ម្តាយប្រើកូនស្រីឱ្យទៅផ្សារទិញឈា.មជ្រូក លុះនាងមកវិញជួបគ្រោះអកុសលតាមផ្លូវ
រាជធានីភ្នំពេញ ៖ នាងក្រមុំម្នាក់ ខណៈម្ដាយប្រើឱ្យទៅទិញឈា.មជ្រូកនៅផ្សារជម្ពូវ័ន ហើយពេល
រាជធានីភ្នំពេញ ៖ នារីម្នាក់ ខណៈម្ដាយប្រើឱ្យទៅទិញឈា.មជ្រូកនៅផ្សារជម្ពូវ័ន ហើយពេលត្រឡប់មកពីផ្សារវិញ នាងបានជិះកង់ឆ្លងផ្លូវ ក៏ត្រូវរថយន្តដឹកបេតុង១គ្រឿងបើកបុ.ក និងកិ.នបណ្ដាលឱ្យរងរបួសធ្ងន់ បន្ទាប់មកបានស្លា.ប់ ក្រោយពេលបញ្ជូនទៅសង្គ្រោះដល់គ្លីនិកឯកជនមួយកន្លែង។
ហេតុការណ៍ខាងលើនេះបានកើតឡើងកាលពីវេលាម៉ោង៩និង៣០នាទីព្រឹកថ្ងៃទី១៨ ខែកក្កដា ឆ្នាំ២០២២ នៅតាមផ្លូវបេតុងឃ្យូអឹមអាយ ស្ថិតនៅក្នុងភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
រថយន្តមួយគ្រឿងខាងលើម៉ាកCHENLONG ពណ៌ស ពាក់ស្លាកលេខ ភ្នំពេញ 3F-0739 បើកបរដោយបុរសមិស្គាល់ឈ្មោះម្នាក់ បានរត់គេចខ្លួនបាត់ស្រមោល ។ ចំណែកនារីរងគ្រោះដល់ស្លា.ប់បាត់បង់ជីវិតនោះឈ្មោះ ម៉ែន ចង្រឹត អាយុ១៨ឆ្នាំ មុខរបរលក់បបរបាយនៅមុខរោងចក្រ ជាមួយម្តាយដែលជាស្ត្រីម៉េម៉ាយ សព្វថ្ងៃស្នាក់ក្នុងភូមិឃុំកើតហេតុខាងលើនោះ ។
តាមប្រភពពីកន្លែងកើតហេតុបានប្រាប់ឲ្យដឹងថា នៅមុនពេលកើតហេតុ ស្ត្រីជាម្ដាយបានប្រើនារីរងគ្រោះឲ្យទៅទិញឈា.មជ្រូកនៅឯផ្សារជម្ពូវ័ន ដើម្បីយកមកធ្វើម្ហូបលក់ឲ្យកម្មកររោងចក្រដែលចេញសម្រាកហូបបាយនៅវេលាម៉ោង១១ព្រឹកនោះដែរ។
តាមប្រភពដដែលបានប្រាប់ឲ្យដឹងបន្តទៀតថា លុះពេលទិញបានហើយ នាងបានជិះកង់ត្រឡប់ទៅផ្ទះវិញតាមផ្លូវបេតុងរោងចក្រឃ្យូអឹមអាយ(QMI) ក្នុងទិសដៅពីត្បូងទៅជើង លុះពេលទៅដល់ត្រង់ចំណុចកើតហេតុបានបត់ឆ្លងផ្លូវ ស្របពេលនោះមានរថយន្តសណ្តោងដឹកបេតុងខាងលើបានបើកបរធ្វើដំណើរក្នុងទិសដៅពីជើងទៅត្បូងទៅដល់បានបុ.កនិងកិ.ន បណ្តាលឲ្យរងរបួសធ្ងន់ធ្ងរ។
តាមប្រភពខាងលើនេះបានបញ្ជាក់ប្រាប់ថា បន្ទាប់មក នារីរងគ្រោះត្រូវបានក្រុមគ្រួសារបញ្ជូនទៅសង្គ្រោះបន្ទាន់នៅគ្លីនិកឯកជន ប៉ុន្តែជាអកុសលក៏បានស្លា.ប់ទៅ ចំណែកអ្នកបើកបររថយន្តបានចុះរត់គេចខ្លួនបាត់ស្រមោល។
ក្រោយពេលកើតហេតុ កម្លាំងនគរបាលប៉ុស្តិ៍ចោមចៅទី៣ និងនគរបាលចរាចរណ៍ខណ្ឌពោធិ៍សែនជ័យ បានចុះទៅកាន់ទីនោះរួចបានប្រគល់ទៅឲ្យនគរបាលការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញធ្វើការវាស់វែង និងនាំយករថយន្តនិងកង់ទៅរក្សាទុករង់ចាំការដោះស្រាយនៅពេលក្រោយ ៕
ចែករំលែកព័តមាននេះ