រាជធានីភ្នំពេញ ៖ បុរសសម្បូរស្នេហ៍ម្នាក់មានប្រពន្ធដល់ទៅ២ និងមានស្រីស្នេហ៍ជាច្រើននាក់ទៀត ហើយដោយសារតែមិនដឹងថាមួយណាពិតប្រាកដ ទើបគ្មានអ្នកណាម្នាក់រវីរវល់មកមើលថែឡើយ ខណៈបុរសរូបនោះបានធ្លាក់ខ្លួនឈឺដោយសារផ្ទុកមេរោគអេដស៍ជាច្រើនឆ្នាំមកហើយ ។ នៅទីបំផុតបុរសរូបនោះក៏ដាច់ចិត្តបញ្ចប់ជីវិតខ្លួនឯងដោយចង.កភ្ជាប់នឹងក្បាលគ្រែស្លាប់យ៉ាងអាណោចអាធ័មបង្កឲ្យមានការភ្ញាក់ផ្អើលកាលពីវេលាម៉ោង៨ និង៣០នាទីព្រឹក ថ្ងៃទី៥ ខែមករា ឆ្នាំ២០១៧ នៅចំណុចផ្ទះលេខ១៦៥ ស្ថិតក្នុងភូមិទួលសង្កែ សង្កាត់ទួលសង្កែ ខណ្ឌឫស្សីកែវ ។
ប្រភពព័ត៌មានបានឲ្យដឹងថា ជនរងគ្រោះឈ្មោះ គឹម ម៉ឺយ ភេទប្រុស អាយុ៥៤ឆ្នាំ ជាអ្នកលក់លតឆា ស្នាក់មិនពិតប្រាកដ និងមានស្រុកកណើតនៅកម្ពុជាក្រោម ហើយទើបមកស្នាក់នៅផ្ទះបងថ្លៃនៅកន្លែងកើតហេតុបានប្រមាណ២ខែប៉ុណ្ណោះ ។
ប្រភពព័ត៌មានបានឲ្យដឹងទៀតថា បុរសរងគ្រោះកាលពីមិនទាន់មានផ្ទុកមេរោគអេដស៍គាត់គឺជាមនុស្សសម្បូរស្នេហ៍ណាស់ ពោលគឺមានប្រពន្ធដល់ទៅ២នាក់ និងស្រីស្នេហ៍ជាច្រើននាក់ទៀតផង ។ លុះពេលក្រោយមកនៅពេលដឹងថាគាត់មានផ្ទុកមេរោគអេដស៍ និងដោយសារតែគ្មានភាពច្បាស់លាស់ ហើយមិនដឹងថា ប្រពន្ធមួយណាឲ្យពិតប្រាកដទើបគ្មានប្រពន្ធកូនណាម្នាក់មករវីរវល់មើលថែគាត់ឡើយ ។
ប្រភពបញ្ជាក់ថា រយៈពេលប្រហែល២ខែចុងក្រោយនេះ ដោយសារតែគ្មានទីជម្រក បុរសឯកោរូបនោះបានមករស់នៅជាមួយបងថ្លៃនៅផ្ទះកើតហេតុ ហើយដោយសារតែជំងឺរើឡើង និងគ្មានអ្នកមើលថែផង ក៏តូចចិត្តចង.កធ្វើអត្តឃាតតែម្តងទៅ ៕
ចែករំលែកព័តមាននេះ