ម្នាក់ៗលាន់មាត់ថា ពិតជាព្រៃ.ផ្សៃណាស់
ខេត្តប៉ៃលិន ៖ យុវជនម្នាក់ត្រូវសមត្ថកិច្ចចាប់ខ្លួនកាលពីវេលាម៉ោង១០ និង២៥នាទីព្រឹក ថ្ងៃទី២២ ខែធ្នូ ឆ្នាំ២០១៦ បន្ទាប់ពីយុវជនរូបនេះបានចាប់ក្មេងស្រីម្នាក់ចងស្លាបសេក …
ខេត្តប៉ៃលិន ៖ យុវជនម្នាក់ត្រូវសមត្ថកិច្ចចាប់ខ្លួនកាលពីវេលាម៉ោង១០ និង២៥នាទីព្រឹក ថ្ងៃទី២២ ខែធ្នូ ឆ្នាំ២០១៦ បន្ទាប់ពីយុវជនរូបនេះបានចាប់ក្មេងស្រីម្នាក់ចងស្លាបសេក …
ខេត្តប៉ៃលិន ៖ យុវជនម្នាក់ត្រូវសមត្ថកិច្ចចាប់ខ្លួនកាលពីវេលាម៉ោង១០ និង២៥នាទីព្រឹក ថ្ងៃទី២២ ខែធ្នូ ឆ្នាំ២០១៦ បន្ទាប់ពីយុវជនរូបនេះបានចាប់ក្មេងស្រីម្នាក់ចងស្លាបសេករួចធ្វើសកម្មភាពរំលោភយ៉ាងព្រៃផ្សៃរហូតបានសម្រេចនៅចំណុចភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានបានឱ្យដឹងថា ជនសង្ស័យឈ្មោះ ផល ចាន់ឌី ភេទប្រុស អាយុ១៨ឆ្នាំ មុខរបរកម្មករ មានស្រុកកំណើតនៅភូមិរៀមគន់ ឃុំគា ស្រុកមោងឫស្សី ខេត្តបាត់ដំបង ស្នាក់នៅបាកាត ប្រទេសថៃ ចំណែកក្មេងស្រីរងគ្រោះឈ្មោះ រ.ល.ណ អាយុ១៣ឆ្នាំ ស្នាក់នៅជាមួយបងប្រុសនៅបាកាត ប្រទេសថៃ ។
យោងតាមពាក្យបណ្តឹងពីស្ត្រីម្នាក់ឈ្មោះ យ៉ុត គួ អាយុ៤៥ឆ្នាំ ត្រូវជាម្តាយក្មេងស្រីរងគ្រោះ បានឲ្យដឹងថា កាលពីថ្ងៃទី១៧ ខែធ្នូ ឆ្នាំ២០១៦ គាត់ជាម្តាយបាននាំកូនស្រី និងបងប្អូនប្រុសស្រីជាច្រើននាក់ទៅបេះតាង៉ែនហៅមៀនប៉ៃលិននៅក្នុងទឹកដីប្រទេសថៃ ក្នុងនោះក៏មានជនសង្ស័យទៅជាមួយដែរ ។ លុះដល់ម៉ោងប្រហែល១២ និង៣០នាទីថ្ងៃត្រង់ ជាពេលសំរាកហូបបាយ ជនសង្ស័យបានជិះម៉ូតូទៅទិញបាយហូបក៏បបួលក្មេងស្រីរងគ្រោះទៅជាមួយ ស្របពេលក្មេងស្រីរងគ្រោះចង់ទៅផ្ទះដែរក៏ឲ្យជនសង្ស័យឌុបទៅ លុះពេលជិះម៉ូតូដល់ពាក់កណ្តាលផ្លូវជាកន្លែងស្ងាត់ ជនសង្ស័យក៏បានឈប់ម៉ូតូដោយយកលេសថា បត់ជើងតូច ហើយក៏បានចាប់ផ្តួលក្មេងស្រីរងគ្រោះទៅលើដី រួចយកអាវដៃវែងដែលខ្លួនពាក់ចងដៃក្មេងស្រីរងគ្រោះទៅក្រោយ រួចចាប់សម្រាតខោចេញ ដោយយកដៃសង្កត់ដើមទ្រូងក្មេងស្រីរងគ្រោះមិនឲ្យរើបម្រះ រួចធ្វើសកម្មភាពចាប់រំលោភរហូតបានសម្រេច ។ លុះនៅថ្ងៃទី១៩ ខែធ្នូ ឆ្នាំ២០១៦ ក្មេងស្រីរងគ្រោះក៏បានប្រាប់ឪពុកម្តាយឲ្យដឹង និងដាក់ពាក្យប្តឹងសមត្ថកិច្ចឲ្យជួយអន្តរាគមន៍ចាប់ខ្លួនជនសង្ស័យតែម្តង ។
ប្រភពព័ត៌មានបានឲ្យដឹងទៀតថា បន្ទាប់ពីទទួលពាក្យបណ្ដឹងពីម្តាយក្មេងស្រីរងគ្រោះ នគរបាលព្រហ្មទណ្ឌស្រុកសាលាក្រៅសហការជាមួយនគរបាលប៉ុស្តិ៍ស្ទឹងកាច់ និងកម្លាំងក្រុមការងារទំនាក់ទំនងព្រំដែនកម្ពុជា-ថៃក៏បានចុះទៅចាប់ខ្លួនជនសង្ស័យដើម្បីកសាងសំណុំរឿងបញ្ជូនទៅតុលាការដើម្បីផ្តន្ទាទោសតាមច្បាប់ ៕
ចែករំលែកព័តមាននេះ