ហេតុផល5ចំណុចរារាំងដល់ការសម្រេចចិត្ត
ជាទូទៅ ការប្រកបមុខជំនួញ ឬកិច្ចការអ្វីមួយទាមទារឱ្យមានការតាំងចិត្ត ខណៈដែលមនុស្សមួយចំនួនបានលើកយកហេតុផលផ្សេងៗមកសំអាងក្នុងការសម្រេចចិត្ត តើហេតុផលទាំងនោះមានអ្វីខ្លះ ?
ជាទូទៅ ការប្រកបមុខជំនួញ ឬកិច្ចការអ្វីមួយទាមទារឱ្យមានការតាំងចិត្ត ខណៈដែលមនុស្សមួយចំនួនបានលើកយកហេតុផលផ្សេងៗមកសំអាងក្នុងការសម្រេចចិត្ត តើហេតុផលទាំងនោះមានអ្វីខ្លះ ?
១-គ្មានប្រាក់ ៖
គ្មានប្រាក់ វាមិនមែនជាសំណួរនោះទេ ហេតុនេះហើយ អ្នកនឹងគ្មានថ្ងៃអាចរកចម្លើយបានទេ។ អ្វីដែលអ្នកគួរតែសួរខ្លួនឯងនោះគឺ តើអ្នកនឹងរកប្រាក់ពីប្រភពណា ?
២-គ្មានពេលវេលា ៖
គ្មាននរណាម្នាក់ចាប់អារម្មណ៍ថា អ្នកបានប្រើពេលវេលាជាមួយអ្វីខ្លះនោះទេ អ្នកដទៃមើលតែលើលទ្ធផលរបស់អ្នកប៉ុណ្ណោះ ។ ប្រសិនបើអ្នកគ្រប់គ្រងពេលវេលាមិនបានល្អទេនោះ ដំណើរនៃជីវិត វានឹងដើរតាមអ្វីដែលជាទង្វើរបស់អ្នក ។
៣-មិនចេះធ្វើ ៖
មនុស្សគ្រប់រូបតែងតែឆ្លងកាត់ដំណាក់កាលចាប់ផ្តើមរបស់ខ្លួនទាំងអស់ ពាក្យថា មិនចេះធ្វើ មិនមែនមានន័យថា ធ្វើមិនបាននោះទេ។ បើសិនជាអ្នកចង់ឃើញសមត្ថភាពរបស់ខ្លួន ដែលមិនធ្លាប់ឃើញមកពីមុន គឺអាចសាកល្បងសួរខ្លួនឯងថា ត្រូវធ្វើយ៉ាងណា ?
៤-មិនបានរៀនផ្នែកនេះ ៖
ចំណេះដឹង មិនបានបញ្ចប់នៅត្រឹមសាកលវិទ្យាល័យនោះទេ បើសិនជាអ្នកជ្រើសរើសបញ្ឈប់ការរៀនសូត្រត្រឹមនេះ ក៏ហាមតវ៉ាដល់រឿងការឈានទៅមុខនាពេលអនាគតដែរ ព្រោះវានឹងគ្មានថ្ងៃកើតឡើងឡើយ ។
៥-នៅមិនទាន់បានត្រៀមខ្លួន ៖
ភាគច្រើននៃមនុស្សដែលនិយាយបែបនេះ គឺពួកគេខ្ជិលធ្វើ ។ អ្វីទៅជាការមិនបានត្រៀមខ្លួនជាស្រេច ? បើសិនជាអ្នករង់ចាំនោះ ច្បាស់ជាមិនបានធ្វើវាឡើយ ។ បុគ្គលជោគជ័យ នៅពេលឃើញឱកាស រមែងតែចាប់យកឱកាសនោះ និងចាប់ផ្តើមធ្វើវាដោយមិនបានត្រៀមខ្លួន ។
* ចូរចងចាំថា ៖
– គ្មានបុគ្គលណាមានទ្រព្យសម្បត្តិពីការសន្សំសំចៃក្នុងការចាយវាយនោះទេ តែពួកគេមានទ្រព្យដោយសារការបង្កើតប្រាក់ចំណូល ។
– គ្មានបុគ្គលណាមានទ្រព្យសម្បត្តិពីការធ្វើការងារងាយៗនោះទេ តែពួកគេមានទ្រព្យដោយសារធ្វើការងារលំបាក ។
– គ្មានបុគ្គលណាមានទ្រព្យសម្បត្តិពីការធ្វើការងារធ្ងន់នោះទេ តែពួកគេមានទ្រព្យដោយសារធ្វើការងារដ៏ឈ្លាសវៃ ។
– គ្មានបុគ្គលណាមានទ្រព្យសម្បត្តិពីការគិតច្រើននោះទេ តែពួកគេមានទ្រព្យដោយសារពូកែគិត ។
– គ្មានបុគ្គលណាមានទ្រព្យសម្បត្តិពីការលក់កម្លាំងពលកម្មនោះទេ តែពួកគេមានទ្រព្យដោយសារការលក់គំនិត ។
– គ្មានបុគ្គលណាមានទ្រព្យសម្បត្តិពីការបដិសេធឱកាសនោះទេ តែពួកគេមានទ្រព្យដោយសារការស្វែងរកឱកាស ៕
ចែករំលែកព័តមាននេះ