ឡាននគរបាលប្រឆាំងគ្រឿងញៀនខេត្តបុ.កម៉ូតូ ពេញទំហឹង របួសធ្ងន់៣នាក់
- សៀមរាប
ខេត្តសៀមរាប ៖ បើតាមប្រភពពីសមត្ថកិច្ចនគរបាលការិយាល័យជំនាញនៃស្នងការដ្ឋាននគរបាល
ខេត្តសៀមរាប ៖ បើតាមប្រភពពីសមត្ថកិច្ចនគរបាលការិយាល័យជំនាញនៃស្នងការដ្ឋាននគរបាលខេត្តសៀមរបបានដឹងនៅវេលាម៉ោង៧ព្រឹកថ្ងៃទី៣ ខែសីហា ឆ្នាំ ២០២២ នេះថា មានរថយន្តរបស់នគរបាលប្រឆាំងគ្រឿងញៀ.ននៃស្នងការដ្ឋាននគរបាលខេត្តសៀមរាប បើកបរក្នុងល្បឿនលឿនបានបុ.កជាមួយនឹងម៉ូតូប្រជាពលរដ្ឋយ៉ាងពេញទំហឹង បណ្ដាលឱ្យរបួសធ្ងន់ចំនួន៣នាក់ បង្កការភ្ញាក់ផ្អើល និងបង្កការកកស្ទះចរាចរណ៍ពេញផ្លូវកាលពីវេលាម៉ោង៦យប់ថ្ងៃទី១ សីហា ២០២២ ត្រង់ចំណុចខាងលិចប៉ុស្តិ៍ជ្រាវ ប្រហែល៥០០ម៉ែត្រ ស្ថិតក្នុងភូមិវាល សង្កាត់ជ្រាវ ក្រុងសៀមរាប ខេត្តសៀមរាប ។
លោកវរសេនីយ៍ឯក សោម វីរៈ នាយការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាប បានឱ្យដឹងថា ភាគីខាងរថយន្តមួយគ្រឿង ពណ៌ស ពាក់ស្លាកលេខ នគរបាល ២ .៣៣៣៨ បើកបរដោយឈ្មោះ ព្រំ វ៉ាន់ពិសាល ភេទប្រុស អាយុ៣៥ឆ្នាំ មុខរបរមន្ត្រីនគរបាល រស់នៅភូមិ វត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប ។ ចំណែកភាគីខាងម៉ូតូមួយគ្រឿងម៉ាក Honda Zoomer ពណ៌ស ពាក់ផ្លាកលេខ សៀមរាប ១AG-៦២៧៣ បើកបរដោយឈ្មោះ គោគ សុភាព ភេទប្រុស អាយុ៣១ឆ្នាំ នៅភូមិត្រពាំងសេះ សង្កាត់គោកចក សៀមរាប រងរបួសត្រង់ក្បាល និង ជើង (ធ្ងន់) កំពុងព្យាបាលនៅមន្ទីរពេទ្យ និងអ្នករួមដំណើរ២នាក់ ក្នុងនោះម្នាក់ឈ្មោះ វ៉ាន់ ឆៃ ភេទប្រុស អាយុ២៧ឆ្នាំ រស់នៅភូមិ ចំបក់ ឃុំរលួស ស្រុកប្រាសាទបាគង ខេត្តសៀមរាប រងរបួសផ្នែកក្បាលធ្ងន់ (មិនទាន់ដឹងខ្លួន) និងម្នាក់ទៀតឈ្មោះ មើយ រម្យ ភេទប្រុស អាយុ ២៦ឆ្នាំ ធ្ងន់ (មិនទាន់ដឹងខ្លួន)។
លោកវរសេនីយ៍ឯក សោម វីរៈ នាយការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាប បានឱ្យដឹងថា មានករណីគ្រោះថ្នាក់ចរាចរណ៍រវាងរថយន្តមួយគ្រឿង ពណ៌ស បើកបរទិសដៅពីកើតទៅលិច បានបុ.កម៉ូតូមួយគ្រឿងម៉ាក Honda Zoomer បើកបរទិសដៅពីលិចទៅកើត បណ្តាលឱ្យរបួសធ្ងន់៣នាក់ ។
នៅពេលកើតហេតុ ភ្លាមៗកម្លាំងនគរបាលមូលដ្ឋានបានហៅរថយន្តសង្គ្រោះបន្ទាន់មកដឹកជនរង គ្រោះយកទៅព្យាបាលនៅមន្ទីរពេទ្យ ។ បច្ចុប្បន្ន កម្លាំងនគរបាលការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាបបានចុះទៅសួរសុខ ទុក្ខជនរងគ្រោះដល់មន្ទីរពេទ្យ ដើម្បីសម្របសម្រួលជាមួយក្រុមគ្រួសារជនរងគ្រោះ ដើម្បីបញ្ចប់រឿង ៕
ចែករំលែកព័តមាននេះ