បុរស២នាក់ត្រូវចាប់ខ្លួន ម្នាក់រត់រួច ក្រោយធ្វើសកម្មភាពយកលុយជាង៩ពាន់បាត
- បន្ទាយមានជ័យ
ជនសង្ស័យចំនួន២នាក់ និងម៉ូតូ១គ្រឿងដែលធ្វើសកម្មភាពយ៉ាងសកម្មនៅក្រុងប៉ោយប៉ែតនោះ ពេលនេះត្រូវបានចាប់ខ្លួន
ជនសង្ស័យចំនួន២នាក់ និងម៉ូតូ១គ្រឿងដែលធ្វើសកម្មភាពយ៉ាងសកម្មនៅក្រុងប៉ោយប៉ែតនោះ ពេលនេះត្រូវបានចាប់ខ្លួន
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា ជនសង្ស័យចំនួន២នាក់ និងម៉ូតូ១គ្រឿងដែលធ្វើសកម្មភាពយ៉ាងសកម្មនៅក្រុងប៉ោយប៉ែតនោះ ពេលនេះត្រូវបានចាប់ខ្លួនបញ្ជូនទៅសាលាដំបូងខេត្តបន្ទាយមានជ័យហើយ នៅថ្ងៃទី០៣ ខែសីហា ឆ្នាំ២០២២នេះ។
បើតាមលោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត បានប្រាប់ថា ជនសង្ស័យ២នាក់នេះ មាន៖ ១-ឈ្មោះ ហេង ប៊ុនធាន ភេទប្រុស អាយុ២០ឆ្នាំ ២-ឈ្មោះ នេត ស៊ី ភេទប្រុស អាយុ២៣ឆ្នាំ រស់នៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត។
លោកបានបញ្ជាក់ថា មុនពេលកើតហេតុ កាលពីថ្ងៃទី០១ ខែសីហា ឆ្នាំ២០២២ នៅតាមផ្លូវចំណុចទំនប់ដីស ស្ថិតក្នុងភូមិសាមគ្គីមានជ័យ សង្កាត់-ក្រុងប៉ោយប៉ែត មានករណីឆក់កាបូបលុយជនរងគ្រោះបានហើយរត់គេចខ្លួនបាត់ ហើយកម្លាំងកងរាជអាវុធហត្ថក្រុងប៉ោយប៉ែត បានទទួលព័ត៌មានភ្លាម ក៏បានធ្វើការស្រាវជ្រាវ រហូតឃាត់ខ្លួនជនសង្ស័យបានចំនួន២នាក់ រួមនឹងម៉ូតូ១គ្រឿងដែលធ្វើសកម្មភាព និងកាបូបរបស់ជនរងគ្រោះចំនួន១ផងដែរ ដែលមានលុយចំនួន៩.២០០បាត ក្រោយពេលធ្វើសកម្មភាពភ្លាមៗ។
លោកវរសេនីយ៍ត្រី នួន នីណារ៉ូ បានបញ្ជាក់ថា ក្រោយពីឃាត់ខ្លួនជនសង្ស័យទាំង២នាក់ និងវត្ថុតាង សមត្ថកិច្ចក៏បានបញ្ជូនមកសាកសួរនៅទីបញ្ជាការកងរាជអាវុធហត្ថក្រុងប៉ោយប៉ែត ហើយតាមចម្លើយសារភាព គឺជនសង្ស័យដែលធ្វើសកម្មភាពឆក់ចំនួន៣នាក់ និងម៉ូតូ១គ្រឿង លុះក្រោយពេលឆក់ហើយ ក៏ត្រូវសមត្ថកិច្ចឃាត់ខ្លួនបាន២នាក់ ចំណែកម្នាក់ទៀតបានរត់គេចខ្លួនបាត់ ។
ក្រោយសាកសួរ រួចលុយត្រូវបានប្រគល់ជូនជនរងគ្រោះវិញ ចំណែកជនសង្ស័យត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមច្បាប់៕
ចែករំលែកព័តមាននេះ