រថយន្ត​​ឡិចស៊ីស​​បើក​លឿន​ក្រឡាប់​ស្លាប់​ម្នាក់​​របួស​2នាក់​


ខេត្ត​កំពង់​ចាម ​៖ ​​​​​​​​​​​គ្រោះ​​ថ្នាក់​ចរាចរណ៍​​ដ៏រន្ធត់​​មួយ​បាន​កើតឡើង​ដោយ​សារ​​​រថយន្ត​មា៉ក​ឡិច​ស៊ីស​RX ៣០០ មួយគ្រឿង​​ពណ៌​​ទឹក​មាស ​ពាក់​ស្លាក​លេខ​​ភ្នំពេញ​២M-៦៥០៥ ​បាន​បើក​បរ​​​លឿន​ពេក​​​ បណ្តាល​ឱ្យ​ក្រឡាប់​​​​ជា​ច្រើន​ត្រឡប់​​នៅ​ខាង​លិច​​មន្ទីរ​ឧតុនិយម​​​​​ខេត្ត​​ ស្ថិត​​​​ក្នុង​​​​​ភូមិ​ជ្រោយ​ថ្ម ​​សង្កាត់​​បឹង​កក់ ​ក្រុង​កំពង់ចាម ​កាលពី​វេលា​ម៉ោង​១០​និង​៤៥​នាទី​យប់​ថ្ងៃ​ទី​២២ មករា ​បណ្តាល​ឱ្យ​អ្នក​​​ជិះ​​លើ​រថយន្ត​៣​នាក់ ​រង​របួស​​ធ្ងន់​​​ក្រោយ​មក​ស្លាប់​ម្នាក់​ពេល​បញ្ជូន​ទៅ​ដល់​មន្ទីរ​ពេទ្យ​​ ។

​លោក​ស៊ាម ​យូ​សេង ​ប្រធាន​​នគរបាល​ចរាចរ​នៃអធិការ​ដ្ឋាន​នគរបាល​​​ក្រុង​កំពង់​ចាម ​ប្រាប់​ឱ្យដឹងថា ​មុន​ពេល​កើត​​ហេតុ​​រថយន្ត​ឡិច​ស៊ីស​​​នេះ​បាន​​​​បើក​បរ​ក្នុង​​​​ល្បឿន​​លឿន​​​ ខណៈ​ដល់​ផ្លូវ​កោង​បួង​​​ចង្កូត​មិន​ទាន់​ក៏​ជ្រុល​​​​ឡើង​ចិញ្ចើម​ថ្នល់ ​ក្រឡាប់​ជា​ច្រើន​ត្រឡប់​តែ​ម្តង​​ ។ ​​លោក​ស៊ាម ​យូសេង ​​បន្តថា ​ក្នុង​ហេតុ​​ការណ៍​​នេះ​បណ្តាល​ឱ្យ​​មនុស្ស​៣​នាក់​រង​របួស​ធ្ងន់​ក្នុង​នោះ​​១-ឈ្មោះ​ស្រេង ​ពិដែត ​ភេទ​ប្រុស ​អាយុ​២៩​ឆ្នាំ ​នៅ​ភូមិ​១៥ សង្កាត់​កំពង់ចាម ​ក្រុងកំពង់ចាម ​២-​ឈ្មោះ​​ជាប ​សា៊ង​​​​លាង ​ភេទ​ប្រុស ​អាយុ​២២​ឆ្នាំ ​នៅ​ភូមិ​បឹង​កុក សង្កាត់​បឹង​កុក ក្រុង​កំពង់​ចាម ​៣-ឈ្មោះ​ឈាង ​ចាន​់ដារ៉ា ​ភេទ​ប្រុស​ អាយុ​២៩​ឆ្នាំ ​​នៅភូមិ​ពុក​បាស់ ឃុំ​ពុក ស្រុក​សៀម​រាប ​ខេត្ត​សៀម​រាប ​។ 

នៅ​ក្រោយ​កើតហេតុ​អ្នក​រង​គ្រោះ​ត្រូវ​បាន​បញ្ជូន​ទៅ​​​សង្គ្រោះ​​នៅ​មន្ទីរ​ពេទ្យ​ តែ​​​ដោយ​ស្ថាន​ភាព​របួស​​​មាន​លក្ខណៈ​ធ្ងន់​ពេក​​​ឈ្មោះ​ជាប​​សា៊ងលាង ​ក៏​​បាន​ស្លាប់​នៅ​មន្ទីរ​​​​ពេទ្យ ។​លោកស៊ាម យូសេង ​​បញ្ជាក់​​ថា ​រថយន្ត​ឡិចស៊ីស​ត្រូវ​បាន​ស្ទូច​យក​ទៅ​​រក្សា​ទុក​នៅ​អធិ​ការ​​​ដ្ឋាន​នគរបាល​ក្រុង​កំពង់​ចាម ជាបណ្តោះ​អាសន្ន​រង់ចាំ​ដោះ​ស្រាយ​តាម​ច្បាប់ ៕

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