើ​យោង​ទៅ​តាម​សេចក្តី​ប្រកាស​ព័ត៌មាន​នៅ​លើ​វេ​ប​សាយ​ក្រសួង​ការ​បទេស​អា​មេ​រិ​ក​នោះ លោក រដ្ឋមន្ត្រី​ក្រសួងការបរទេស​អា​មេ​រិ​ក​នឹង​បន្ត​លើក​ឡើង​ការ​ព្រួយបារម្ភ​របស់​ខ្លួន​ចំពោះ​វត្តមាន​ទ័ព​ចិន​នៅ​សមុទ្រ​រាម ព្រមទាំង​នឹង​ស្នើ​ផង​ដែរ​ដល់​កម្ពុជា​អោយធ្វើ​អោយ​ប្រសើរ​ឡើង​វិញ​លទ្ធិប្រជាធិបតេយ្យ​នៅ​កម្ពុជា ។

ជា​ទូទៅ​ការ​ជួប​ពិភាក្សា​គ្នា​ដោយ​ផ្ទាល់​នឹង​ជួយ​បង្កើន​ការ​ទុកចិត្ត​គ្នា​រវាង​ប្រទេស​ទាំង​ពីរ​តាម​រយៈ​ការ​សន្ទនា​ដ៏​ស្មោះត្រង់ ដើម្បី​អោយ​មានការ​យោគយល់​គ្នា​ទៅ​វិញ​ទៅ​មក​។ ដរាបណា​ប្រទេស​ទាំង​ពីរ​មិន​យល់ចិត្ត​គ្នា​ទេ​នោះ កិច្ច​ប្រឹងប្រែង​នៃ​ការ​ស្តារ​ឡើង​វិញ​ទំនាក់ទំនង​រវាង​កម្ពុជា និង​អា​មេ​រិ​ក​នឹង​ស្ថិត​នៅ​លើ​ផ្លូវ​ដ៏​វែង​ឆ្ងាយ​មួយ ៕

អត្ថបទសរសេរ ដោយ

កែសម្រួលដោយ