ឮសូរប្រាវ នាំគ្នារត់ចេញមកមើលទើបដឹង
រាជធានីភ្នំពេញ ៖ ខណៈឆ្កែកំពុងព្រុសយ៉ាងខ្លាំង ស្រាប់តែឮសូរប្រាវ ប្រជាពលរដ្ឋជាច្រើនក៏បាននាំគ្នារត់ចេញមកមើល ស្រាប់តែប្រទះឃើញបុរសម្នាក់បែកក្បាល …
រាជធានីភ្នំពេញ ៖ ខណៈឆ្កែកំពុងព្រុសយ៉ាងខ្លាំង ស្រាប់តែឮសូរប្រាវ ប្រជាពលរដ្ឋជាច្រើនក៏បាននាំគ្នារត់ចេញមកមើល ស្រាប់តែប្រទះឃើញបុរសម្នាក់បែកក្បាលស្លាប់បាត់ទៅហើយ ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៧ និង២០នាទីយប់ ថ្ងៃទី២២ ខែធ្នូ ឆ្នាំ២០១៦ តាមបណ្តោយផ្លូវព្រះស៊ីហនុ ទល់មុខសណ្ឋាគារកាំបូឌីយ៉ាណា ស្ថិតនៅក្នុងសង្កាត់ចតុមុខ ខណ្ឌដូនពេញ ។
ប្រភពព័ត៌មានពីសមត្ថកិច្ចបានឲ្យដឹងថា ជនរងគ្រោះដែលស្លាប់គឺជាមនុស្សញៀនថ្នាំ ហើយកន្លងមកខាងសាលាខណ្ឌដូនពេញធ្លាប់ចាប់បានចំនួន២ដងបញ្ជូនទៅមជ្ឈមណ្ឌលឱអាកាសខ្ញុំ រួចមកហើយ ។
ប្រភពបន្តថា មុនពេលកើតហេតុអ្នកនៅក្បែរកន្លែងកើតហេតុគាត់បានឮសំឡេងប្រាវក៏នាំគ្នារត់ចេញទៅមើល ស្រាប់តែឃើញបុរសមិនស្គាល់អត្តសញ្ញាណម្នាក់ អាយុប្រមាណជា២៦ឆ្នាំ បានដួលបោកក្បាលស្លាប់បាត់ទៅហើយ ភ្លាមៗនោះនគរបាលប៉ុស្តិ៍ចតុមុខ និងមន្ត្រីសាលាខណ្ឌដូនពេញបានមកដល់កន្លែងកើតហេតុ ដើម្បីជួយសំរួលចរាចរណ៍កុំឲ្យកកស្ទះ ។
យោងតាមការពិនិត្យរបស់មន្ត្រីកោសល្យវិច្ច័យដែលបានចុះទៅដល់កន្លែងកើតហេតុបាន ឃើញស្នាមជើងជាន់នៅលើដំបូលផ្ទះប្រជាពលរដ្ឋដែលជាដំបូលសង្ក័សី ទើបជំនាញសន្និដ្ឋានថា បុរសដែលស្លាប់ខាងលើនេះបានលោតចុះដោយខ្លួនឯងបោកក្បាលស្លាប់ មិនមាននរណាច្រានទម្លាក់នោះទេ ។
ប្រជាពលរដ្ឋនៅកន្លែងកើតហេតុបានឲ្យដឹងថា មុនដំបូងជនសង្ស័យបែកថ្នាំបានឡើងទៅលើដំបូលផ្ទះប្រជាពលរដ្ឋដើរចុះឡើងនៅលើដំបូល ធ្វើឲ្យឆ្កែព្រុសខ្លាំងពេកធ្វើឲ្យជនរង គ្រោះដែលកំពុងតែបែកថ្នាំផងនោះជាន់លើប្រអប់កាប៊ីនភ្លើងនៅជិតដំបូលផ្ទះលោតចុះមកក្រោម បោកក្បាលនឹងស្នួហាលខោអាវនៅក្បែរនោះខ្ទាតចេញបោកក្បាលនឹងថ្នល់ស្លាប់តែម្តង ។
ក្រោយពេលកើតហេតុ សពជនរងគ្រោះត្រូវសមត្ថកិច្ចយកទៅតម្កល់នៅវត្តសំបួរមាស បើមានបងប្អូនណាស្គាល់ជនរងគ្រោះ ឬសាច់ញាតិបានដឹងមកទទួលសពយកទៅធ្វើបុណ្យ តាមប្រពៃណី ៕
ចែករំលែកព័តមាននេះ