ទល់លាមកមកពីរបបអាហារកង្វះជាតិសរសៃ
រោគទល់លាមក គឺជាសញ្ញាដែលបង្ហាញពីភាពមិនប្រក្រតីរបស់ក្រពះពោះវៀន ។ ទល់លាមកអាចកើតមានលើមនុស្សគ្រប់វ័យទាំងក្មេង និងមនុស្សចាស់ ភាគច្រើនទល់លាមកបានស្តែងឲ្យដឹងតាមរយៈសញ្ញា
រោគទល់លាមក គឺជាសញ្ញាដែលបង្ហាញពីភាពមិនប្រក្រតីរបស់ក្រពះពោះវៀន ។ ទល់លាមកអាចកើតមានលើមនុស្សគ្រប់វ័យទាំងក្មេង និងមនុស្សចាស់ ភាគច្រើនទល់លាមកបានស្តែងឲ្យដឹងតាមរយៈសញ្ញាមួយចំនួនដូចជា បន្ទោបង់តិចជាង៣ដងក្នុងមួយសប្តាហ៍, បន្ទោបង់មិនទៀងទាក់លាមកមានលក្ខណៈរឹងហើយស្ងួត, ពិបាកនៅក្នុងការបន្ទោបង់ ជួនកាលមានការឈឺចាប់ និងមានឈាមលាយជាមួយលាមក, តឹងពោះឬប៉ោងពោះនៅផ្នែកខាងក្រោមផ្ចិត ។
ការទាល់លាមកអាចបណ្តាលមកពីច្រើនកត្តាជាពិសេសទាក់ទងទៅនឹងរបបអាហារប្រចាំៃថ្ងមានដូចជា ការបរិភោគអាហារខ្វះសារជាតិសរសៃ, មិនសូវធ្វើពលកម្មឬហាត់ប្រាណ, ការប្រើប្រាស់ថ្នាំ, ទទួលទានទឹកដោះគោច្រើនពេកជាពិសេសទារក, ទទួលទានទឹកតិច, មានជំងឺរលាកពោះវៀនធំឬជំងឺក្រពះ-ទម្លាប់មិនល្អចំពោះការបន្ទោបង់ ម្តងព្រឹកម្តងល្ងាច ដែលជាទូទៅការបន្ទោបង់នៅពេលព្រឹក គឺមានភាពល្អប្រសើរណាស់ ។ ការទល់លាមកអាចបណ្តាលឲ្យមានគ្រោះថ្នាក់ដូចជា ដេកមិនលក់, ឈឺក្បាលរសេះរសោះក្នុងខ្លួន, បង្កឲ្យកើតមានជំងឺរលាកក្រពះ ពោះវៀនជំងឺឬដូងបាត រលាកតម្រងនោម និងជំងឺមហារីកពោះវៀនជាដើម ។ ដូច្នេះដើម្បីការពារកុំឲ្យមានគ្រោះថ្នាក់ដោយសារតែទល់លាមក លោកអ្នកគប្បីអនុវត្តតាមវិធីខាងក្រោម៖
ទទួលទានទឹកឲ្យបានច្រើន, ធ្វើលំហាត់ប្រាណឲ្យបានទៀងទាត់, ពេលឈឺបត់ជើងត្រូវតែទៅភ្លាម ជាពិសេសនៅពេលព្រឹក, ទទួលទានបន្លែ ផ្លែឈើ អាហារដែលសម្បូរដោយជាតិសរសៃជាពិសេស ត្រកួន ផ្ទី ស្លឹកបាស ចេកទុំ ល្ហុងទុំ ស្វាយទុំ ៕
ចែករំលែកព័តមាននេះ