បញ្ជូនក្រុមជនឧក្រិដ្ឋមានទាំងខ្មែរ វៀតណាម ថៃ ចំនួន១១នាក់ ទៅកាន់តុលាការ
- ភ្នំពេញ
កម្លាំងសមត្ថកិច្ចនគរបាលមន្ទីរប្រឆាំងបទល្មើសគ្រឿងញៀ.ន កាលពីព្រឹកថ្ងៃទី១៩ ខែកក្កដា ឆ្នាំ២០២២ បានបញ្ជូនក្រុមជនឧក្រិដ្ឋចំនួន១១នាក់ ដែលមាន
កម្លាំងសមត្ថកិច្ចនគរបាលមន្ទីរប្រឆាំងបទល្មើសគ្រឿងញៀ.ន កាលពីព្រឹកថ្ងៃទី១៩ ខែកក្កដា ឆ្នាំ២០២២ បានបញ្ជូនក្រុមជនឧក្រិដ្ឋចំនួន១១នាក់ ដែលមាន
រាជធានីភ្នំពេញ ៖ កម្លាំងសមត្ថកិច្ចនគរបាលមន្ទីរប្រឆាំងបទល្មើសគ្រឿងញៀ.ន កាលពីព្រឹកថ្ងៃទី១៩ ខែកក្កដា ឆ្នាំ២០២២ បានបញ្ជូនក្រុមជនឧក្រិដ្ឋចំនួន១១នាក់ ដែលមានជនជាតិខ្មែរ វៀតណាម និងថៃ ទៅកាន់សាលាដំបូងរាជធានីភ្នំពេញ ដើម្បីបើកការស៊ើបសួរ និងចោទប្រកាន់ជាផ្លូវការ សម្រេចឃុំខ្លួនជាបណ្តោះអាសន្ន ពាក់ព័ន្ធបទ.ជួញដូរដោយខុសច្បាប់ នូវ សារធាតុញៀ.នប្រមាណ ៤៤ គីឡូក្រាម ដែលប្រព្រឹត្តនៅក្នុងព្រះរាជាណាចក្រកម្ពុជា ។
ដោយអនុវត្តតាមបញ្ជា ឯកឧត្តមនាយឧត្ដមសេនីយ៍ សន្តិបណ្ឌិត អគ្គស្នងការនគរបាលជាតិ និង ឯកឧត្តម នាយឧត្ដមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀ.ន ក្រោមការបញ្ជាដឹកនាំផ្ទាល់របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀ.ន ។
គួរបញ្ជាក់ថា កាលពីថ្ងៃទី១៣ ដល់ថ្ងៃទី១៥ ខែកក្កដា ឆ្នាំ២០២២ កម្លាំងជំនាញ(ក១) នៃមន្ទីរប្រឆាំងគ្រឿងញៀ.ន ដឹកនាំដោយលោកឧត្ដមសេនីយ៍ទោ អ៊ិន សុង, លោកវរសេនីយ៍ទោ ពុធ ស៊ុនរស្មី នាយករងមន្ទីរ និងមានការចូលរួមពីកម្លាំងជំនាញ នៃស្នងការដ្ឋាននគរបាលរាជធានីភ្នំពេញ ខេត្តបន្ទាយមានជ័យ ព្រមទាំងមានការដឹកនាំសម្របសម្រួលពីលោក វង្ស សាវ៉ាត ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ, លោក សំរិទ្ធ សុខុន ព្រះរាជអាជ្ញារង នៃអយ្យការអមសាលាដំបូងខេត្តបន្ទាយមានជ័យ បានធ្វើការស៊ើបអង្កេត ស្រាវជ្រាវ បង្ក្រាបករណីរក្សាទុក ជួញដូរដោយខុសច្បាប់នូវសារធាតុញៀ.នចំនួន០៥ទីតាំងផ្សេងៗពីគ្នាជាបន្តបន្ទាប់ ៖
ដោយទីតាំងទី១- នៅចំណុចសួនច្បារមាត់ទន្លេមុខវាំង ផ្លូវព្រះស៊ីសុវត្ថិ ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ ឃាត់ខ្លួនជនសង្ស័យម្នាក់ និងចាប់យកសារធាតុញៀ.នប្រមាណ១គីឡូ ។
ទីតាំងទី២- នៅចំណុច ខុនដូឃ្វីន បន្ទប់ជួលលេខ៦០២ជាន់ទី៦ ផ្លូវលេខ៣០៨ ស្ថិតក្នុងភូមិ៥ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ឃាត់ខ្លួនជនសង្ស័យម្នាក់ និងចាប់យកសារធាតុញៀ.នប្រមាណជាង៣គីឡូ។
