ស្ត្រីពោះធំម្នាក់ចេញរោគសញ្ញាពេញខ្លួន មកពេទ្យ ព្យាបាល តែមិនមែនកើតជំងឺអុតស្វាទេ
- សៀមរាប
ខេត្តសៀមរាប ៖ បើតាមប្រភពពីសមត្ថកិច្ចមូលដ្ឋានបានឱ្យដឹងកាលពីរសៀលថ្ងៃទី២៦ ខែកក្កដា
ខេត្តសៀមរាប ៖ បើតាមប្រភពពីសមត្ថកិច្ចមូលដ្ឋានបានឱ្យដឹងកាលពីរសៀលថ្ងៃទី២៦ ខែកក្កដា ឆ្នាំ២០២២ ម្សិលមិញនេះថា ក្រុមការងារបានចុះទៅពិនិត្យស្ត្រីមានផ្ទៃពោះ៨ខែម្នាក់ កើតជំងឺអ៊ុតស្វាយ កំពុងព្យាបាលនៅមន្ទីរពេទ្យបង្អែកខេត្តសៀមរាប សូមកុំយល់ច្រឡំ មិនមែនកើតជំងឺអ៊ុតស្វាទេ។
តាមប្រភពដដែលបានបន្ថែមថា ស្ត្រីម្នាក់ដែលកើតជំងឺអុតស្វាយខាងលើមានអាយុ២៣ឆ្នាំ មុខរបរទៅផ្ទះ មានផ្ទៃពោះ៨ខែ រស់នៅភូមិទ្រាំង សង្កាត់ស្លក្រាម ក្រុងសៀមរាប និងប្តីមានអាយុ២៨ឆ្នាំ មុខរបរអ្នកលក់បារីចល័តក្នុងខេត្តសៀមរាប មិនបានចេញក្រៅខេត្តទេ។
តាមប្រភពដដែលបានបន្ថែមថា ស្ត្រីមានផ្ទៃពោះខាងលើចេញរោគសញ្ញាកាលពីថ្ងៃទី២៣ ខែកក្កដា ឆ្នាំ២០២២ ដោយមានអាការៈក្តៅខ្លួន ចេញរោគសញ្ញាមុនគេគឺកន្ទួលក្រហម ពងទឹក និងមានខ្ទុះ ហើយចេញបន្តបន្ទាប់នៅលើមុខ ដើមទ្រូង និងក្បាល រួចចេញពេញខ្លួនតែម្តង។ ស្ត្រីមានផ្ទៃពោះរូបនេះមានប្រវត្តិធ្លាប់ប៉ះពាល់ផ្ទាល់ជាមួយក្មួយកើតជំងឺអុតស្វាយ កាលពី២អាទិត្យមុន។
តាមប្រភពដដែលបានបន្តថា ក្រុមការងារបានយកសំណាកតាមច្រមុះ បំពង់ក យកឈា.ម ទឹករងៃ និងខ្ទុះ នៅលើដំបៅទៅពិនិត្យផងដែរ នៅមន្ទីរពេទ្យបង្អែកខេត្តសៀមរាប។
ពាក់ព័ន្ធទៅនឹងករណីខាងលើនេះដែរ លោកវេជ្ជបណ្ឌិត ក្រុស សារ៉ាត់ ប្រធាន មន្ទីរសុខាភិបាលខេត្តសៀមរាប បានមានប្រសាសន៍ឱ្យដឹងកាលពីរសៀលថ្ងៃទី ២៦ ខែកក្កដា ឆ្នាំ២០២២នេះ ថា ករណីស្ត្រី មានផ្ទៃពោះ៨ខែ ដែលឆ្លងជំងឺអុតស្វាយខាងលើនោះបានធូរស្រាលហើយ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប ។
លោកបន្ថែមថា ជម្ងឺនេះ (អុតស្វាយ) ជាជំងឺឆ្លងធម្មតា ដែលភាគច្រើនកើតមានចំពោះក្មេងៗតែប៉ុណ្ណោះ ប៉ុន្តែជំងឺអុតស្វាមានភាពស្រដៀងគ្នា ដោយសារការឆ្លងមានភាពលឿនជាងជម្ងឺអុតស្វាយ។លោកបញ្ជាក់ទៀតថា ករណីស្ត្រីមានផ្ទៃពោះកើតជំងឺអុតស្វាយនេះមិនមានការឆ្លងរីករាលដាលទៅអ្នកដទៃទៀតនោះទេ គឺឆ្លងតែស្ត្រីពោះធំ៨ខែម្នាក់ខាងលើតែប៉ុណ្ណោះ៕
ចែករំលែកព័តមាននេះ