អភិបាលខេត្តតាកែវនាំយកទៀនព្រះវស្សា ទេយ្យវត្ថុ និងគ្រឿងឧបភោគបរិភោគប្រគេននៅវត្តចំនួន៤
- តាកែវ
ខេត្តតាកែវ ៖ កាលពីព្រឹកថ្ងៃទី២៨ កក្កដា នេះ លោក អ៊ូច ភា អភិបាល នៃគណៈអភិបាលខេត្តតាកែវ…
ខេត្តតាកែវ ៖ កាលពីព្រឹកថ្ងៃទី២៨ កក្កដា នេះ លោក អ៊ូច ភា អភិបាល នៃគណៈអភិបាលខេត្តតាកែវ…
ខេត្តតាកែវ ៖ កាលពីព្រឹកថ្ងៃទី២៨ កក្កដា នេះ លោក អ៊ូច ភា អភិបាល នៃគណៈអភិបាលខេត្តតាកែវ បានដឹកនាំក្រុមការងារចុះមូលដ្ឋានឃុំអង្គតាសោម នាំយកទៀនចំណាំព្រះវស្សា ទេយ្យវត្ថុ និងគ្រឿងឧបភោគបរិភោគមួយចំនួន ប្រគេនព្រះសង្ឃគង់ចាំវស្សាចំនួន០៤វត្ត ក្នុងឃុំអង្គតាសោម ស្រុកត្រាំកក់ ។
លោក អ៊ូច ភា អភិបាលខេត្តតាកែវបានមានប្រសាសន៍លើកឡើងថា ទំនៀមបូជាទៀនវស្សា គឺជាផ្នែកមួយនៃការគោរពរបស់ពុទ្ធបរិស័ទ រំលឹកនឹកទៅដល់គុណូបការៈនៃព្រះសម្មាសម្ពុទ្ធសមណគោតម ដោយធ្វើការបូជាគ្រឿងសក្ការផ្គត់ផ្គង់ចង្ហាន់បិណ្ឌបាត និងគ្រឿងបរិក្ខារផ្សេងៗ ដល់ព្រះសង្ឃគង់ចាំវស្សា។
ជាពិសេស នេះជាទំនៀមមួយដែលបង្ហាញ ពីការរួមសាមគ្គីគ្នារបស់ពុទ្ធបរិស័ទខ្មែរ ក្នុងការហែទេយ្យទាន ទៅប្រគេនព្រះសង្ឃនៅតាមទីអារាមនានា និងរួបរួមគ្នាបរិច្ចាគធនធាន ទៅតាមសទ្ធាជ្រះថ្លា ក្នុងជំនឿចាប់យកនូវមគ្គផលកុសលផលបុណ្យ។ បន្ថែមពីនេះដែរ លោកអភិបាលខេត្ត ក៏បានជម្រុញ ណែនាំ និងលើកទឹកចិត្ត ដល់បងប្អូនប្រជាពលរដ្ឋ ទាំងអស់ ត្រូវទៅចាក់វ៉ាក់សាំងការពារជំងឺកូវីដ១៩ ដូសទី២ ដូសទី៣ ដូសទី៤ និងដូសទី៥ ឱ្យបានគ្រប់ៗគ្នា ដើម្បីជារនាំងការពារពីការឆ្លងជំងឺកូវីដ១៩ កុំឱ្យកើតមានឡើងបន្តទៀតនៅក្នុងសហគមន៍របស់យើង ជាពិសេសត្រូវបន្តការអនុវត្តវិធានការសុខាភិបាល និងតាមការណែនានារបស់អាជ្ញាធរមូលដ្ឋាន ។
សម្ភារដែលលោក អ៊ូច ភា អភិបាលខេត្តតាកែវ នាំយកមកនាពេលនោះរួមមាន៖ ទៀនព្រះវស្សា ០១គូរ, អង្ករ ៥០គីឡូក្រាម, ទឹកសុទ្ធ ០៣កេស, ទឹកក្រូច ០៤កេស, ទឹកផ្លែឈើ ០២កេស, មី ០២កេស និងបច្ច័យចំនួន ០៤វត្ត ក្នុងមួយវត្ត ៥០ម៉ឺនរៀល និងប្រគេន ព្រះសង្ឃ ០៤អង្គ ក្នុងមួយអង្គ ១០ម៉ឺនរៀលផងដែរ៕
ចែករំលែកព័តមាននេះ