ទីតាំងទី៣- បានបន្តពន្លាតដែនដីទៅខេត្តបន្ទាយមានជ័យ នៅចំណុចមុខសណ្ឋាគារហាក់ហួត២ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ឃាត់ខ្លួនជនសង្ស័យចំនួន០៣នាក់ និងចាប់យកសារធាតុញៀ.ន ២០កញ្ចប់ធំ ប្រមាណ២០គីឡូក្រាម។
ទីតាំងទី៤- នៅចំណុច ផ្ទះ៨០៣ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ឃាត់ខ្លួនជនសង្ស័យម្នាក់ និងដកហូតថ្នាំញៀ.ន០៣កញ្ចប់ធំ ប្រមាណ៣គីឡូក្រាម។
ទីតាំងទី៥- នៅចំណុច ខ្ទមចំការ ស្ថិតក្នុងភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ឃាត់ខ្លួនជនសង្ស័យចំនួន៤នាក់ និងដកហូតថ្នាំញៀ.នចំនួន២០កញ្ចប់ធំ ប្រមាណ២០គីឡូក្រាម ។
លទ្ធផលសមត្ថកិច្ចបានឃាត់ខ្លួនជនសង្ស័យ១១នាក់ រួមមាន ៖ ១- ឈ្មោះ សុខ ទឹង ភេទប្រុស អាយុ៣៩ឆ្នាំ ជនជាតិខ្មែរ ។ ២- ឈ្មោះ សុខ គន្ធា ភេទស្រី អាយុ៣៧ឆ្នាំ ជនជាតិខ្មែរ ។ ៣- ឈ្មោះ ហេង សគុណ ភេទប្រុស អាយុ៤៣ឆ្នាំ ជនជាតិខ្មែរ ។ ៤- ឈ្មោះ តឿន សារុំ ភេទប្រុស អាយុ៤១ឆ្នាំ ជនជាតិខ្មែរ ។ ៥- ឈ្មោះ ម៉ុត សុផុន ភេទប្រុស អាយុ៣២ឆ្នាំ ជនជាតិខ្មែរ។ ៦-ឈ្មោះ WEERAPHAT HUN-GRATHANAPONGSORN ភេទប្រុស អាយុ៣៨ឆ្នាំ ជនជាតិថៃ។ ៧- ឈ្មោះ សេង ឡាទី ភេទប្រុស អាយុ៣៥ឆ្នាំ ជនជាតិខ្មែរ ។ ៨- ឈ្មោះ សិត វិសាល ភេទប្រុស អាយុ២៦ឆ្នាំ ជនជាតិខ្មែរ ។ ៩- ឈ្មោះ ឆេង ឡាយ ភេទប្រុស អាយុ២៦ឆ្នាំ ជនជាតិខ្មែរ ។ ១០- ឈ្មោះ SONGWAT BAU-SRI ភេទប្រុស អាយុ ៣០ឆ្នាំ ជនជាតិ ថៃ និង១១- ឈ្មោះ LAM HONG PHUNG ភេទប្រុស អាយុ២៨ឆ្នាំ ជនជាតិវៀតណាម ។
ហើយក្នុងនោះសមត្ថកិច្ចក៏បានចាប់យកវត្ថុតាងគ្រឿងញៀ.ន រួមមាន ៖ ១- សារធាតុញៀ.នប្រភេទ កេតាមីន (KETAMIN) ទម្ងន់សុទ្ធ១គីឡូនិង៩៥២ក្រាម ។ ២- សារធាតុញៀ.នប្រភេទ មេតំហ្វេតាមីន (ICE) ទម្ងន់សុទ្ធ៤២ គីឡូ និង៨៥៨ក្រាម ។ ៣- សារធាតុញៀ.នប្រភេទអ៊ិចស្តាស៊ី (MDMA) ទម្ងន់សុទ្ធ១០៦ ក្រាម ដែលសរុបសារធាតុញៀ.នទាំងអស់មានទម្ងន់៤៤គីឡូ និង៩១៦ក្រាម ។
ជាមួយគ្នានោះផងដែរ សមត្ថកិច្ចក៏ចាប់បានយកមធ្យោយសម្ភារៈរូមមាន ៖ ១- រថយន្ត០២គ្រឿង, ២- ម៉ូតូ០២គ្រឿង, ៣- អាវុធខ្លី០១ដើម, ៤- គ្រា.ប់បែក០១គ្រាប់. ៥- ជញ្ជីងថ្លឹង៣គ្រឿង និង៦- ទូរស័ព្ទដៃ ៧គ្រឿង ។
បច្ចុប្បន្ន ជនសង្ស័យ រួមនឹងវត្ថុតាង ត្រូវបានសមត្ថកិច្ចជំនាញកសាងសំណុំរឿង បញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធី ៕
ចែករំលែកព័តមាននេះ