ជាងសំណង់កំពុងកាត់ដែកសង់ចេតិយ ស្រាប់តែបុរសម្នាក់មកជិតធ្វើសកម្មភាព ផ្អើលវត្ត
- ភ្នំពេញ
រាជធានីភ្នំពេញ ៖ បុរសជាជនសង្ស័យម្នាក់បានធ្វើសកម្មភាពលួចទូរស័ព្ទដៃ១គ្រឿងរបស់បុរសម្នាក់
រាជធានីភ្នំពេញ ៖ បុរសជាជនសង្ស័យម្នាក់បានធ្វើសកម្មភាពលួចទូរស័ព្ទដៃ១គ្រឿងរបស់បុរសម្នាក់
រាជធានីភ្នំពេញ ៖ បុរសជាជនសង្ស័យម្នាក់បានធ្វើសកម្មភាពលួចទូរស័ព្ទដៃ១គ្រឿងរបស់បុរសម្នាក់ទៀតដែលជាជាងសំណង់ ប៉ុន្តែត្រូវបានម្ចាស់ឃើញទាន់ក៏បានឃាត់ខ្លួនបានរួចប្រគល់ជូននគរបាលដើម្បីសាកសួរ ។
ហេតុការណ៍ខាងលើនេះបានកើតឡើងកាលពីវេលាម៉ោង៩ព្រឹកថ្ងៃទី២៨ ខែកក្កដា ឆ្នាំ២០២២ នៅការដ្ឋានសំណង់ចេតិយ ស្ថិតនៅក្នុងបរិវេណវត្តអរុណវតី ភូមិត្រពាំងអណ្តូង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា ជនសង្ស័យខាងលើពុំត្រូវបានស្គាល់អត្តសញ្ញាណឡើយ នៅពេលសាកសួរ ជននេះនិយាយហាក់ដូចជាមានសតិមិនគ្រប់ ។ ដោយឡែកទូរស័ព្ទដែលលួចពុំបានសម្រេចនោះ ដែលជាកម្មសិទ្ធិរបស់បុរសម្នាក់ឈ្មោះ ទួន សុវណ្ណ អាយុ៣៩ឆ្នាំ មានមុខរបរជាងសំណង់ មានទីលំនៅភូមិអក្សរ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
តាមប្រភពដដែលបានប្រាប់ឲ្យដឹងបន្តទៀតថា នៅមុនពេលកើតហេតុខណៈដែលជាងសំណង់កំពុងកាត់ដែកដើម្បីសាងសង់ចេតិយ ហើយបានទុកទូរស័ព្ទនៅក្បែរខ្លួននោះ ស្រាប់តែជនសង្ស័យដើរទៅជិតរួចធ្វើសកម្មលួចយកបាន ហើយព្យាយាមដើរចេញគេចខ្លួនដែរ ប៉ុន្តែភ្លាមៗនោះជាងសំណង់បានក្រឡេកឃើញទាន់ក៏ស្រែកឆោឡោបង្កឲ្យមានការភ្ញាក់ផ្អើលនិងឃាត់ខ្លួនបាន រួចបានប្រគល់ជូនទៅឲ្យនគរបាលប៉ុស្តិ៍ត្រពាំងក្រសាំងដើម្បីនាំទៅសាកសួរ។
តាមប្រភពខាងលើបានបញ្ជាក់ប្រាប់បន្ថែមទៀតថា ខណៈពេលសាកសួរ ជនសង្ស័យនិយាយហាក់ដូចជាមានសតិមិនគ្រប់ ឬបែកថ្នាំ ពុំអាចយកជាការបានឡើយ សូម្បីតែឈ្មោះខ្លួនឯងក៏ជននេះពុំស្គាល់ផង ។ នៅពេលឃើញស្ថានភាពបែបនេះ បុរសជាជាងសំណង់ពុំបានដាក់ពាក្យប្ដឹងទេ ដោយសុំយកតែទូរស័ព្ទរបស់គាត់វិញតែប៉ុណ្ណោះ បន្ទាប់មកនគរបាននាំយកជននេះទៅកាន់ប៉ុស្តិ៍ធ្វើការអប់រំរួចដោះលែងវិញ ៕
ចែករំលែកព័តមាននេះ