ប្រទេសរុស្ស៊ី ៖ រុស្ស៊ីនៅតែជាអ្នកផ្គត់ផ្គង់ឧស្ម័នធម្មជាតិជិត១ភាគ៣របស់សហភាពអឺរ៉ុប ក្នុងឆ្នាំ២០១៦ បើទោះជាខ្លួនមានភាពតានតឹងជាមួយនឹងសហភាពមួយនេះ ដោយសារគោលបំណងកាត់បន្ថយការ
ប្រទេសរុស្ស៊ី ៖ រុស្ស៊ីនៅតែជាអ្នកផ្គត់ផ្គង់ឧស្ម័នធម្មជាតិជិត១ភាគ៣របស់សហភាពអឺរ៉ុប ក្នុងឆ្នាំ២០១៦ បើទោះជាខ្លួនមានភាពតានតឹងជាមួយនឹងសហភាពមួយនេះ ដោយសារគោលបំណងកាត់បន្ថយការពឹងផ្អែកលើការផ្គត់ផ្គង់របស់ខ្លួនក្ដី ។
ទស្សនាវដ្តីលេខថ្មីជាងគេរបស់ក្រុមហ៊ុន Gazprom និយាយថា ការផ្គត់ផ្គង់ឧស្ម័នធម្មជាតិរបស់ក្រុមហ៊ុន Gazprom ក្នុងអឺរ៉ុបបានកើនឡើងយ៉ាងស្ថិតស្ថេរ និងជិតឡើងដល់ប្រមាណ១ភាគ៣ នៃតម្រូវការក្នុងអឺរ៉ុប។ ក្រុមហ៊ុននេះព្យាករថា ពួកគេបានផ្គត់ផ្គង់ឧស្ម័នប្រមាណ៣១%ក្នុងអឺរ៉ុបនាឆ្នាំ២០១៥ ជាចំនួនមួយដ៏ខ្ពស់រួចមកហើយ ។
ក្រុមហ៊ុនខាងលើបន្ថែមថា ពួកយើងក៏កំពុងតែជិតទទួលបានចំនួនខ្ពស់ជាងគេនៃការនាំចេញឧស្ម័នប្រចាំឆ្នាំ តាំងពីជំនាន់សហភាពសូវៀត និងជំនាន់ប្រទេសរុស្ស៊ីទំនើបនេះ។
សហភាពអឺរ៉ុបទាំងមូលបាននាំចូលពាក់កណ្តាលនៃឧស្ម័នធម្មជាតិដែលត្រូវការ ប៉ុន្តែក្រុមប្រទេសទាំងនេះកាន់តែភ័យព្រួយពីតំណែងរបស់ Gazprom ជាអ្នកផ្គត់ផ្គង់ដ៏ធំមួយ ព្រោះការផ្គត់ផ្គត់ពីប្រទេសរុស្ស៊ីនេះ ត្រូវបានបង្អាក់ពីរដងមកហើយក្នុងអំឡុងពេលមានជម្លោះទាក់ទិននឹងតម្លៃជាមួយប្រទេសអ៊ុយក្រែន ។
ដោយមានប្រទេសមួយចំនួនក្នុងអឺរ៉ុបខាងកើតជិតនឹងពឹងផ្អែកទាំងស្រុងលើឧស្ម័នរបស់ប្រទេសនេះ សហភាពអឺរ៉ុបគិតថា Gazprom អាចនឹងប្រើប្រាស់អំណាចរបស់ខ្លួនជាអ្នកផ្គត់ផ្គង់ដ៏ធំជាងគេដើម្បីដំឡើងថ្លៃ ។
ក្នុងរយៈពេលប៉ុន្មានខែថ្មីៗនេះ ការចរចារវាងភាគីទាំងពីរបានដំណើរការក្នុងការសម្រេចកិច្ចព្រមព្រៀងដែលអាចធ្វើឲ្យ Gazprom ចៀសវាងពីការពិន័យប្រាក់ ។
គួរបញ្ជាក់ថា អស់រយៈពេលជាច្រើនខែមកនេះ បុគ្គលិកក្នុង Gazprom អះអាងថា ការកើនឡើងនៃការនាំចេញនេះ មានន័យថា អឺរ៉ុបមិនអាចអត់ឧស្ម័នរបស់រុស្ស៊ីបានទេ និងគួរតែអនុញ្ញាតឲ្យមានការសាងសង់កន្លែងបូមឧស្ម័នបន្ថែម ។
ទស្សនាវដ្ដីរបស់ក្រុមហ៊ុននេះនិយាយទៀតថា ៖ « ក្រុមហ៊ុន Gazprom បន្តជាអ្នកផ្គត់ផ្គង់តែមួយដែលអាចផ្តល់ឧស្ម័នបន្ថែមជាច្រើនដល់អឺរ៉ុប » ៕
ចែករំលែកព័តមាននេះ