ឧត្តរមានជ័យ ៖ អ្នកភូមិប្រាសាទរំដួលចាស់បានបង្កការភ្ញាក់ផ្អើល ខណៈមានដំរីព្រៃ២ក្បាលចូលភូមិអុកឡុក នៅព្រឹកថ្ងៃទី២៩ កក្កដា២០២២ ដែលហេតុការណ៍ដែលបង្កការភ្ញាក់ផ្អើលនេះ ស្ថិតនៅក្នុងភូមិប្រាសាទចាស់ ឃុំអម្ពឹល ស្រុកបន្ទាយអម្ពឹល ខេត្តបន្ទាយមានជ័យ ។
លោកចាន់ តឿ មេភូមិប្រាសាទរំដួលចាស់បានអះអាងឱ្យដឹងថា នៅព្រឹកថ្ងៃទី២៩ ខែកក្កដា ឆ្នាំ២០២២នេះ មានដំរីព្រៃ២ក្បាលចុះពីលើភ្នំដងរ៉ែក ចូលមកក្នុងភូមិ ហើយពលរដ្ឋក៏មានការភ័យខ្លាចនាំគ្នីគ្នារត់ចែកជើងគ្នា ខណៈពេលនោះក្រុមការងារអ្នកភូមិបាននាំគ្នាដើរគៀងសត្វដំរីចូលទៅក្នុងព្រៃខាងកើតភូមិ ។
លោកមេភូមិបានបញ្ជាក់ថា នៅពេលសត្វដំរីដើរចេញពីភូមិក៏ប្រទះ និងគោយន្តកន្ត្រៃដែលអ្នកភូមិចេញទៅឯចំការនោះ សត្វដំរីបានវា.យគោយន្តបំបាក់ទ្រុង បណ្តាលឱ្យខូចខាតផងដែរ ។ ហើយក្រុមការងារបានដើរតាមរហូត ខណៈនោះសត្វដំរីមួយក្បាលបានដើរឡើងទៅលើខ្នងភ្នំដងរ៉ែកវិញ តែនៅសល់មួយក្បាលនៅពួនសង្ងំនៅព្រៃខាងកើតភូមិ មិនទាន់ចេញទៅទេ ដោយគឹតត្រឹមម៉ោង៥.៤៥នាទីល្ងាច ដោយមិនមានមនុស្សណាម្នាក់គ្រោះថ្នាក់ និងសត្វដំរីនេះទេ។
ទាក់ទិនទៅ និងសត្វដំរីនេះដែរ លោក ប៉ែន កុសល្យអភិបាលខេត្តឧត្តរមានជ័យ នៅវេលាម៉ោង៦.១៤នាទីល្ងាច ថ្ងៃទី២៩ ខែកក្កដា ឆ្នាំ២០២២នេះថា សត្វដំរី២ក្បាលដែលចុះពីលើភ្នំដងរ៉ែកចូលភូមិនោះ លោកបានចាត់ក្រុមការងារតាមដានមើលហើយ បើវានៅក្នុង
ទឹកដីខ្មែរទៀត លោកនិងទាក់ទងទៅខាងក្រុមការងារវាយអេដ្ឋអភិរក្សសត្វព្រៃចុះមកយកទៅធ្វើការអភិរក្សនៅភ្នំតាម៉ៅ ។
គួរម្លឹកថា ៖ លោកមេភូមិបានឱ្យដឹងកាលពីអំឡុងឆ្នាំទៅ សត្វដំរីនេះធ្លាប់ចូលមកផងដែរ ប៉ុន្តែចូលមកតែមួយក្បាលនៅក្បែរភូមិ ៕
ចែករំលែកព័តមាននេះ