ADផ្ទាំងផ្សព្វផ្សាយពាណិជ្ជកម្ម

Picture

ទិវា​រត់ប្រណាំង​ម៉ា​រ៉ា​តុង​អន្តរជាតិ​ចក្រភព​ខ្មែរ​ដំណើរការ​ឡើង​វិញ ក្រោយ​ខកខាន​អស់​២​ឆ្នាំ​

1 ខែ មុន
  • ភ្នំពេញ

រាជធានី​ភ្នំពេញ ៖ ទិវា​រត់ប្រណាំង​ម៉ា​រ៉ា​តុងអន្តរជាតិ​ចក្រភព​ខ្មែរ​លើក​ទី​៧​ចាប់ផ្ដើម​បើកដំណើរការ​

រាជធានី​ភ្នំពេញ ៖ ទិវា​រត់ប្រណាំង​ម៉ា​រ៉ា​តុងអន្តរជាតិ​ចក្រភព​ខ្មែរ​លើក​ទី​៧​ចាប់ផ្ដើម​បើកដំណើរការ​ឡើង​វិញ​ហើយ​ក្រោយ​ពី​ខកខាន​អស់រយៈពេល​២​ឆ្នាំ​ដោយសារ​វិបត្តិ​កូ​វី​ដ​-១៩​។ នេះ​បើតាម​ការ​ឱ្យ​ដឹង​ពី​ឯកឧត្តម​វ៉ា​ត់ ចំរើន រដ្ឋ​លេខាធិ​ការ​ក្រសួងទេសចរណ៍ និង​ជា​អគ្គលេខាធិការ​គណៈកម្មាធិការ​ជាតិ​អូ​ឡាំ​ពិ​ក​កម្ពុជា​នៅ​ក្នុង​សន្និសីទ​សារព័ត៌មាន​មួយ​កាលពី​ព្រឹក​ថ្ងៃ​ទី​២៧ កក្កដា​ឆ្នាំ​២០២២​។

តាម​ការ​ឱ្យ​ដឹង​ពី​ប្រភព​ដដែល ទិវា​រត់ប្រណាំង​ម៉ា​រ៉ា​តុង​អន្តរជាតិ​ចក្រភព​ខ្មែរ​លើក​ទី​៧​នៅ​សៀម
រាប​អង្គរ​នេះ ត្រូវ​បាន​ខកខាន​ធ្វើ​តាំងពី​ឆ្នាំ​២០១៩មក​ម៉្លេះ​ ដោយសារ​តែ​បញ្ហា​កូ​វី​ដ​-១៩​។ ប៉ុន្តែ​ពេល​នេះ​ដោយសារ​តែ​ទទួល​បានការ​អនុញ្ញាត​ពី​ប្រមុខ​រាជរដ្ឋាភិបាល ក៏​ដូច​ជា​គណៈកម្មាធិការ​ជាតិ​អូ​ឡាំ​ពិ​ក​កម្ពុជា បាន​ធ្វើ​ឱ្យ​ទិវា​រត់ប្រណាំង​ជា​ប្រវត្តិសាស្ត្រ​មួយ​នេះ​អាច​ដំណើរការ​ឡើង​វិញ​នៅ​ថ្ងៃអាទិត្យ ទី​៧ ខែសីហា ឆ្នាំ​២០២២​។

