រាជធានីភ្នំពេញ ៖ យុវជនម្នាក់បើករថយន្តកូរ៉ូឡាឆ្លងផ្លូវមិនបានប្រយ័ត្ន ក៏បុកជាមួយរថយន្តតាក់ស៊ីម៉ែត្រ បណ្តាលឱ្យខូចខាតរថយន្តទាំងសងខាង ហើយឪពុកម្តាយខាងរថយន្តកូរ៉ូឡាដឹងថា មានគ្រោះថ្នាក់ចរាចរណ៍បានយល់ព្រមសងសំណងទៅរថយន្តតាក់ស៊ីម៉ែត្រចំនួន៦០០ដុល្លារបញ្ចប់រឿង កើតឡើងកាលពីវេលាម៉ោង០២ និង៣០នាទីរំលងអធ្រាត្រ ឈានចូលថ្ងៃទី៣០ ធ្នូ ស្ថិតតាមបណ្តោយផ្លូវព្រះនរោត្តម កែងផ្លូវ១៤៤ ក្នុងសង្កាត់ផ្សារថ្មី៣ ខណ្ឌដូនពេញ ។
សាក្សីដែលឃើញហេតុការណ៍ឱ្យដឹងថា មុនពេលកើតហេតុ ឃើញបុរសម្នាក់រួមនិងស្ត្រីម្នាក់បើករថយន្តម៉ាកកូរ៉ូឡា ពណ៌ទឹកប្រាក់ ពាក់ស្លាកលេខភ្នំពេញ 2Y-9363 បើកតាមបណ្តោយផ្លូវ១៤៤ ក្នុងទិសដៅពីកើតទៅលិចក្នុងល្បឿនលឿន ខណៈពេលមកដល់ចំណុចកើតហេតុ គាត់ឆ្លងផ្លូវមិនបានប្រយ័ត្នមើលឆ្វេងមើលស្តាំ ស្រាបប់តែមានរថយន្តពណ៌ខៀវលាយទឹកប្រាក់ ពាក់ស្លាកលេខភ្នំពេញ 2Y-2024 ជារថយន្តតាក់ស៊ីម៉ែត្រ បើកបរតាមបណ្តោយផ្លូវព្រះនរោត្តម ក្នុងទិសដៅពីជើងទៅត្បូងក្នុងល្បឿនយ៉ាងលឿន អកហ្សើ ជាមួយរថយន្តកូរ៉ូឡូឡាឆ្លងផ្លូវ ចាប់ហ្វ្រាំងអត់ទាន់ ជ្រុលទៅបុកចំពីមុខក្បាលរថយន្ត បណ្តាលឱ្យខ្ទេចអស់មួយកំណាត់ខាងមុខទាំងសងខាង ចំណែកអ្នកបើករថយន្តមិនមានរងរបួសទេ ។
ក្រោយពេលកើតហេតុ ភាគីសងខាងម្ចាស់រថយន្តកូរ៉ូឡូឡាមិនចង់ឱ្យម្តាយឱពុកខ្លួនដឹងថា ខ្លួនមានគ្រោះថ្នាក់ចរាចរណ៍បានសម្របសម្រួលជាមួយម្ចាស់រថយន្តតាក់ស៊ីម៉ែត្រ ដោយព្រមសងសំណងចំនួន600$ ដើម្បីបញ្ចប់រឿងហើយយករថយន្តយកទៅជួសជុលដោយខ្លួនឯង ៕
ចែករំលែកព័តមាននេះ