ឯកឧត្តម​វ៉ា​ត់ ចំរើន បាន​បន្ត​ថា ជា​គោលការណ៍របស់​រាជរដ្ឋាភិបាល បាន​ផ្ដល់​ឱ្យ​ក្រសួងទេសចរណ៍​និង​គណៈកម្មាធិការ​ជាតិ​អូ​ឡាំ​ពិ​ក​កម្ពុជា​រៀបចំ​ព្រឹត្តិការណ៍​នេះ​ឡើង​ចំ​ពេល​រដូវ​មាន​ភ្លៀង​ធ្លាក់ ព្រោះ​រដូវ​នេះ​ជា​ពេល​ដែល​ភ្ញៀវ​ទេសចរ​មានការ​ថយ​ចុះ ដូច្នេះ​ត្រូវ​រិះរក​កម្មវិធី​ណាមួយ​ដើម្បី​ទាក់ទាញ​ឱ្យ​មាន​ភ្ញៀស​ទេសចរ​ឡើង​វិញ ។ ទិវា​រត់ប្រណាំង​ម៉ា​រ៉ា​តុង​អន្តរជាតិ​ចក្រភព​ខ្មែរ យើង​ធ្វើ​បាន​ចំនួន​៧​លើក​រួច​មក​ហើយ ។ តាម​ធម្មតា​ទិវា​រត់ប្រណាំង​មួយ​នេះ​គឺ​ធ្វើ​ឡើង​នៅ​ស​ប្ដា​ហ៍​ទី​២​នៃ​ខែសីហា ហើយ​លើក​នេះ​យើង​មាន​ភ្ញៀវ​ទេសចរ​ជាតិ​និង​អន្តរជាតិ​ចូលរួម​ប្រមាណ​២​ពាន់​នាក់ ។ ចំពោះ​ភ្ញៀវ​ទេសច​អន្តរជាតិ​ភាគច្រើន​ជាអ្នក​រស់នៅ​ក្នុងស្រុក​ខ្មែរ បើ​អ្នក​មក​ពី​ក្រៅប្រទេស​មាន​ប្រហែលជា​២០%​ប៉ុណ្ណោះ​។

ទិវា​រត់ប្រណាំង​ម៉ា​រ៉ា​តុង​អន្តរជាតិ​ចក្រភព​ខ្មែរនេះ​មាន​លក្ខណៈ​ជា​កីឡា​ទេសចរណ៍​ដើម្បី​ទាក់ទាញ​ភ្ញៀវ​ជាតិ​អន្តរជាតិ​ឱ្យ​គេ​ស្គាល់​ពី​សម្បត្តិ​វប្បធម៌​ដ៏ផូរផង់​របស់​ខ្មែរ​យើង ហើយ​ក៏​ជា​គោលដៅ​ដ៏​សំខាន់
សម្រាប់​ការ​ត្រៀម​ទុក​មុន នៃ​ព្រឹត្តិការណ៍​កីឡា​ស៊ី​ហ្គេ​ម​លើក​ទី​៣២​ឆ្នាំ​២០២៣​នៅ​កម្ពុជា​ទៀត​ផង​។​

ឯកឧត្តម​បាន​សង្កត់ធ្ងន់​ថា នៅ​លើ​ពិភពលោក​អត់​មាន​ប្រទេស​ណា​មាន​កន្លែង​រត់ប្រណាំង​ដ៏​ល្អ​ឯក​និង​ស្រស់បំព្រង​ដូច​ខ្មែរ​យើង​នោះ​ទេ ។ គោលបំណង​សំខាន់​របស់​ទិវា​រត់ប្រណាំង​នេះ​គឺ​ដើម្បី​ផ្សព្វ​ផ្សាយ​ដល់​ការ​ប្រកួត​កីឡា​ស៊ី​ហ្គេ​ម​ឆ្នាំ​២០២៣ ទាក់ទាញ​ភ្ញៀវ​ទេសចរ​ក្នុង​រដូវ​ខ្សត់​ភ្ញៀវ​ទេសចរ និង​ប្រមូល​ថវិកា​ជួយ​ដល់​មន្ទីរពេទ្យ កុមារ ជន​ចាស់ជរា និង​សកម្មភាព​មនុស្សធម៌​នានា​ក្នុង​សង្គម​។

តាម​កម្មវិធី​ដែល​បាន​គ្រោងទុក ការ​រត់ប្រណាំងលើក​នេះ​មាន​៤​វិញ្ញាសា​គឺ​វិញ្ញាសា​រត់​ចម្ងាយ​៤២​គីឡូម៉ែត្រ ២១​គីឡូម៉ែត្រ ១០​គីឡូម៉ែត្រ និង​៣​គីឡូម៉ែត្រ ៕

Picture
Picture